Úrval Útsýn býður fjölbreytt úrval borgarferða árið um kring. Við höfum áratuga reynslu af skipulagningu slíkra ferða, bæði fyrir einstaklinga og hópa. Velja má um tilbúnar skipulagðar borgarferðir eða sérsniðnar ferðir fyrir smærri og stærri hópa. Við leggjum mikið upp úr að veita faglega og framúrskarandi þjónustu. Sendið okkur fyrirspurn á hopar@uu.is. Við hlökkum til að heyra frá ykkur.

München

Haust 2020

München hefur verið miðstöð lista, menninga og vísinda frá því snemma á 19 öld. Borgin hefur upp á að bjóða fjölda kaffihúsa, veitingastaða og verslunarhúsa. Helsta kennileiti borgarinnar er gotneska dómkirkjan með laukturnunum tveim. München er Ólympíuborg, en þar fóru fram sumarleikarnir 1972.

Glasgow

Haust 2020

Glasgow er iðandi stórborg með langa sögu. Það er af sem áður var, sótug hús, iðnaðarverksmiðjur og skipasmíðar, því nú er Glasgow ein vinsælasta ferðamannaborg í Vestur-Evrópu. Borgin hefur skipt rækilega um búning og nú bera hæst framsækið menningarlíf, eldheit skemmtanasena, blómleg verslun og hreinlegt umhverfi.

Edinborg

Edinborg

Edinborg stendur sannarlega undir nafni sem ein skemmtilegasta borg álfunnar. Um alla borg eru veitingahús, pöbbar og vertshús og verslanir eru sneisafullar af varningi á fínu verði.

Hamborg

Haust 2020

Það er margt framsækið við gömlu Hamborg. Auk þess að vera næst stærsta og ein fegursta borg Þýskalands, er hún ein framsæknasta borg landsins. Það sem meira er: Hamborg er afar græn með fjölda opinna svæða, garða og torga.

Riga

Haust 2020

Höfuðborg Lettlands, Riga, er stærsta borg Eystrasaltsríkjanna. Í Riga má finna einstaka blöndu gamalla og nýrra strauma í byggingum, mannlífi og í menningarsenunni. Hér er líf og fjör fyrir fjörkálfa, dulúðleg saga, fjölbreytt flóra menningar og fjöldi verslana og veitingastaða þar sem verðlag er upp á gamla móðinn.

Brussel

Haust 2020

Brussel er skemmtileg borg og tilvalin fyrir þá sem vilja skreppa í ferð í miðstöð evrópskrar menningar – tilvalin fyrir þá sem vilja njóta alls hins besta í mat, drykk og menningu. Brussel er höfuðborg Belga sem á sér langa og merka sögu. Gamlar hefðir og byggingar setja svip sinn á gamla bæjarhlutann sem er í hjarta borgarinnar Grand-Palace.

Helsinki

Haust 2020

Höfuðborg Finnlands, Helsinki, er jafnframt stærsta borg landsins með yfir 1,3 milljónum íbúa. Finnar eru frægir fyrir framsækið menningarlíf, ekki síst arkitektúr, hönnun, tónlist, og sauna auk hins óborgarlega tungumáls. Allir þessir þættir og margir fleiri koma saman í Helsinki sem er mögnuð og skemmtileg á alla lund. Ekki er langt í önnur einkenni landsins: endalausa skóga og þúsundir vatna.

Brighton

Haust 2020

Strandbærinn Brighton á suðurströnd Englands hefur verið einn vinsælasti ferðamannabær Bretands, allt frá 17. öld þegar konungssfjölskyldan vandi komur sínar þangað. Þegar járnbraut var lögð til Brighton árið 1841, margfölduðust vinsældir bæjarins og hefur hann haldið sínum stalli æ síðan. Hér er allt til alls fyrir gesti og gangandi sem allt tengist skemmtan og afþreyingu, lífi og fjöri, sem og fjölþættri þjónustu. Margir hópar, stórir sem smáir, hafa dvalið í Brighton á okkar vegum og einkunnin er alltaf sú sama: Frábær staður að öllu leyti!

Berlín

Haust 2020

Fáar borgir hafa annan eins kraft og Berlín. Endalaust er hægt að ganga um og uppgötva eitthvað nýtt og spennandi. Fara á milli staða í neðanjarðarlestinni, stoppa á hinum heimsfrægu ölstofum borgarinnar eða grípa sér bradwurtz á götuhorni. Berlín er tilvalin fyrir hópa sem vilja njóta alls hins besta í mat, drykk og menningu.