Sigling um Miðjarðarhafið Páskar 2026

Beint flug með Icelandair til Barcelona. Brottför frá Keflavík kl.08:25 með FI596, lending í kl.13:45 að staðartíma. Rúta flytur hópinn á gott 4 stjörnu hótel miðsvæðis í Barcelona. Frjáls tími um kvöldið.

Frjáls dagur í Barcelona en einnig er hægt að bóka valfrjálsa skoðunarferð um borgina.

Að morgunverði loknum getur fólk tekið því rólega þar til komið er að því að skrá sig út af hótelinu. Rúta flytur hópinn frá hóteli niður á höfn þaðan sem skemmtiferðaskipið Costa Smeralda siglir, en mælt er með því að vera kominn þremur tímum fyrir brottför. Skipið siglir af stað kl.19:00. Nánari upplýsingar um tímasetningar rútu og þ.h. koma síðar.

Kl.08:00 verður lagt að höfn í La Goulette (á arabísku: Halq al-Wādī) sem er lítil, lífleg hafnarborg í Túnis, rétt fyrir utan höfuðborgina Tunis. Hún hefur lengi gegnt mikilvægu hlutverki sem höfn og aðgangsstaður fyrir borgina, bæði frá hinu sögulega og menningarlega sjónarhorni. La Goulette hefur ríka sögu sem nær aftur til tímabils Ottómana og var einnig mikilvæg á nýlendutíma Frakka. Í borginni hefur verið fjölbreytt samfélag þar sem Múslimar, Gyðingar og Kristnir bjuggu í sátt og samlyndi. Þetta menningarsamspil endurspeglast í gömlu byggingunum, matargerðinni og hátíðum sem haldnar eru á staðnum. Bærinn er sérstaklega frægur fyrir sjávarrétti – þar má finna fjölmargar sjávarréttaveitingastaði með ferskum fiski og krabbadýrum beint frá höfninni. Promenadugatan meðfram ströndinni er vinsæl hjá bæði heimamönnum og ferðamönnum, þar sem fólk nýtur góðrar máltíðar og sólarlagsins yfir hafinu. Siglt af stað kl. 16:00.

Komið er til Palermo kl.8:00 að morgni og er hægt að velja um fjölda skoðunarferða til kaups hjá Costa Cruise. Höfuðborg Sikileyjar hefur verið menningarlegur suðupottur síðan Fönikíumenn og Grikkir börðust um hana á 5. og 6.öld f.Kr. Sikiley, einu sinni rómversk, svo býsönsk, arabísk, normönsk og að lokum ítölsk, sameinaðist meginlandi Ítalíu loks árið 1861. Dásamlegir markaðir, fögur torg, aldagamlar kirkjur ásamt stórbrotinni sögu og menningu! Hér er margt að skoða og sjá. Hægt er að kaupa skipulagðar skoðunarferðir um borg hjá Costa Cruise eða kanna á eigin vegum. Lagt er úr höfn kl.16:30.

Komið til Civitavecchia kl. 08:00 að morgni og heill dagur í Rómarborg er framundan. Meðal þess sem hægt er að skoða eru Spænsku þrepin; breiðustu tröppur Evrópu, en breska ljóðskáldið John Keats bjó og lést í einu húsanna við þessi þrep. Húsið er safn í dag. Næst má ganga að Trevi gosbrunninum í hjarta Rómarborgar sem er einn sögufrægasti gosbrunnur í heimi, rómaður fyrir fegurð og frábæra stemningu, og til hins fræga Pantheon hofs en súlurnar sextán sem styðja við þakið koma alla leið frá Egyptalandi en þaðan voru þær fluttar með erfiðismunum á sleðum, fluttar yfir hafið og dregnar inn í Rómaborg. Hver súla vegur um 60 tonn. Ekki þykir síður merkilegt að undir þykkum marmaranum liggja tveir konungar Ítalíu og ítalski málarinn og listamaðurinn Raphael. Mælum með að enda gönguferðina á torginu fagra, Piazza Navona sem hefur allt til að bera, þrjá dýrðlega gosbrunna, Bernini skúlptúra og fjölmörg kaffihús þar sem hægt er að setjast niður og njóta mannlífsins.
Brottför frá Civitavecchia kl. 19:00.

Kl.08:30 verður lagt að höfn í Savona sem staðsett er í Liguria héraðinu á Ítalíu.
Liguria héraðið er þekkt sem ítalska rívíeran vegna fjölmargra strandbæja sem þekja strandlengjuna beggja vegna við Genoa sem er höfuðborg héraðsins. Savona er sannur gimsteinn hvað varðar list, sögu og menningu en borgin hefur sannarlega upplifað tímana tvenna. Einn frægasti íbúi Savona var Kristófer Kólumbus en hægt er að skoða safn sem er í enduruppbyggingu af húsinu sem hann bjó í.
Hægt er að kaupa skipulagðar skoðunarferðir um borð hjá Costa Cruise en einnig er hægt að skoða borgina á eigin vegum.
Siglt er frá Savona kl.17:30.

Komið er til Marseille kl.09 að morgni og verður hægt að kaupa skipulagðar skoðunarferðir um borð í skipinu. Ekkert er þó því til fyrirstöðu að skoða borgina á eigin vegum. Munið bara að vera komin tímanlega til baka um borð þegar skipið fer úr höfn kl.18.
Marseille er elsta borg Frakklands, stofnuð af Grikkjum árið 600 f.Kr. Frábær staðsetning borgarinnar við Miðjarðarhafið hefur frá upphafi stofnunar hennar gert hana að vinsælum áningarstað og má þar sjá greinileg áhrif frá jafnvel mjög fjarlægum menningarheimum. Marseille, stundum kölluð “Napólí Frakklands”, er litrík og glaðleg borg en í henni er mikil matarmenning og margt áhugavert að sjá.
Brottför frá Marseille kl. 18:00.

Komið er til Barcelona kl.09:00 og bíður þá rúta eftir hópnum sem flytur okkur á hótelið. Frjáls tími í borginni það sem eftir er af deginum.

Fátt jafnast á við að rölta um forn stræti Gotneska hverfisins, rölta um Barceloneta hverfið við sjóinn eða jafnvel fara á ströndina.
Í borginni er bæði Picasso safnið og hið nýstárlega samtímalistasafn Macba. Ennfremur eru margar litríkar og stórmerkilegar byggingar eftir Antoní Gaudí sem og dómkirkjan fræga Sagrada Familia sem enn er ekki búið að klára, en bygging hennar hófst árið 1882. Hvort heldur sem valið er að rölta um þröngar götur í Barrio Gothico, þræða tapasbari og rölta um Römbluna, versla í tískuverslunum eða kíkja á listasafn, þá er Barcelona borgin fyrir þetta allt saman og miklu meira!

Um hádegisbil sækir rúta hópinn og keyrir út á flugvöll.
Brottför kl.15:45 með Icelandair flugi FI597, lending í Keflavík kl.18:20 að staðartíma.