París og Normandý

Kynning á skipinu og blandað geði við samferðarfólk, (K).

Við njótum fallegrar siglingaleiðar eftir Signu áleiðis til Les Andelys. Um hádegisbil förum við í gönguferð meðfram Signubökkum en frá Les Andelys er einstakt útsýn yfir hrikalega krítarklettana við Signu, aldagömul viðarhús og rústir Gaillard kastala sem bera við himinn. Þeir sem vilja geta gengið að rústunum sem eitt sinn var virki Ríkharðs ljónshjarta en oft var þar skipt um húsbændur í 100 ára stríðinu. Einnig má taka þátt í hjólaferð í fylgd fararstjóra um þorpið, (M, H, K).

Í Le Harve eru nokkrar skoðunarferðir í boði um þessa frægu hafnarborg og næsta nágrenni. Ein er til hins einstaka hafnarbæjar Honfleur sem skartar heimsfrægu hafnarstæði og var eftirlæti impressionista fyrri tíðar. Þá er í boði önnur ferð til Honfleur að viðbættu eðalhéraðinu Pays d’Aug þar sem epla-mjöður, calvados og pommeau (áfengt léttvín með eplaasafa og epla-brandí) eru sögð skyggja á rauðvínið. Loks má skella sér í bílferð um Beamont-en-Auge og Pont l’Eveque og enda með ostasmakki og Calvados-skál. Síðsdegis er boðið upp á gönguferð og hjólaferð um Le Havre en borgin er á heimsminjaskrá UNESCO, (M, H, K).

Þennan dag liggur leiðin um Normandí hérað og velja má milli fjögurra skoðunarferða. “Minning um D-Day” er heilsdagsferð til átakasvæða bandarískra hersveita, þar sem skoðað verður m.a. kirkjugarðinn í Colleville-sur-Mer, Omaha Beach, stórskotabyrgið í Longues-sur-Mer og þorpið Arromanches þar sem fyrir augu ber leifar af innrásarpramma, sem notaður var við innrás bandamanna árið 1944. Önnur ferð fer um slóðir breskra og kanadískra hersveita á Gold og Juno-ströndunum , m.a. grafreitanna í Ranville og Beny-sur-mer, auk hinnar frægu Pegasus brúar. Einnig verður heimsótt safn helgað síðari heimsstyrjöldinni í Courseulle og að auki þorpið Arromanches (sjá ofar). Þriðji möguleikinn er ferð á vit tilkomumikilla og gamalla klaustra (Rouies des Abbayes) en á þessu svæði má finna um 100 klaustur. Við munum heimsækja rústir Jumiéges-klaustursins og St. George Boscherville, sem áður var aðsetur reglu Benediktusar. Loks gefst síðdegis kostur á að fara til Caudebec-en-Caux sem er ferð aftur tímann í gagnvirku safni um sögu Signu, (M, H, K).

Gönguferð um miðaldabæinn Rouen og að Dómkirkju Vorrar Frúar, sem kom oft fyrir í málverkum Monet, staldrað við á torginu þar sem Jóhanna af Örk var brennd á báli og um leið tekin í dýrlingatölu. Þá verður gengið um elsta hluta borgarinnar og staldrað við hjá Klukkunni stóru. Á bakaleiðinni velur hver sína leið að skipinu en þeir sem vilja taka þátt í hjólaferð meðfram bökkum Signu. Í dagslok má fara í smakkferð þar sem í boði er m.a. súkkulaði heimafólks, makkarónuréttir, ostar og mjöður, (M, H, K).

Morguninn nýtist vel til að skoða landslagið og mannlífið á bökkum Signu um leið og við líðum til Vernon. Þegar við leggjum að bakka er frjáls tími til að skoða þennan fallega bæ. Seinna um daginn verður haldið til Giverny og heimsótt heimili meistara Claude Monet og gengið um fallegu garðana sem hann gerði ódauðlega í verkum sínum. Einnig er í boði heimsókn í Bizy-höllina og skrautgarðana sem breiða úr sér á staðnum. Þeim hjólaglöðu er boðið í sveitaferð með fararstjóra þar sem komið verður við í þorpinu La Roche-Guyon sem hefur verið tilnefnt fallegasta þorp Frakklands, (M, H, K).

Þennan dag eru í boði tvær ferðir. Sú fyrri er heimsókn í bæinn Auvers-sur-Oise þar sem er að finna síðasta heimili málverkameistararans vansæla Vincent van Gogh. Enn hvílir andi van Gogh yfir heimilinu þar sem hann bjó aðeins í 70 síðustu daga ævinnar en var afskaplega afkastamikill uns yfir lauk og lauk 70 verkum á þeim tíma. Að auki verður hugað að gleðilegri stöðum með heimsókn til hins lífsglaða bæjar Saint German-Prés með fallegum söfnum, galleríum og gömlum kirkjum. Hjólafólk fær einnig tækifæri til að hjóla um Conflans. Loks er vert að hvíla lúin bein á sóldekkinu og njóta fallegrar siglingaleiðar áleiðis til Parísar,(M, H, K).

Siglingunni lýkur svo á Signubökkum í París, (M).