Medieval Treasures

Flogið frá Keflavík til Zurich og ekið til Basel. Um kvöldið er blandað geði við aðra farþega og sest til borðs og fyrstu lúxusmáltíðinni gerð góð skil, (K).

Í þessari frönsku fallegu Evrópuborg verður boðið upp á ferð sem hefst í Orangerie-skrautgarðinum. Þaðan er farið að húsi Evrópuþingsins, þá að lýðveldistorginu og gengið í gegnum hverfi sem kallað er “La Petite France” og er sem hverfinu hafi verið lyft upp úr evrópsku ævintýri og flutt þangað sem það nú stendur. Á göngunni lifum við okkur inn í ævintýraheiminn uns við komum að Okkar Frúar Kirkju en efst á henni trónir stór og mikil klukka sem gefur upp stöðu sólar og mána, auk ýmislegs annars í himinnhvolfinu – og er að sjálfsögðu líka tímamælir. Þeir kraftmeiri geta valið skemmtilegan hjólatúr undir leiðsögn, (M,H,K).

Í Ludwigshafen má velja um þrjár skoðunarferðir. Fyrsti möguleikinn er að heimsækja og skoða barokkhöllina í Mannheim, eina stærstu höll álfunnar. Annar möguleiki er gönguferð um Speyer, einn elsta bæ Þýskalands, þar sem m.a. er tilkomumikil dómkirkja sem er á heimsminjaskrá UNESCO, og Altpörtel, borgarhlið frá miðöldum. Loks má slást í för með hópi sem heimsækir hið magnaða Speyer tæknisafn. Síðdegis heldur siglingin áfram til Rüdesheim þar sem boðið verður til Riesling vínsmökkunar, (M,H,K).

Við höldum áfram að skoða okkur um í Rüdesheim og nágrenni. Þeir sem kjósa meira líf í tuskunum ættu að fara í heimsókn í Safn sjálfspilandi hljóðfæra Siegfrieds sem er eitt stærsta safn heims sinnar tegundar. Annars konar upplifun er að fljóta meðfram vínekrum Rüdesheim á eins konar gondóla að Niederwald minismerkinu sem reist var á 8. áratug 19. aldar til að fagna stofnun Þýskalands. Loks má velja hjólhestinn og hjóla efir bökkum Rínar, (M,H,K).

Við siglum fallega leið áleiðis til Miltenberg, sem gjarnan er nefnd Perla Main-fljótsins. Við förum í land og göngum um þessa einstaklega vel varðveittu borg sem sæmir sér vel í hvaða ævintýri sem er. Mörg húsanna eru frá 15. og 16. öld, byggð úr timbri með hárri burst. Stöldrum við hjá Skakka húsinu og lítum inn í Royal Inn, þar sem rekið hefur verið hótel frá 17. öld. Aðrir eiga þess kost að kynnast matarhefðum Frankoniu (nafn héraðsins sem við siglum um) eða hjóla eftir bökkum Main-fljóts. Síðdegis heldur siglingin áfram til Wertheim. Miðbærinn er óneitanlega einn fallegasti gamli bæjarhluti Þýskalands. Í boði verða skoðunarferðir um miðbæinn, gönguferð upp að rústum Wettyheim-kastlalans eða heimsókn í bakaríið og smakkað á dýrindis snúðum og kökum,(M,H,K).

Hér eru nokkrar skoðunarferðir i boði. Würsburg liggur í stærsta vínhéraði Þýskalands og vínekrurnar spanna stór svæði í nágrenni hinnar annáluðu ferðaleiðar “rómantísku leiðarinnar”, sem liggur frá Würzburg og suður til Füssen syðst í landinu. Boðið verður upp á gönguferð um þessa fallegu borg með barrokk yfirbragðið. Þá má skoða hina frægu barokkhöll í borginni sem er á heimsminjaskrá UNESCO og er afar glæsileg og ríkmannlega búin. Þeir sem vilja upplifa meira af rómantísku leiðinni, gefst kostur á að heimsækja Rothenburg sem er best varðveitta virki borga Þýskalands. Geta má þess, að bærinn var fyrirmynd teiknara Disneys Í teiknimyndinni um Gosa. Þeir sem vilja meiri hreyfingu geta tekið þátt í hjólaferð frá Kitzingen til Volkach. Um kvöldið verður haldin vínveisla í Volkach, (M,H,K).

Það er engin tilviljun að stór hluti Bamberg er skráður á heimsminjaskrá UNESCO. Sumir telja borgina meðal þeirra fegurstu í Evrópu. Hér verður boðið upp á þrjár ferðir. Taka má þátt í gönguferð um þessa unaðslegu miðaldaborg, skoða dómkirkjuna, gamla ráðhúsið og virða fyrir sér fjölda herragarða og óðala. Matgæðingum gefst færi á að fara í sælkeraferð og smakka m.a. reyktan bjór, heimalagaðan lakkrís eða Hörnla -rétti sem eru einkennandi fyrir borgina – hin eina sanna uppskrift er frá árinu 1427! Þeir sem kjósa meiri hreyfingu taka þátt í hjólaferð eftir árbökkum Main og í gegnum falleg úthverfi borgarinnar, (M,H,K).

Að loknum morgunverði verður farið frá borði og við tekur akstur til Prag. Þar verður dvalið á lúxushóteli í 2 nætur og í boði verða skoðunarferðir með sérvöldum fararstjóra. Möguleiki að fljúga heim frá Prag, (M,H,K).