Laufey hefur unnið í ferðabransanum frá árinu 1985 og við hin ýmsu störf allt frá því að vera leiðsögumaður yfir í að vera fyrsti framkvæmdastjóri Plúsferða. Hún leggur áherslu á útivist, hreyfingu og lífsgæði.
Verð og dagsetningar
5. – 15. okt.
11 dagar
| Ferð fyrir 2 fullorðna |
Heildarverð frá
839.800 kr. |
Verð frá
419.900 kr.
per farþega | |
5. – 15. okt.
11 dagar
| Ferð fyrir 1 fullorðinn |
Heildarverð frá
624.900 kr. |
Verð frá
624.900 kr.
per farþega |
Ferðalýsing
Undursamleg haustferð með Laufeyju fyrir Úrvalsfólk til náttúruperlunnar Madeira
Þessi einstaka 10 nátta ferð til Madeira er sérsniðin fyrir þá sem vilja njóta þess besta sem eyjan hefur upp á að bjóða í góðum félagsskap. Laufey fararstjóri heldur vel utan um hópinn og sér til þess að allir njóti sín til hins ítrasta í þessari grænu paradís Atlantshafsins.
Tvær fjölbreyttar skoðunarferðir eru innifaldar í ferðinni:
- Heilsdagsferð um vesturhluta Madeira: Við könnum náttúruperlur vesturhlutans og heimsækjum m.a. Porto Moniz, þar sem boðið er upp á sameiginlegan hádegisverð. Upplifðu stórfenglegt útsýni og einstaka stemningu við eldfjallasundlaugarnar.
- Miðborg Funchal og vínsmökkun: Gestir eru sóttir á hótel og keyrt með rútu inn í miðju Funchal. Þaðan er farið í áhugaverða gönguferð um gamla bæinn þar sem við skoðum m.a. hinn litríka Lavadores bændamarkað. Ferðinni lýkur á skemmtilegan hátt með heimsókn og Madeira vínsmökkun í sögufrægu vínhúsi.
Frjálsir dagar og samvera
Á milli þess sem við förum í skipulagðar skoðunarferðir gefst góður tími til að njóta Madeira á eigin vegum. Hótelið okkar, Pestana Casino Park, er frábærlega staðsett í stuttri göngufjarlægð frá miðbæ Funchal, sem er prýddur blómum, notalegum kaffihúsum og fallegum sögulegum byggingum.
Fararstjórinn verður hópnum innan handar með góð ráð og skemmtilegar hugmyndir um hvernig best sé að nýta frjálsu dagana, hvort sem það er afslöppun við sundlaugina, heimsókn í grasagarða eða stutt rölt um nágrennið.
Valfrjálsar skoðunarferðir (Bókaðar á staðnum)
Fyrir þá sem vilja kynnast eyjunni enn betur býður Laufey upp á úrval spennandi aukaferða sem hægt er að bóka hjá henni á staðnum:
- Austurhluti Madeira – Santana og Pico do Areeiro: Í þessari heilsdagsferð könnum við austurhluta eyjunnar. Við förum upp í 1.818 metra hæð á Pico do Areeiro og heimsækjum bæinn Santana, sem er þekktur fyrir sín einstöku stráþakshús.
- Einstæðingadalurinn (Nun’s Valley): Áhugaverð hálfs dags ferð þar sem við fræðumst um sögu nunnanna sem flúðu sjóræningja á 16. öld og njótum stórfenglegs útsýnis yfir afskekkt þorp í hjarta fjallanna.
- Madeira Night – Kvöldverður og þjóðlagatónlist: Upplifðu ekta portúgalska stemningu! Við gæðum okkur á hinum rétti “Espetada” (kjötspjót á portúgalskan máta) á meðan þjóðlagasveit skemmtir okkur með hefðbundinni tónlist og dönsum.
Madeira
Beint flug til Madeira er í boði 5. – 15. október 2026.
Lega eyjunnar í Atlantshafinu tryggir að veðurfarið er þægilegt, milt og stöðugt árið um kring. Landslagið er ægifagurt, tignarleg fjöll, klettar, djúpir dalir og fjölskrúðugur gróður milli fjalls og fjöru. Sykurreyr, vín- og bananaekrur setja svip sinn á landið auk fjölda skrúðgarða. Gamalt áveitukerfi er enn gulls ígildi og mikil völundarsmíð. Um alla eyju eru afar skemmtilegar gönguleiðir.
Madeira tilheyrir Portúgal en er með sjálfstjórn og eigið þing. Eyjan er um 740 ferkílómetrar að stærð og íbúar um 300 þúsund. Fólkið er einstaklega vingjarnlegt og auk portúgölsku tala mjög margir ensku. Ekki er mikið um stórar sandstrendur á eyjunni, víðast hvar eru klettastrendur og fallegar víkur. Þó má finna manngerðar sandstrendur með gullnum sandi.
Höfuðborgin Funchal
Við suðurströndina er höfuðborgin Funchal, heillandi bær í nýlendustíl með ríka menningarsögu. Gamli bærinn er einstaklega fallegur. Þar eru ódýr og góð portúgölsk veitingahús, fjölbreyttir markaðir, glæsilegar handverksbúðir og fjöldi kaffihúsa. Höfnin er sjarmerandi og gaman að rölta meðfram sjónum og fylgjast m.a. með hinum mörgu skemmtiferðaskipum sem þangað koma. Fallegir garðar prýða bæinn eins og alla eyjuna.
Lido ferðamannasvæðið
Fyrir vestan Funchal hefur byggst upp heilmikið ferðamannasvæði, Lido, þar sem eru fjölmörg hótel, veitingastaðir, verslanir og önnur þjónusta fyrir ferðamenn. Meðfram sjónum er göngustígur og á stöku stað hafa verið búnar til litlar sandstrendur eða önnur baðaðstaða fyrir unnendur sjávar. Einnig er alls konar sjávarsport í boði. Til að komast inn í Funchal, má ganga eftir fallegum stíg eða taka strætó frá hóteli.
Við bjóðum upp á úrval gististaða, 3, 4 og 5 stjörnur, bæði í Lido hverfinu og inni í borg.
Gaman að skoða
Fjölbreyttar kynnisferðir verða í boði, s.s. um höfuðborgina Funchal, í sjávarþorp, bændabýli, upp á Pico do Arieiro sem er hæsti tindur eyjunnar (1818 m), um gömul eldfjöll og djúpa dali, gönguferðir og náttúruskoðun, þjóðleg kvöldskemmtun og fleira. Möguleikarnir eru óþrjótandi á þessari fallegu eyju með áhugaverða sögu og einstaka náttúru.
Athugið
- Ef lágmarksþátttaka næst ekki áskilur Úrval Útsýn sér rétt til að fella niður ferðina.
- Staðfestingargjald er 100.000 kr. og er óafturkræft. Vinsamlegast kannið forfallatryggingar sem fylgja kreditkortum og/eða heimilistryggingum.
- Ferðaskrifstofan/fararstjóri áskilur sér rétt til að breyta áætlun ferðar ef veður, umferð eða aðrar ófyrirsjáanlegar aðstæður gefa tilefni til.
- Mikilvægt er að nöfn á bókunum stemmi nákvæmlega við nöfn í vegabréfi. Það er á ábyrgð farþega ef svo er ekki.
- Við hvetjum farþega til að kynna sér hvaða tryggingar eru innifaldar í greiðslukorti sínu og/eða heimilistryggingu. Athugið að þessar tryggingar eru mismunandi eftir tegund greiðslukorts, kynnið ykkur vel skilmála þeirra, sem má fá hjá útgefanda greiðslukortsins. Einnig er hægt er að sækja um sjúkratryggingakort hjá Sjúkratryggingum Íslands – http://www.sjukra.is .