Kristín hefur gegnt fjölmörgum lykilhlutverkum gegnum tíðina og m.a. starfað sem sendiherra í Helsinki, Vín og Peking.
Verð og dagsetningar
Viltu bóka ferð, fá tilboð í verð, eða fá frekari upplýsingar?
Hafðu samband í +354 585 4000 eða sendu okkur póst á info@uu.is
Við sérsníðum ferðina að þínum óskum.
Ferðalýsing
Beijing, Xi’an, Zhangjiajie og Shanghai – stórbrotið ævintýri þar sem keisarasaga, ótrúleg náttúra og nútímalegar stórborgir renna saman í eina ógleymanlega ferð.
Í þessari sérferð upplifum við Kína í hæfilegum skömmtum á hverjum degi, með góðum aðbúnaði, þægilegum dagleiðum og tækifæri til að njóta staðanna í rólegheitum. Við byrjum í Beijing þar sem við göngum um Torg hins himneska friðar, Forboðnu borgina og Hutong-hverfin, heimsækjum Musteri himinsins og gefum okkur tíma til að upplifa lífið á götunum nær hótelinu að kvöldi. Við förum upp á Kínamúrinn við Juyong-hlið, skoðum Sumarhöllina og fáum tilfinningu fyrir hinni sögufrægu Kína áður en hraðlestin flytur okkur á þægilegan hátt til Xi’an.
Í Xi’an kynnumst við hinni fornu höfuðborg á borgarmúrnum, röltum um Múslímahverfið og sjáum hinn magnaða Terracotta-her, leirherinn með leiðsögn. Þaðan liggur leiðin í eitt magnaðasta náttúrusvæði ferðarinnar, Zhangjiajie þjóðgarðinn, sem er á UNESCO-heimsminjaskrá, þar sem við förum með Bailong-glersnúningalyftunni upp í ótrúleg fjallasvæði, og njótum útsýnis á göngu meðfram lækjum og ám og í hæðum Tianzi-fjalls. Við prófum hina frægu glerbrú í Zhangjiajie Grand Canyon og heimsækjum Tianmen-fjall með kláfi og göngu í gegnum Tianmen-fjallið. Hér er um að ræða léttar til meðal-erfiðar göngur þar sem alltaf er hægt að taka hlé og njóta útsýnisins.
Ferðin endar síðan í Shanghai, skínandi stjörnu sem á það til að stela hjörtum gesta. Þar sameinum við söguleg hverfi og nútíma skýjakljúfa: röltum um Yu-garðinn og Yuyuan-basara, heimsækjum silkiverksmiðju, förum upp í Shanghai Tower á 118. hæð og upplifum kvöldlífið á hinu rómaða hafnarsvæði, The Bund og Nanjing stræti. Við bætum við degi í vatnaborginni Zhujiajiao, þar sem kanalar, brýr og lágreistar byggingar skapa allt annað andrúmsloft en í stórborginni. Farþegar fá góða blöndu af skipulagðri dagskrá, gönguferðum og frjálsum tíma til að kanna nágrenni hótelanna á eigin vegum.
Athugið
- Staðfestingargjald er 150.000 kr. og er óafturkræft. Vinsamlegast kannið forfallatryggingar sem fylgja kreditkortum og/eða heimilistryggingum.
- Ferðaskrifstofan/fararstjóri áskilur sér rétt til að breyta áætlun ferðar ef veður, umferð eða aðrar ófyrirsjáanlegar aðstæður gefa tilefni til.
- Mikilvægt er að nöfn á bókunum stemmi nákvæmlega við nöfn í vegabréfi. Það er á ábyrgð farþega ef svo er ekki.