Enchanting/Captivating Rhine

Flugið frá Keflavík leggur upp snemma að morgni og lendir í Zurich í Sviss um hádegisbil. Í Basel verður stigið um borð í lúxusfleytuna AmaWaterways. Um kvöldið er blandað geði við aðra farþega og sest til borðs og fyrstu lúxusmáltíðinni gerð góð skil, (K).

Þessi falllega borg er engu lík og hér verður boðið upp á nokkrar spennandi skoðunarferðir. Fyrst skal nefna ferð til bæjarins Riqueihrm í Elsass-héraði sem hefur litlum breytingum tekið síðan á 17. öld. Ógleymanleg gönguferð um andrúmsloft fyrri alda. Einnig verður boðið upp á ferð til háskólaborgarinnar Freiburg sem stofnuð var árið 1120 þar sem m.a er að finna afar fallega dómkirkju sem sögð er bera fallegasta kirkjuturn heims. Þeir sem vilja meiri hreyfingu geta farið í hjólatúr um nágrannasveitina eða gönguferð um Svartaskóg, (M, H, K).

Í þessari frönsku, fallegu og sögufrægu Evrópuborg verður boðið upp á ferð sem hefst í Orangerie-skrautgarðinum, síðan farið að húsi Evrópuþingsins, þá að lýðveldistorginu og gengið í gegnum hverfi sem kallað er “La Petite France”og er sem hverfinu hafi verið lyft upp úr evrópsku ævintýri og flutt þangað sem það nú stendur. Á meðan á göngunni stendur lifum við okkur inn í ævintýraheiminn uns við komum að Okkar Frúar kirkju en efst á henni trónir stór og mikil klukka sem gefur, auk þess að vera tímamælir, upp stöðu sólar og mána og ýmislegt annað í himinnhvolfinu. Þeir kraftmeiri geta hins vegar valið skemmtilegan hjólatúr undir leiðsögn, (M, H, K).

Í Ludwigshafen má velja um þrjár skoðunarferðir, Fyrsti möguleikinn er að heimsækja og skoða barokkhöllina í Mannheim, eina stærstu höll álfunnar. Annar möguleiki er gönguferð um Speyer, einn elsta bæ Þýskalands, þar sem m.a. er tilkomumikil dómkirkja, sem er á heimsminjaskrá UNESCO, og Altpörtel, borgarhlið frá miðöldum. Loks má slást í för með hópi sem heimsækir hið magnaða Speyer tæknisafn. Síðdegis heldur siglingin áfram til Rüdesheim þar sem boðið verður til Riesling vínsmökkunar, (M, H, K).

Áður en við leggjum að við Rüdesheim siglum við um Rínarglúfur sem er fallegasti hluti árstæðis Rínar. Síðan skoðum við okkur um í vínbænum Rüdesheim og nágrenni. Þeir sem kjósa meira líf í tuskunum, ættu að fara í heimsókn í Safn sjálfspilandi hljóðfæra Siegfrieds sem er eitt stærsta safn heims sinnar tegundar. Annars konar upplifun er að fljóta meðfram vínekrum Rüdesheim á eins konar gondóla að Niederwald minismerkinu sem reist var á 8. áratug 19. aldar til að fagna stofnunar Þýskalands. Loks má velja hjólhestinn og hjóla efir bökkum Rínar, (M, H, K).

Nafli hinnar 2000 ára Kölnarborgar er hin firnastóra gottneska dómkirkja sem er á heimsminjalista UNESCO. Nútíminn hefur þó vinninginn enda er Köln nútímaleg verslunar- og fjármálaborg. Boðið verður upp á gönguferð um gamla bæinn og við skoðum m.a. dómkirkjuna og konunglega grafreiti innandyra. Þá verðu einnig boðið upp á hjólatúr á Rínarbökkum og komið við á krá þar sem smakkað verður Kölsch-bjór og Reibekuchen – kartöflupönnukökur með eplasultu, (M, H, K).

Við komuna til Amsterdam verður farið í síkjasiglingu um einhver af 165 síkjum borgarinnar. og boðið upp á gönguferð um miðborgina. Síðdegis verður siglt út fyrir borgarmörkin og legið þar yfir nóttina, (M, H, K).

Siglingunni lýkur í Amsterdam. Samdægurs má fljúga heim frá Amsterdam eða framlengja dvöl í borginni, (M).