Aðventusigling um Rín 2026

Töfrandi jólestemning á ánni

Þessi einstaka 6 daga ferð sameinar það besta við evrópska aðventu: glæsilega jólamarkaði í fjórum sögufrægum borgum og afslappandi siglingu um árnar Main og Rín. Við hefjum ferðina í Frankfurt, þar sem jólaandinn ríkir, áður en við stígum um borð í glæsilegt skip Viva Cruises sem verður okkar fljótandi hótel. Á meðan skipið líður um fegurstu ár Evrópu heimsækjum við Speyer, Strasbourg og Mainz, skoðum tignarlegar dómkirkjur og njótum sannrar jólagleði á heillandi mörkuðum. Þetta er ferð fyrir þau sem vilja njóta lúxus, menningar og ómótstæðilegrar stemningar í góðum félagsskap þegar aðventan er hvað fegurst.

Verð frá 270.900 kr.
per farþega

Skoða öll verð og bóka

Dagsetningar

27. nóv. – 2. des.

Verð og dagsetningar

27. nóv. – 2. des. 6 dagar	Ferð fyrir 2 fullorðna	Heildarverð frá 541.800 kr.	Verð frá 270.900 kr. per farþega
27. nóv. – 2. des. 6 dagar	Ferð fyrir 1 fullorðinn	Heildarverð frá 386.900 kr.	Verð frá 386.900 kr. per farþega

Innifalið í verði: Beint flug fram og til baka, flugvallagjöld og skattar, ferðataska og handfarangur, gisting, íslensk fararstjórn, Flug með Icelandair til Frankfurt (FI520/FI521), flugvallarskattar og akstur samkvæmt dagskrá, Gisting í eina nótt á hóteli í Frankfurt og 4 nætur um borð í MS Viva Tiara í völdum klefa, Fullt fæði um borð (morgun-, hádegis- og kvöldverður) ásamt léttu snarli yfir daginn, Allir drykkir innifaldir: Sérvalið áfengi, óáfengir drykkir, hágæða kaffi, te og sódavatn í klefa, Ískápur fylltur með vatni alla daga., High Tea er boðið farþega einu sinni í ferðinni. Skemmtileg upplifun með kökum, samlokum, og te., Snyrtivörur frá Rituals í klefa, ókeypis þráðlaust net (Wi-Fi) og þjórfé fyrir áhöfn, og Íslensk fararstjórn sem fylgir hópnum alla leið.

Ekki innifalið í verði: Matur og drykkur sem ekki er tilgreindur í dagskrá, Valfrjálsar skoðunarferðir sem skipafélagið býður upp á, Heimsóknir á söfn eða aðra ferðamannastaði sem krefjast aðgöngumiða, eða Ferðatryggingar og aðrar persónulegar tryggingar.

Ferðalýsing

Boðið er upp á tvær tegundir glæsilegra klefa um borð: Ruby-klefa á miðþilfari (Middle Deck) og Diamond-klefa á efra þilfari (Upper Deck).

Einstök aðventusingling með Úrval Útsýn og Viva Cruises. Upplifðu töfra aðventunnar í 6 daga ævintýraferð um hjarta Evrópu. Ferðin hefst 27. nóvember með flugi til Frankfurt, þar sem gist er eina nótt áður en siglingin hefst. Skipið leggur að í þremur heillandi borgum sem allar skarta sínum eigin jólamarkaði. Þetta er einstakt tækifæri til að heimsækja jólamarkaði í fjórum borgum í sömu ferðinni og sigla um tvær af helstu ám álfunnar, Main og Rín.

Á þessari ferð kynnumst við fjórum ólíkum en jafnframt heillandi borgum. Við byrjum í Frankfurt þar sem nútíminn mætir sögu á einum elsta jólamarkaði Þýskalands í hinu sögufræga Römerberg hverfi. Siglingin heldur áfram til Speyer, en dómkirkja borgarinnar er á heimsminjaskrá UNESCO og gefur hinu fallega bæjarstæði tignarlegan svip.

Í Strasbourg mætist frönsk og þýsk menning í „Litlu Frakklandi“ (Petite France), þar sem bindingshús og skreyttar götur skapa ómótstæðilega stemningu. Að lokum heimsækjum við Mainz, borg Gutenbergs, þar sem rómantískir markaðir prýða torgin við hlið tignarlegu dómkirkjunnar úr rauðum sandsteini. Hver viðkomustaður býður upp á sína einstöku jólatöfra og sögu.

Dagskrá

Dagur 1, föstudagur, 27. nóvember 2026 — Koma til Frankfurt

Flogið er með Icelandair (FI520) kl. 07:20 og lent í Frankfurt kl. 12:05. Rúta bíður okkar á flugvellinum og flytur hópinn á hótel. Það er tilvalið að nota daginn til að skoða borgina og njóta jólaandans. Í Frankfurt er heillandi jólamarkaður í Römerberg-hverfinu sem á sér sögu allt aftur til ársins 1393.

Dagur 2, laugardagur, 28. nóvember 2026 — Stigið um borð

Rúta sækir hópinn á hótelið um hádegi og keyrir okkur að skipi Viva Cruises, MS Tiara. Skipið leggur úr höfn kl. 17:00 og við njótum okkar fyrsta kvöldverðar um borð á meðan við siglum af stað.

Dagur 3, sunnudagur, 29. nóvember 2026 — Speyer

Skipið leggur að bryggju í Speyer kl. 07:30. Eftir morgunverð er hægt að ganga um gamla bæinn eða heimsækja einn notalegasta jólamarkað Þýskalands sem opnar kl. 11:00. Skipið siglir aftur kl. 14:00. Hádegis- og kvöldverður borinn fram um borð.

Dagur 4, mánudagur, 30. nóvember 2026 — Strasbourg (Höfuðborg jólanna)

Skipið leggur að bryggju í Strasbourg kl. 02:00. Eftir morgunverð eða hádegisverð um borð gefst kostur á að ganga um þessa heillandi borg og skoða einn af elstu jólamörkuðum Evrópu. Strasbourg er einstaklega gönguvæn borg þar sem frönsk og þýsk menning mætast á áhugaverðan hátt, en hún státar af ríkri sögu og glæsilegu yfirbragði. Borgin er staðsett í Alsace-héraði og er þekkt fyrir gotneska dómkirkjuna sína og hinu sögulega Petite France-hverfi, sem er á heimsminjaskrá UNESCO.

Strasbourg er heimsfræg fyrir jólamarkaði sína og ljósadýrðin á kvöldin er einstök og kemur öllum í sannkallað jólaskap. Á hverju ári flykkjast nær tvær milljónir gesta til „höfuðborgar jólanna“ til að upplifa það besta sem aðventan hefur upp á að bjóða. Yfir 300 sölubásar eru jafnan settir upp á torgum í Grande-Île hverfinu, þar sem hver markaður hefur sitt eigið þema og allt er í þægilegu göngufæri.

Frá 16. öld hafa jólamarkaðirnir umbreytt borginni í sannkallað undraland. Með yfir fjögurra alda hefð er markaðurinn sá elsti í Frakklandi og meðal þeirra elstu í Evrópu. Markaðurinn „Christkindelsmärik“ á Broglie-torgi, við rætur óperuhússins, er sérstaklega heillandi. Þar má finna fallega jólaskrautsbása og njóta hefðbundins jólaglöggs með ilm af kanil, negul og sítrus.

Matarúrvalið á mörkuðunum er fjölbreytt og stemningin er talin ein sú líflegasta sem völ er á. Hátíðarandinn svífur yfir fallega skreyttum húsum og í miðri ljósadýrðinni rís dómkirkjan í allri sinni dýrð og skapar ógleymanlega stemningu.

Kvöldverður er borinn fram í skipinu áður en haldið er úr höfn kl. 22:30.

Dagur 5, þriðjudagur, 1. desember 2026 — Mainz

Skipið leggur að bryggju í Mainz klukkan 12:00. Borgin er fræg fyrir falleg miðaldartorg sín, gömul timburhús og hinn sérstaka gosbrunn úr rauðum sandsteini sem prýðir miðborgina. Þessi einkennandi rauði steinn er áberandi í mörgum af glæsilegustu byggingum borgarinnar.

Í Mainz er einnig að finna hið fræga Gutenberg-safn, helgað sögu prentlistarinnar. Borgin skartar einstökum jólamarkaði sem staðsettur er við hlið dómkirkjunnar, á milli Liebfrauenplatz og Fischtorplatz. Markaðurinn á sér yfir 200 ára sögu og býður upp á fjölbreytt úrval sölubása með handverki og kræsingum. Markaðurinn er opinn frá klukkan 11:00 til 20:30.

Mainz liggur fallega við bakka Rínar og hinum megin við fljótið blasir borgin Wiesbaden við. Eftir innihaldsríkan dag njótum við kvöldverðar um borð í skipinu. Skipið siglir af stað áleiðis til Frankfurt klukkan 01:30 (aðfaranótt 2. desember).

Dagur 6, miðvikudagur, 2. desember 2026 — Heimferð

Skipið leggur að höfn í Frankfurt kl. 07:00. Eftir morgunverð um borð flytur rúta hópinn út á flugvöll. Flogið er heim með Icelandair (FI521) kl. 13:05 og lent í Keflavík kl. 15:55 eftir ógleymanlega ferð.

Athugið

Ef lágmarksþátttaka næst ekki áskilur Úrval Útsýn sér rétt til að fella niður ferðina.
Staðfestingargjald er 100.000 kr. og er óafturkræft. Vinsamlegast kannið forfallatryggingar sem fylgja kreditkortum og/eða heimilistryggingum.
Ferðaskrifstofan/fararstjóri áskilur sér rétt til að breyta áætlun ferðar ef veður, umferð eða aðrar ófyrirsjáanlegar aðstæður gefa tilefni til.
Mikilvægt er að nöfn á bókunum stemmi nákvæmlega við nöfn í vegabréfi. Það er á ábyrgð farþega ef svo er ekki.