Aðventuferð til Heidelberg og Strasbourg

Ingibjörg Lárusdóttir
fararstjóri

Úrval Útsýn býður upp á einstaka ferð þar sem tveir jólamarkaðir eru heimsóttir, hvor í sínu landinu – Þýskalandi og Frakklandi. Heidelberg er fræg fyrir fallegar brýr og einstakan sjarma. Þar heimsækjum við þýskan jólamarkað þar sem gamlar hefðir og nýir straumar mætast. Jólamarkaðurinn í Heidelberg er einn af hápunktum vetrarins í þessum sögufræga bæ og teygir sig um aðaltorg hans. Á Karlsplatz er skautasvell og á Universitätsplatz má finna fjölbreytta sölubása allt í kring. Ljósadýrðin og jólastemningin í Heidelberg eru einstakar, og ilmurinn af jólaglöggi, bratwurst og ristuðum möndlum fyllir loftið. Eftir heimsókn okkar til Heidelberg höldum við áfram til Strasbourg þar sem við innritum okkur á hótel.

Ingibjörg Lárusdóttir er farastjóri í þessari ferð. Ingibjörg er mikill matgæðingur og elskar anda jólanna. Ingibjörg hefur áður verið farastjóri í aðventuferðum okkar og einnig til Tælands og Grikklands. Lífskúnstner sem gaman er að vera í kringum.

Verð frá 239.900 kr.
per farþega

Skoða öll verð og bóka

Dagsetningar

26. – 29. nóv.

Verð og dagsetningar

26. – 29. nóv. 4 dagar	Ferð fyrir 2 fullorðna	Heildarverð frá 479.800 kr.	Verð frá 239.900 kr. per farþega
26. – 29. nóv. 4 dagar	Ferð fyrir 1 fullorðinn	Heildarverð frá 329.900 kr.	Verð frá 329.900 kr. per farþega

Innifalið í verði: Beint flug fram og til baka, flugvallagjöld og skattar, ferðataska og handfarangur, gisting, íslensk fararstjórn, og 1 kvöldverður.

Ferðalýsing

Þessi ferð er sannkölluð veisla fyrir skynfærin þar sem við fléttum saman rómantík háskólabæjarins Heidelberg og ævintýralegan glæsileika Strasbourg. Í stað þess að þjóta á milli staða gefum við okkur tíma til að innbyrða það sem gerir evrópska aðventu svo ómótstæðilega: söguna sem andar úr hverjum steini og þá einstöku handverkshefð sem hefur varðveist kynslóð fram af kynslóð.

Aðventuferð til Heidelberg og Strasbourg

Hvað gerir þetta svæði svona sérstakt? Við erum á mótum þýskrar og franskrar menningar. Í Heidelberg upplifirðu klassíska þýska jólahlýju með kastalarústir í bakgrunni, en í Strasbourg stígurðu inn í „höfuðborg jólanna“. Þar er metnaðurinn í skreytingum á öðru stigi – þú munt sjá heilu húshliðarnar breytast í listaverk með ljósum, borðum og bangsaskreytingum sem finnast hvergi annars staðar.

Menning, matur og notalegheit Í stað þess að borða bara „pylsu á torgi“ kynnumst við matarmenningu Alsace-héraðsins, sem er heimsþekkt fyrir dýrindis vín og matarmikla rétti eins og Tarte Flambée. Við nýtum tímann í Strasbourg til að sjá hliðar á borginni sem margir ferðamenn missa af, eins og leyndu hornin í hinu vatnsmikla Petite France hverfi og sögulegu veggteppin í dómkirkjunni sem aðeins eru dregin fram á þessum árstíma.

Ferðalagið þitt Hér snýst allt um að njóta. Við búum miðsvæðis svo þú getir auðveldlega gengið út í jólaævintýrið, fengið þér rjúkandi jólagoð og fundið gjafir sem eru ekki fjöldaframleiddar. Þetta er ferðin til að hlaða batteríin fyrir jólin, fylla farteskis af minningum og upplifa heim þar sem gamlar hefðir lifa enn í fullum blóma.

Dagskrá

Dagur 1, fimmtudagur, 26. nóvember 2026 — Ferðadagur

Flogið verður út þann 26. nóvember kl. 07:25 til Frankfurt. Þar bíður rúta hópsins og ekið verður til hinnar rómuðu háskólaborgar Heidelberg, sem er þekkt fyrir fallegar brýr og einstakan sjarma.

Í Heidelberg heimsækjum við þýskan jólamarkað þar sem gamlar hefðir og nýir straumar mætast. Jólamarkaðurinn markar hápunkt vetrarins í þessum sögufræga bæ og teygir sig um aðaltorg hans. Á Karlsplatz er skautasvell og á Universitätsplatz má finna fjölbreytta sölubása allt í kring.

Ljósadýrðin og jólastemningin í Heidelberg eru einstakar, og ilmurinn af jólaglöggi, bratwurst og ristuðum möndlum fyllir loftið.

Eftir heimsókn okkar til Heidelberg höldum við áfram til Strasbourg þar sem við innritum okkur á hótel. Kvöldið er frjálst.

Dagur 2, föstudagur, 27. nóvember 2026 — Jólamarkaðir og sameiginlegur kvöldverður

Eftir morgunverð skoðum við einn af elstu jólamörkuðum Evrópu. Strasbourg er heillandi og gönguvæn borg sem blandar saman franskri og þýskri menningu og hefur yfirbragð stórborgar með ríka sögu. Borgin er staðsett á Alsace-svæðinu og er þekkt fyrir gotnesku dómkirkjuna sína og Petite France-hverfið sem er á heimsminjaskrá UNESCO.

Strasbourg er fræg fyrir jólamarkaði sína og ljósadýrðin á kvöldin er einstök og kemur öllum í sannkallað jólaskap. Á hverju ári flykkjast nær tvær milljónir gesta til „höfuðborgar jólanna“, Strasbourg, til að upplifa það besta sem aðventan hefur upp á að bjóða og alla þá fjölmörgu jólamarkaði sem spretta upp víðs vegar um borgina.

Yfir 300 sölubásar eru jafnan settir upp á torgum í Grande Île-hverfinu, þar sem hver markaður hefur sitt eigið þema og er í göngufæri frá þeim næsta. Frá 16. öld hafa jólamarkaðirnir umbreytt borginni í sannkallað undraland, og með yfir fjögurra alda hefð er markaðurinn sá elsti í Frakklandi og meðal þeirra elstu í Evrópu.

„Christkindelsmärik“ á Broglie-torgi við rætur óperuhússins er sérstaklega heillandi. Þar má finna fallega jólaskrautsbása og njóta hefðbundins jólaglöggs með ilm af kanil, negul og sítrus. Matarúrvalið er fjölbreytt og markaðurinn talinn einn sá líflegasti.

Hátíðarandinn svífur yfir fallega skreyttum húsum og í miðri ljósadýrðinni rís dómkirkjan í allri sinni dýrð og skapar einstaka stemningu.

Um kvöldið borðar hópurinn saman á veitingastað. (Kvöldverður innifalinn)

Dagur 3, laugardagur, 28. nóvember 2026 — Morgunverður og svo frjáls dagur

Morgunverður og svo frjáls dagur Il að njóta og spóka sig um. Tilvalið að dást að veggteppum í dómkirkjunni, einu helsta veggteppasafni Frakklands, en þau eru aðeins sýnd á aðventunni.

Dagur 4, sunnudagur, 29. nóvember 2026 — Ferðadagur

29.nóvember. Rúta keyrir hópinn Il Frankfurt þar sem flogið er með Icelandair og fer vélin í loftið
13:05 og lendum við í keflavík 15:55.

Athugið

Staðfestingargjald er 80.000 kr. og er óafturkræft. Vinsamlegast kannið forfallatryggingar sem fylgja kreditkortum og/eða heimilistryggingum.
Ferðaskrifstofan/fararstjóri áskilur sér rétt til að breyta áætlun ferðar ef veður, umferð eða aðrar ófyrirsjáanlegar aðstæður gefa tilefni til.
Mikilvægt er að nöfn á bókunum stemmi nákvæmlega við nöfn í vegabréfi. Það er á ábyrgð farþega ef svo er ekki.