Úrval Útsýn býður upp á beint flug til Egyptalands yfir hátíðarnar – tvær ferðir í boði! Íslensk fararstjórn í báðum ferðum. Fagnaðu jólum eða áramótum í sólinni með 10 daga fríi á glæsilegum hótelum þar sem allt er innifalið – ljúffengur matur, svalandi drykkir og afslöppun við tærar strendur Rauðahafsins. Sólin skín allan daginn og börnin njóta sín í sundlauginni eða við ströndina á meðan þú hvílist í paradís. Í boði eru einnig spennandi ferðir: fljúgðu í dagsferð til Kaíró eða farðu með rútu til Luxor og kynnstu hinni stórbrotnu sögu Egyptalands. Sól, sæla og ógleymanleg hátíð með Úrval Útsýn!
Jólaferð 18. – 28. desember brottför 07:00 frá Keflavík lent 16:15 í Hurghada
Áramótaferð 28. des – 7. janúar brottför 07:00 frá Keflavík lent 16:15 í Hurghada
Vaknaðu við suðræna sól og ölduhljóð við strendur Hurghada – vinsælasta strandborg Egyptalands, þar sem ævintýri og afslöppun fara hönd í hönd. Hvítar sandstrendur og kristaltær sjór bjóða upp á draumakenndar aðstæður til sólbaða, köfunar og alls kyns vatnaíþrótta.
Dagurinn getur byrjað með bátsferð út á kóralrif, þar sem þú syndir meðal litríkra fiska og skoðar einstakt neðansjávarlíf. Að lokinni sjóferð bíður eyðimörkin – tilbúin í fjórhjól, jeppaferð eða jafnvel reiðtúr á kameldýrum í rauðgullnu landslagi sólarlagsins.
Hurghada býður einnig upp á fjölbreytt mannlíf og ríkulega menningu. Þú getur verslað á líflegum, staðbundnum mörkuðum, smakkað ekta egypska rétti eða rölt meðfram höfninni í El Gouna, þar sem nútíma arkitektúr mætir arabískum stíl.
Á kvöldin tekur lífið nýja mynd – hótel og strandklúbbar lifna við með tónlist, ljúffengum kvöldverði og sólsetri sem mála himininn í rauðum og fjólubláum litum.
Hurghada er fullkominn áfangastaður fyrir alla sem vilja upplifa sól, sjó, afslöppun og ævintýri – allt á einum stað.
Afþreying
Hurghada býður upp á fjölbreytt úrval af skemmtilegum skoðunarferðum. Ein sú vinsælasta er dagsferð til Luxor, en einnig er hægt að fara í heila dagsferð til Kaíró þar sem meðal annars er komið við á Egyptaþjóðminjasafninu og farið í heimsókn til Giza, þar sem hinir einstöku pýramídar rísa. Einnig er boðið upp á ýmsar styttri ferðir um Hurghada-svæðið sjálft. Í Makadi Bay má finna stóran vatnsrennibrautagarð sem býður upp á afþreyingu fyrir alla fjölskylduna.
Hótel
Flest hótel á Hurghada-svæðinu eru með „allt innifalið“ þar sem morgun-, hádegis- og kvöldverður eru innifaldir, ásamt snakki yfir daginn og innlendum drykkjum. Á flestum hótelum er hægt að kaupa innflutta drykki gegn aukagjaldi.
Öll hótelin eru með Wi-Fi tengingu, þó getur hraðinn verið mismunandi eftir hótelum og staðsetningu gesta innan þeirra. Í einhverjum tilvikum er hægt að greiða fyrir hraðari nettengingu.
Hátíðarkvöldverður um jól og áramót innifalinn í verði
Vegabréfsáritun
Íslenskir ferðamenn þurfa að hafa vegabréfsáritun þegar ferðast er til Egyptalands. Áritunin er auðfengin og er hún afgreidd á flugvellinum við komu með aðstoð okkar starfsmanna. Kostnaður er 4,900 kr. á mann og greitt er fyrir brottför.
Flugið
Flogið er beint til Hurghada. Áætlaður flugtími er um 7 klst og 35 mínútur.