Sigling um Miðjarðarhafið

Beint flug með Icelandair til Rómar.
Brottför frá Keflavík kl.08:20 með FI562, lending í Róm kl.14:55 að staðartíma.
Rúta flytur hópinn á hótelið NH Roma Villa Carpegna sem er gott 4 stjörnu hótel vel staðsett í Róm.

Að morgunverði loknum verður farið í skoðunarferð um hina fornu Róm sem hefst í Kolloseum, en þetta stórkostlega
mannvirki tók 50 þús áhorfendur og var reist á árunum 70-90 e.Kr. Þetta volduga hringleikahús er eitt helsta tákn borgarinnar og færir okkur aftur í tíma þegar þrælar og kristnir menn börðust fyrir lífi sínu. Einnig skoðum við „Arch of Constantine“ og Palatine hæðina sem og minjar af keisarahöllinni sem Júlíus Sesar og Ágústus byggðu. Einstaklega skemmtileg ferð sem gefur okkur innsýn í hina fornu tíma.
Aðgangur að Palatínhæð og Imperial Forums er innifalinn.

Rúta flytur hópinn frá hótelinu að Civitavecchia-höfn þar sem gengið verður um borð í hið glæsilega skip Costa Toscana.
Lagt er úr höfn kl.19:00 og siglt að Pelagos Sanctuary sem er eina alþjóðlega hafsvæðið sem tileinkað er verndun sjávarspendýra. Það var stofnað með marghliða samningi milli Frakklands, Ítalíu og Mónakó sem var undirritaður í Róm árið 1999. Meginhlutverkið er að stuðla að verndun hvaldýra og búsvæði þeirra gegn t.d. mengun, hávað, föngun fyrir slysni o.fl.
Áætluð koma þangað er kl.23:30 og verður stoppað hér í um klukkustund. Á svæðinu má sjá bæði hvali og höfrunga og þar á meðal nokkrar tegundir sem eru í útrýmingarhættu.

Kl.08:30 verður lagt að höfn í Savona sem staðsett er í Liguria héraðinu á Ítalíu.
Liguria héraðið er þekkt sem ítalska rívíeran vegna fjölmargra strandbæja sem þekja strandlengjuna beggja vegna við Genoa sem er höfuðborg héraðsins. Savona er sannur gimsteinn hvað varðar list, sögu og menningu en borgin hefur sannarlega upplifað tímana tvenna. Einn frægasti íbúi Savona er Kristófer Kólumbus en skoða safn þar sem er í enduruppbyggingu af húsinu sem hann bjó í. Hægt er að kaupa skipulagðar skoðunarferðir um borð hjá Costa Cruise en einnig er hægt að skoða borgina á eigin vegum.
Siglt er frá Savona kl.18:00.

Komið er til Marseille kl.08:30 að morgni og verður hægt að kaupa skipulagðar skoðunarferðir um borð í skipinu. Einnig er hægt að skoða borgina á eigin vegum. Munið bara að vera komin tímanlega tilbaka um borð þegar skipið fer úr höfn kl.18:30.

Marseille er elsta borg Frakklands, stofnuð af Grikkjum árið 600 f.Kr. Frábær staðsetning borgarinnar við Miðjarðarhafið hefur frá upphafi stofnunar hennar gert hana að vinsælum áningarstað og má þar sjá greinileg áhrif frá jafnvel mjög fjarlægum menningarheimum. Marseille, stundum kölluð “Napólí Frakklands”, er litrík og glaðleg borg en í henni er mikil matarmenning og margt áhugavert að sjá.

Lagt að höfn í Barcelona kl.08:00. Hér er nóg að gera og því tilvalið að taka daginn snemma.
Í borginni er bæði Picasso safnið og nýstárlegt samtímalistasafnið Macba. Ennfremur eru margar litríkar og stórmerkilegar byggingar eftir Antoní Gaudí sem og dómkirkjan fræga Sagrada Familia sem enn er ekki búið að klára, en bygging hennar hófst árið 1882. Hvort heldur sem valið er að rölta um þröngar götur í Barrio Gothico, þræða tapasbari og rölta um Römbluna, versla í tískuverslunum eða kíkja á listasafn, þá er Barcelona borgin fyrir þetta allt saman og miklu meira! Eins og áður þá verður hægt að kaupa skipulagðar skoðunarferðir um borð í skipinu.
Lagt verður úr höfn kl.18:00 stundvíslega.

Komið er til Palma kl.08:00 að morgni. Eitt af því sem er svo heillandi við Mallorca er að hitastigið á eyjunni fer sjaldan yfir 30 gráður á sumrin og sjaldan undir 10 gráður á veturna. Palma er eina borgin á Mallorca og höfuðstaður eyjunnar en finna má litla bæi og þorp um alla eyjuna. Innan borgarveggja gamla hlutans í bænum er gaman að rölta um og skoða í litlar verslanir eða njóta þess að setjast með kaldan drykk og skoða mannlífið. Önnur helsta gatan í gamla bænum er Ramblan sem endar á Plaza Mayor torginu. Einnig má nefna að dómkirkjan í Palma er með fallegri kirkjum Spánar, en hún er byggð úr sandsteini og hófst bygging hennar árið 1230. Lokið var við hana á 17.öld. Antoní Gaudí endurhannaði síðan kirkjuna meira og minna að innan snemma á 20.öld.

Tilvalið að slaka á og njóta alls þess skemmtilega sem skipið hefur upp á að bjóða

Höfuðborg Sikileyjar hefur verið menningarlegur suðupottur síðan Fönikíumenn og Grikkir börðust um hana á 5. Og 6.öld f.Kr. Sikiley, einu sinni rómversk, svo býsönsk, arabísk, normönsk og að lokum ítölsk, sameinaðist meginlandi Ítalíu loks árið 1861. Dásamlegir markaðir, fögur torg, aldagamlar kirkjur ásamt stórbrotinni sögu og menningu! Hér er margt að skoða og sjá. Hægt er að kaupa skipulagðar skoðunarferðir um borg hjá Costa Cruise eða kanna á eiginvegum. Lagt er úr höfn kl.16:30.

Komið er að höfn í Róm kl.08:30 að morgni. Rúta ásamt innlendum leiðsögumanni tekur á móti hópnum og keyrir á hótel Mama Schelter Roma sem er gott 4 stjörnu hótel staðsett stutt frá Vatíkaninu. Akstur frá höfninni í Civitavecchia inn í Rómaborg tekur u.þ.b. 1 klukkustund.

Í dag getur fólk átt frjálsan dag til þess að njóta á eigin vegum eða keypt skoðunarferð í Vatíkanið og Péturskirkjuna. Skoðunarferðin er keypt sérstaklega í kaupferlinu.

Að morgunverði loknum er frjáls tími þar til rúta sækir hópinn um hádegisbil og farið er á flugvöllinn.
Brottför frá Róm kl.15:25 að staðartíma, lending í Keflavík kl.18:15 að staðartíma.