Porto, Portúgal

Portúgal

Stórfljótið Douro er aðall þessarar drifmiklu hafnarborgar. Fljótið er vel skipgengt og þar er afar vinsælt að fara í styttri eða lengri fljótasiglingar. Porto er ein elsta borg Evrópu með litríkum húsum frá fyrri tíð. Gamli bær Porto, Ribeira, þykir ákaflega fallegur og er á heimsminjaskrá UNESCO. Þar má sjá krókóttar steinum lagðar götur og stíga milli fallegra torga. Nýi bærinn hefur verið í hraðri uppbyggingu þar sem arkitektúrinn er eftirtektarverður með sinn sérstaka blæ.

Borgarbragurinn er fremur rólegur miðað við aðrar borgir af svipaðri stærðargráðu. Um alla borg má finna fjölmarga veitingastaði, bari og kaffihús en verðlag á mat og drykk þykir mjög hagstætt. Ekki gleyma að heimsækja World of Discovery safnið sem rekur m.a. sögu landafunda og heimsreisa portúgalskra sæfara. Þá er full ástæða til að gera ferð upp árdal Douro til að skoða fallega bæi og ægifagra náttúru. Vínekrur liggja víða enda eru Douro-vínin viðfræg.

Ekki má heldur geyma drykknum ljúffenga sem ber nafn borgarinnar: Púrtvín! Golfsettið má gjarnan fylgja með því golfvellirnir eru opnir allt árið.

Það er ekki langt að norðurlandamærunum þar sem við tekur Galisíu hérað Spánar sem geymir eina af mikilvægustu borgum kaþólskunnar, Santiago de Compostel, en við glæsilega dómkirkju borgarinnar líkur pílagrímagöngu eftir Jakobsstígnum.