Adolf Jónsson er með víðtæka reynslu af fararstjórn um víða veröld og hefur síðastliðin ár verið búsettur í Mexíkó og leitt fjölda ferða um Yucatánskaga, Playa del Carmen og Cancun auk annara landa í Mið- og Suður Ameríku. Adolf ferðaðist víða um Kína meðan hann dvaldi við nám í Shanghai og nýtti allar frístundir til að bæta við sig þekkingu á álfunni.
Verð og dagsetningar
7. – 22. nóv.
16 dagar
| Ferð fyrir 2 fullorðna |
Heildarverð frá
1.179.800 kr. |
Verð frá
589.900 kr.
per farþega | |
7. – 22. nóv.
16 dagar
| Ferð fyrir 1 fullorðinn |
Heildarverð frá
756.900 kr. |
Verð frá
756.900 kr.
per farþega |
Ferðalýsing
Það jafnast fátt á við unaðinn í sól og hita við strendur Karíbahafsins í Mexíkó, að kynnast heillandi sögu landsins og upplifa ótrúlega fjölbreyttan matarkúltúr og menningu heimamanna. Mexíkó er nefnilega ekki bara sombrero, tacos og tequila. Stórbrotin náttúrufegurð, ólíkir þjóðarhópar og dramatísk saga landsins mætast í litskrúðugri menningu sem lætur engan ósnortinn.
Áfangastaðurinn er Playa del Carmen, einhver ljúfasti strandbær í heimi og gerólíkur þeim stöðum sem Íslendingar hafa kynnst í sólarlandaferðum sínum til Evrópu. Hér er eitthvað allt annað á ferðinni því hótelin eru lágreist og götulífið sjarmerandi með dásamlegum mörkuðum; mannlífið fjölbreytt og öruggt.
Á Playa del Carmen komumst við í kynni við krassandi matargerð, ólgandi mexíkóska menningu og einstaklega gestrisna heimamenn. Ströndin heillar með tærum og ylvolgum sjó og einu stærsta kóralrifi í heimi.
Flogið er um Toronto í Kanada með Icelandair og áfram með WestJet. Gist eina nótt á flugvallarhóteli í Toronto á leið út en bein tenging í Toronto á heimleið. Einn flugmiði tryggir tengingar. Gist er eina nótt í Toronto á báðum leiðum á góðu flugvallarhóteli.
Föstudaginn 7. nóvember er flogið kl 17:00 frá Keflavík og lent í Tórontó kl 18:15 og fylgt á hótel.
Flogið 08:15 að morgni laugardagsins 8. nóvember og lent á hádegi í Cancun í Mexíkó og ekið beint til Playa del Carmen í fylgd íslensks fararstjóra.
Heimflug er föstudaginn 21. nóvember kl 13:25, lent í Kanada 17:05 og áfram til Íslands kl 19:45.
Lending á Keflavíkurflugvelli klukkan sex að morgni laugardagsins 22. nóvember.
Athugið
- Ef lágmarksþátttaka næst ekki áskilur Úrval Útsýn sér rétt til að fella niður ferðina.
- Staðfestingargjald er 100.000 kr. og er óafturkræft. Vinsamlegast kannið forfallatryggingar sem fylgja kreditkortum og/eða heimilistryggingum.
- Ferðaskrifstofan/fararstjóri áskilur sér rétt til að breyta áætlun ferðar ef veður, umferð eða aðrar ófyrirsjáanlegar aðstæður gefa tilefni til.
- Mikilvægt er að nöfn á bókunum stemmi nákvæmlega við nöfn í vegabréfi. Það er á ábyrgð farþega ef svo er ekki.