Perlur Gardavatns og Verona

Upplifðu bestu hliðar norður–Ítalíu í þessari stórbrotnu ferð þar sem Gardavatnið, sjarmerandi miðaldabæir og tignarleg Dólómítafjöllin mynda ógleymanlega heild. Ferðin sameinar náttúru, menningu, matargerð og rólega ítalska stemmningu ásamt góðum félagsskap. Fullkomin ferð fyrir þá sem vilja blanda saman afslöppun, Menningu, ævintýrum og fegurstu perlum Ítalíu.

Gardavatnið – Ítölsk sólarparadís

Gardavatnið er þekkt fyrir milda Miðjarðarhafsloftslagið, sítrónuilminn og litríku þorpin sem sitja eins og perlur meðfram vatninu. Við heimsækjum fallega bæi þar sem hægt er að rölta um þröng strætin, njóta ískalds gelato og upplifa lífið á ítalskan hátt – rólega, fallega og með bros á vör.

Verona borg er aldagömul frá tímum Rómaveldis og það er auðsjáanlegt þegar komið er inn á Piazza Brà torgið þar sem Colosseum-líkt rómverskt hringleikahús blasir við í hjarta miðborgarinnar. Verona býður einnig upp á frábærar verslanir í Via Mazzini götunni, við Piazza Erbe torgi og Via Cappello götunni.  Fyrir rómantíska fólkið er hús Rómeó og Júlíu aðeins steinsnar frá aðaltorginu. Borgin sem Shakespeare elskaði svo heitt fangar hjörtu flestra sem þangað koma.

Riva Del Sole ★★★★

Crowne Plaza Verona ★★★★

Beint flug til Verona hefst 13. júní. 2026. Flogið er vikulega á laugardögum.

Hvað er að sjá?

Verona státar af fjölda skemmtilegra og áhugaverðra staða. Listinn gæti litið svona út:

Versur romae, vae romae

Fyrst skal nefna rómverska leikhúsið sem haldið sér vel í fleiri aldir. Stór jarðskjálfti á 12. öld hreyfði vart við húsinu enda er hluti þess byggður úr fyrsta flokks bleiklituðum marmara. Hér er pláss fyrir um 30.000 áhorfendur og hér eru haldnir tónleikar árið um kring.

Giardino giusti

Handan Adige-fljótsins er gullfallegur garður sem talinn er einn af gimsteinum endurreisnarinnar. Garðurinn er nefndur í höfuðið á aðalsættinni sem annast hefur reitinn frá stofnun hans árið 1591. Þótt garðurinn sé blómlegri yfir sumarmánuðina svífur þar magnaður andi yfir vetrartíma og allan ársins hring er hann athvarf elskenda.

Gamli bærinn

Gamli bærinn er mjög skemmtilegur með þröngum götum og ítalskri matargerð eins og hún gerist best og það er einna líkast að maður hafi dottið inn í ítalska bíómynd. Marmara göngugatan Via Mazzini liggur í gegnum hjarta bæjarins að Piazza Erbe torginu sem er gríðarlega fallegt.

Shakespeare

Borgin varð Shakespeare mikil hvatning og varð Verona leiksvið hans í þremur leikritum; Rómeó og Júlíu, Skassið tamið, og Tveir herramenn frá Verona. Hinar sögufrægu svalir þar sem Júlía stóð og hlustaði á ástarjátningar Rómeós er vinsæll skoðunarstaður.

Museo Di Castelvecchio

Í 28 sýningarrýmum hefur þetta einstaka safn að geyma fjölda muna og minja frá rómverskum tíma, miðöldum og endurreisninni auk nýlegri listmuna. Húsnæðið er sér kapítuli út af fyrir sig en það var reist sem virkisborg um miðja 14. öld ofan á rómverskum rústum og kirkju sem að hluta til má skoða innandyra.

Galleria D’Arte Moderna Achille Forti

Þetta listasafn geymir mörg djásn frá tímabilinu 1840-1940 með áherslu á málverk og höggmyndir.

Torre Deil Lamberti

Torre dei Lamberti er 84 m hár varðturn sem byggður var á löngu tímabili á 13.-15. öld, mest til að hafa fyrirvara á innrásum frá Feneyingum. Frá turninum er frábært útsýni yfir borgina og nágrenni hennar.

Piazza Dei Signiori

Umhverfis þetta aðaltorg Verona eru raðir af tignarlegum gömlum byggingum. Fyrst skal nefna Palazzo degli Scaligeri frá 14. öld. Þar bjó Cangrande I Dekla Scala, sá er reisti virkisborgina sem fyrr en nefnd. Loggia el Consiglio var reist á 16. öld sem eins konar ráðhús borgarinnar og Palazzo della Ragione var upphaflega byggt sem bústaður en hefur gegnt mörgum hlutverkum í gegnum tíðina. Á miðju togirnu er hin fræga stytta af skáldinu Dante sem fékk athvarf í Verona eftir útlegðardóm í Flórens.

Flóamarkaðurinn

Loks skal nefna flóamarkaðinn á Piazza San Zeno sem er opinn flesta sunnudaga árið um kring. Þar er að finna mikið úrval antíkmuna, allskyns apparöt og flíkur.

Verona er alltaf vinaleg heim að sækja og enginn ætti að snúa svikinn heim.