Marrakesh

Marrakesh – nafnið eitt kallar fram minningar úr 1001 nótt. Iðandi og kraftmikil borg sem er einstök í sinni röð, litríkur og seiðandi menningarheimur, óræður ilmur, ólgandi líf en samt róandi andi. Rauða borgin er hún nefnd vegna roðalitra virkisveggja sem staðið hafa umhverfis gömlu borgina frá 13. öld. En rauði liturinn er aðeins einn af óteljandi litbrigðum í hinu ótrúlega litrófi Marrakesh.

Medina og Gueliz

Borgin skiptist í tvennt. Annars vegar gamla borgarhlutann, Medina (samheiti yfir arabahverfi í norður-afrískum borgum), og hins vegar nýja hlutann sem svipar meira til vestrænna borga og kallast Gueliz eða Ville Nouvelle. 

Gamla borgin er óskipulögð og ruglingsleg með fjölda þröngra gatna og stíga sem eru fullir af lífi, verslunum, kaffihúsum og götusölum en ekki má gleyma markaðstorgunum þar sem kaupgleðin nær hámarki; pýramídafjöll af allskyns kryddi, úrval minjagripa, nýofin teppi í þúsundatali og skildi heilladís búa í einum af hundruðum silfurlampa í boði? Gott að rifja upp listina að prútta! Og skarkalinn og umferðin nær hámarki á Jemaa el-Fna, stærsta torgi Afríku, þar sem atgangurinn er oftar en ekki mörgum sinnum meiri en á stærstu torgum Evrópu á háannatíma! Sögurnar af Marrakesh ljúga engu!

Marrakesh – nafnið eitt kallar fram minningar úr 1001 nótt. Borgin er iðandi og kraftmikil en býr þó yfir róandi anda. Hún er einstök í sinni röð með litríkum og seiðandi menningarheimi þar sem ólgandi lífi einkennir tilveruna. Marrakesh er oft nefnd rauða borgin vegna roðalitaðra virkisveggja sem umlukt hafa borgina síðan á 13. öld. Rauði liturinn er þó aðeins einn af óteljandi litbrigðum í hinu ótrúlega litrófi borgarinnar.

Medina og Gueliz

Borgin skiptist annars vegar í gamla borgarhlutann sem kallast Medina, sem er samheiti yfir arabahverfi í norður-afrískum borgum, og hins vegar í nýjan hlutann sem svipar meira til vestrænna borga og kallast Gueliz eða Ville Nouvelle. Gamla borgin er óskipulögð og ruglingsleg með fjölda þröngra gatna og stíga sem iða af lífi, verslunum, kaffihúsum og götusölum. Á lifandi markaðstorgum en gott að rifja upp listina að prútta en þar nær kaupgleðin hámarki og hægt er að kaupa úrval minjagripa, nýofin teppi í þúsundatali og heilu fjöllin af litríku ilmandi kryddi. En skyldi heilladís búa í einum af hundruðum silfurlampa sem þar eru í boði? Skarkalinn og umferðin nær hámarki á Jemaa el-Fna stærsta torgi Afríku þar sem atgangurinn er oftar en ekki mörgum sinnum meiri en á stærstu torgum Evrópu á háannatíma. Sögurnar af Marrakesh ljúga engu!