Brottför frá Keflavík klukkan 11:50. Flogið verður með British airways í gegnum London og lent í höfuðborg Jórdaníu, Amman, klukkan 00:45. Farþegar verða sóttir á flugvöll og þeim ekið á Grand Hyatt hótelið þar sem gist verður fyrstu 4 næturnar.

Hvíldardagur til að njóta og sóla sig.

Skoðunarferð um Amman. Við heimsækjum Jebel al-Qala´a (á ensku The Citadel) með leifum af Rómverska leikhúsinu, borgarvirkið og Umayyad höll þar sem frábært útsýni er yfir Amman. Einnig verður þjóðminjasafnið skoðað(The National Archaeological Museum). Farþegum verður gefinn kostur á að rölta um gamla bæinn að skoða eða versla áður en haldið verður tilbaka á hótelið. Frjálst kvöld.

Eftir morgunverð keyrum við til grísk-rómversku borgarinnar Jerash, sem oft er kölluð borg hinna þúsund súlna.

Þar eru einhverjar stærstu rómversku rústir sem varðveist hafa utan Ítalíu og er borgin oft kölluð Pompeii Mið-Austurlanda. Jerash er ein af Decapolisborgunum (10 grískar borgir í Mið-Austurlöndum á fornöld) og hefur borgin að nokkru haldist óspillt.

Þar má sjá velmegun fyrri tíma á súlum aðalgötunnar og í hinu fallega hringleikahúsi Oval Piazza.

Þaðan liggur leiðin til Ajlun, sem er þekkt fyrir stórbrotið virki frá tímum Saladins og fallegt útsýni yfir Jórdandal.

Ferðin heldur áfram til Um Qais, sem einnig er ein af Decapolisborgunum og kallaðist áður Gadara. Borgin er fræg fyrir svartar basalt-rústir frá tímum Grikkja.

Frá Um Qais sést yfir Gólanhæðir og Tiberíusvatn (Sea of Galilee).

Snúið verður aftur til Amman og kvöldið er frjálst.

Eftir morgunverð leggjum við af stað út í eyðimörkina til að skoða kastalana:

Al Kharaneh, Qasr Amra, Al Azraq

Þessir kastalar voru byggðir af Umayyödum, fyrsta múslimaættarveldinu sem stjórnaði kalífadæminu á árunum 661–750 e.Kr.

Veggi og gólf kastalanna prýða flísar og mósaík. Qasr Amra er á heimsminjaskrá UNESCO.

Al Azraq var einnig bústaður Arabíu-Lawrence á meðan á arabísku byltingunni stóð.

Að ferð lokinni snúum við aftur til Amman.
Frjálst kvöld.

Eftir morgunverð tökum við ferðatöskurnar með okkur og yfirgefum Grand Hyatt.

Við höldum suður til Aqaba eftir sögufrægri leið sem tengdist fornu Silkileiðinni, þar sem kaupmenn, hermenn og pílagrímar ferðuðust um aldir.

Fyrsta stoppið er í kristnu borginni Madaba, einnig kölluð Mósaíkborgin. Þar skoðum við St. George kirkjuna, sem er fræg fyrir mósaíkkort sitt af heilaga landinu frá 6. öld.

Síðan heimsækjum við fornleifagarð þar sem rústir byzantískra kirkna eru varðveittar, meðal annars Church of the Virgin.

Næst er farið upp á Mount Nebo, einn helgasta stað Jórdaníu. Samkvæmt Biblíunni sýndi Guð Móse fyrirheitna landið frá þessu fjalli.

Á björtum degi er hægt að sjá alla leið til Jericho og Jerúsalem.

Við keyrum síðan að Wadi Al Mujib, stórbrotnu gili með einu fallegasta útsýni Jórdaníu.

Ferðin heldur áfram til Kerak, þar sem við skoðum stóran krossferðakastala sem sýnir sögu svæðisins frá Byzantine tíma til Mamlúka.

Að lokum keyrum við til Aqaba, þar sem við gistum þrjár nætur á lúxushótelinu Al Manara við Rauðahafið.

Haldið frá Aqaba til Wadi Rum, stærstu eyðimörk Jórdaníu, sem er þekkt fyrir stórbrotið landslag og hefur verið notuð sem leikmynd í mörgum kvikmyndum, meðal annars Indiana Jones.

Ekið verður um eyðimörkina á jeppum áður en komið er í glæsilegar tjaldbúðir.

Þar njótum við sólseturs í eyðimörkinni og kvöldverður verður framreiddur í tjaldbúðunum.

Hægt er að kaupa úlfaldaferð til að sjá sólarupprás daginn eftir.

Keyrt frá Aqaba til Petra.

Við skoðum Beida, einnig kölluð Little Petra, áður en við tékkum okkur inn á hótel.

Eftir morgunverð skoðum við hina frægu borg Petra – rósrauðu borgina sem er helmingi eldri en tíminn sjálfur.

Borgin var byggð af Nabateumönnum fyrir um 2000 árum og var höfuðborg þeirra.

Við hefjum ferðina á hestbaki fyrir þá sem vilja, en göngum síðan um borgina í gegnum Siq, þrönga klettagljúfrið sem leiðir inn í borgina.

Ferðin endar við eitt frægasta minnismerki heims – The Treasury.

Gisting á Petra Moon Luxury Hotel.
Frjálst kvöld.

Eftir morgunverð keyrum við að Dauðahafinu, sem er lægsti punktur jarðar.

Við gistum á Hilton lúxushóteli og njótum þess að svamla og láta okkur fljóta í vatninu.

Vegna mikillar seltu er ekki hægt að kafa eða synda – aðeins fljóta.

Leðjan við ströndina inniheldur mörg steinefni og er talin hafa heilsubætandi áhrif.

Frjálsir dagar til að njóta.

Eftir morgunverð sækir rúta hópinn og keyrir á flugvöllinn.

Brottför frá Queen Alia International Airport kl. 09:10
Lending í London kl. 11:45

Brottför frá London kl. 13:50
Lending í Keflavík kl. 17:15