Gourmetferð við Gardavatn

Komdu með í ljúfa júníferð til Norður-Ítalíu,  Gardavatn, rómantísk Verona og sögufræga Mantova.  Ferðin býður upp á einstaka blöndu afslöppunar og ævintýra. Við heimsækjum ólík og heillandi svæði:

Verona, borg Rómeós og Júlíu, með sögulegum torgum og glæsilegum minjum.
Valpolicella, hjarta ítalskrar vínmenningu þar sem við fáum að smakka hin frægu rauðvín svæðisins.
Mantova, gleymda perla Lombardy-héraðsins, umlukin vötnum og prýdd stórbrotinni byggingarlist Gonzaga-ættarinnar.
Sirmione og Garda, þar sem við siglum á milli litríkra strandbæja yfir kyrrlát vatn Garda, stærsta vatns Ítalíu.
Valeggio og Borghetto sul Mincio, ljúf, söguleg þorp þar sem tíminn virðist standa í stað og maturinn er rótgróin menningarhefð – ekki síst hin frægu tortellini.

Auk þess eru tveir dagar án dagskrár þar sem þú getur notið hótelsins, farið í jóga, slappað af við sundlaugina eða kannað nágrennið á eigin hraða. 

Beint flug til Verona hefst 13. júní. 2026. Flogið er vikulega á laugardögum.

Hvað er að sjá?

Verona státar af fjölda skemmtilegra og áhugaverðra staða. Listinn gæti litið svona út:

Versur romae, vae romae

Fyrst skal nefna rómverska leikhúsið sem haldið sér vel í fleiri aldir. Stór jarðskjálfti á 12. öld hreyfði vart við húsinu enda er hluti þess byggður úr fyrsta flokks bleiklituðum marmara. Hér er pláss fyrir um 30.000 áhorfendur og hér eru haldnir tónleikar árið um kring.

Giardino giusti

Handan Adige-fljótsins er gullfallegur garður sem talinn er einn af gimsteinum endurreisnarinnar. Garðurinn er nefndur í höfuðið á aðalsættinni sem annast hefur reitinn frá stofnun hans árið 1591. Þótt garðurinn sé blómlegri yfir sumarmánuðina svífur þar magnaður andi yfir vetrartíma og allan ársins hring er hann athvarf elskenda.

Gamli bærinn

Gamli bærinn er mjög skemmtilegur með þröngum götum og ítalskri matargerð eins og hún gerist best og það er einna líkast að maður hafi dottið inn í ítalska bíómynd. Marmara göngugatan Via Mazzini liggur í gegnum hjarta bæjarins að Piazza Erbe torginu sem er gríðarlega fallegt.

Shakespeare

Borgin varð Shakespeare mikil hvatning og varð Verona leiksvið hans í þremur leikritum; Rómeó og Júlíu, Skassið tamið, og Tveir herramenn frá Verona. Hinar sögufrægu svalir þar sem Júlía stóð og hlustaði á ástarjátningar Rómeós er vinsæll skoðunarstaður.

Museo Di Castelvecchio

Í 28 sýningarrýmum hefur þetta einstaka safn að geyma fjölda muna og minja frá rómverskum tíma, miðöldum og endurreisninni auk nýlegri listmuna. Húsnæðið er sér kapítuli út af fyrir sig en það var reist sem virkisborg um miðja 14. öld ofan á rómverskum rústum og kirkju sem að hluta til má skoða innandyra.

Galleria D’Arte Moderna Achille Forti

Þetta listasafn geymir mörg djásn frá tímabilinu 1840-1940 með áherslu á málverk og höggmyndir.

Torre Deil Lamberti

Torre dei Lamberti er 84 m hár varðturn sem byggður var á löngu tímabili á 13.-15. öld, mest til að hafa fyrirvara á innrásum frá Feneyingum. Frá turninum er frábært útsýni yfir borgina og nágrenni hennar.

Piazza Dei Signiori

Umhverfis þetta aðaltorg Verona eru raðir af tignarlegum gömlum byggingum. Fyrst skal nefna Palazzo degli Scaligeri frá 14. öld. Þar bjó Cangrande I Dekla Scala, sá er reisti virkisborgina sem fyrr en nefnd. Loggia el Consiglio var reist á 16. öld sem eins konar ráðhús borgarinnar og Palazzo della Ragione var upphaflega byggt sem bústaður en hefur gegnt mörgum hlutverkum í gegnum tíðina. Á miðju togirnu er hin fræga stytta af skáldinu Dante sem fékk athvarf í Verona eftir útlegðardóm í Flórens.

Flóamarkaðurinn

Loks skal nefna flóamarkaðinn á Piazza San Zeno sem er opinn flesta sunnudaga árið um kring. Þar er að finna mikið úrval antíkmuna, allskyns apparöt og flíkur.

Verona er alltaf vinaleg heim að sækja og enginn ætti að snúa svikinn heim.