Gönguferð um Amalfi og Sorrento 2026

Ítalía

Halla Hrund Arnardóttir
fararstjóri

Dásamleg tíu daga ferð til Amalfi og Sorrento bíður þín. Ferðin leiðir þig inn í hjarta suður-Ítalíu þar sem stórbrotin náttúra, menning og bragðheimar renna saman í eina heild. Við heimsækjum litríku eyjuna Capri, göngum hina stórkostlegu Guðanna slóð og klífum hinar sögufrægu hlíðar Vesúvíusar. Í náttúrufriðlandinu Punta Campanella njótum við kyrrðar og sjávarútsýnis og í Napólí kynnumst við menningu og matargerð borgarinnar – þar á meðal lifandi pizzugerðarnámskeiðs. Á milli dagsferða gefst líka tími til að slaka, kanna líflegar götur Sorrento eða einfaldlega njóta sólarinnar við Miðjarðarhafið. Þetta er ferð sem sameinar hreyfingu, náttúru, mat og menningu í ógleymanlegu vorævintýri á Ítalíu.

Halla Hrund Arnardóttir er hjúkrunarfræðingur og vinnur á heilsugæslu. Hún stundar útivist og þá sérstaklega fjallgöngur, henni finnst fátt betra en að njóta náttúrunnar í gönguferðum. Hún hefur gengið um þetta svæði og hlakkar mikið til að leiða hópinn og upplifa þetta dásamlega ævintýri með ykkur.

Verð frá 409.900 kr.
per farþega

Skoða öll verð og bóka

Dagsetningar

20. – 28. júní

Verð og dagsetningar

20. – 28. júní 9 dagar	Ferð fyrir 2 fullorðna	Heildarverð frá 819.800 kr.	Verð frá 409.900 kr. per farþega
20. – 28. júní 9 dagar	Ferð fyrir 1 fullorðinn	Heildarverð frá 459.900 kr.	Verð frá 459.900 kr. per farþega

Innifalið í verði: Beint flug fram og til baka, flugvallagjöld og skattar, ferðataska og handfarangur, 7 nætur á Sorrento 4★ með hálfu fæði, 2 nætur á Napólí 4★ með hálfu fæði, íslensk fararstjórn, akstur til og frá flugvelli, vínsmökkun, nestispakki, staðarleiðsögn með innlendum leiðsögumanni skv. ferðalýsingu, pizzugerðarnámskeið, og skoðunarferð til Capri.

Ekki innifalið í verði: Borgarskattur, þjórfé, eða annað sem ekki er tilgreint í lýsingu.

Ferðalýsing

Komdu með í dásamlega ferð til Amalfi og Sorrento.

Þetta er ferð á einstakt svæði á Ítalíu, þar sem stórbrotin fjöll speglast í djúpbláum sjó og fornar sögur lifna við í borgargötum og náttúru. Hér færðu óviðjafnanlega blöndu af gönguferðum, menningu, matargerð og afslöppun – sannkallað ævintýri fyrir öll skynfæri.

Við hefjum dvölina í Sorrento, sem situr á bjargi með stórkostlegt útsýni yfir Napólíflóann. Héðan förum við í spennandi dagsferðir, meðal annars til eyjunnar Capri, þar sem þröng stræti, blómlegar hallir og lifandi torg skapa einstaka stemningu. Á Guðanna slóð göngum við með leiðsögumanni eftir einni fegurstu fjallaleið Evrópu, með tilkomumiklu útsýni yfir Amalfiströndina.

Við klífum einnig hið sögufræga eldfjall Vesúvíus og njótum að lokinni göngu vínsmökkunar í góðum höndum heimamanna. Í náttúrufriðlandinu Punta Campanella kynnist þú kyrrðinni, gróðrinum og einstökum sjávarútsýnum. Sérstakt pizzugerðarnámskeið í Napólí færir þér bragð og hefð hinnar ekta napólísku pizzu – þar sem gleði og list matargerðarinnar mætast.

Á milli dagsferða gefst nægur tími til að njóta Sorrento og Napólí á eigin hraða: rölta um markaði, smakka heimagerð gelato, sitja á kaffihúsi eða einfaldlega liggja í sólskini við Miðjarðarhafið.

Þetta er ferð sem sameinar ævintýri og afslöppun, stórbrotna náttúru og menningu, hefðir og bragðheim Ítalíu. Minningar sem fylgja þér löngu eftir heimkomu – sannkallað vorævintýri á Amalfiströndinni.

Dagskrá

Dagur 1, laugardagur, 20. júní 2026 — Ferðin hefst

Við fljúgum rá Keflavík, lendum í Frankfurt. Höldum áfram frá Frankfurt og lendum í Napólí þar sem rúta bíður okkar og flytur til Sorrento á hótel þar sem gist er yfir nótt.

Dagur 2, sunnudagur, 21. júní 2026 — Eyjan Capri

Við vöknum við fuglasöng og förum niður á höfn, þar sem bátur flytur okkur yfir til Capri. Þar bíður litríkur heimur, þröngar götur, blómaskreytt hús og lífleg Piazzetta – hjarta eyjarinnar. Dagurinn er tileinkaður því að rölta, njóta og drekka í sig þennan suðræna unað.

Dagur 3, mánudagur, 22. júní 2026 — Guðanna slóð og Positano

Við förum í gönguskóna og fylgjum leiðsögumanni eftir hinni stórbrotnu slóð guðanna. Útsýnið er engu líkt – fjöllin falla í sjó fram og blámi Miðjarðarhafsins umlykur okkur. Við borðum nestið okkar í náttúrunni áður en við endum daginn í litríku Positano.

Dagur 4, þriðjudagur, 23. júní 2026 — Vesúvíus og vínsmökkun

Í dag förum við í návígi við hina frægu eldfjalladís – Vesúvíus. Við göngum upp hlíðar fjallsins og horfum niður á Napólíflóann. Að göngunni lokinni tökum við þátt í vínsmökkun með hefðbundnum ítölskum kræsingum – sönn veisla fyrir bragðlaukana.

Dagur 5, miðvikudagur, 24. júní 2026 — Ganga frá Amalfi til Ravello

Gengið um dal honna gömlu mylla. Limoncello smökkun og skoðum hinn sjarmerandi bæ Ravello

Dagur 6, fimmtudagur, 25. júní 2026 — Punta Campanella

Við förum í heilan göngudag um náttúrufriðlandið Punta Campanella, þar sem fjöllin mætast við sjóinn og hver beygja opnar nýjar víddir af fegurð. Hér upplifum við kyrrðina, gróðurinn og fuglasönginn. Rútan sér um akstur til og frá Termini.

Dagur 7, föstudagur, 26. júní 2026 — Pizzugerð og ganga til Sorrento

Engin ferð til Ítalíu væri fullkomin án þess að prófa að búa til sína eigin pizzu! Við lærum listina beint frá heimamönnum áður en við leggjum í fallega göngu sem leiðir okkur niður til Sorrento. Leiðsögumaður er með allan daginn og rúta tryggir þægilegar ferðir.

Dagur 8, laugardagur, 27. júní 2026 — Til baka til Napólí

Við kveðjum Sorrento og höldum með rútu til Napólí. Þar bíður okkur lífleg borg, menning, listir og auðvitað hinn ekta napólíski pizzusmekkur. Restin af deginum er frjáls.

Dagur 9, sunnudagur, 28. júní 2026 — Heimferð

Við forum snemma af stað út á flugvöllinn í Napóli. Brottför flugs er kl 06:40 og lent í Frankfurt kl 08:50. Höldum áfram frá Frankfurt kl 11:20 og lendum í Keflavík kl 13:05.

Gistingar í boði

Athugið

Ef lágmarksþátttaka næst ekki áskilur Úrval Útsýn sér rétt til að fella niður ferðina.
Staðfestingargjald er 80.000 kr. og er óafturkræft. Vinsamlegast kannið forfallatryggingar sem fylgja kreditkortum og/eða heimilistryggingum.
Ferðaskrifstofan/fararstjóri áskilur sér rétt til að breyta áætlun ferðar ef veður, umferð eða aðrar ófyrirsjáanlegar aðstæður gefa tilefni til.
Mikilvægt er að nöfn á bókunum stemmi nákvæmlega við nöfn í vegabréfi. Það er á ábyrgð farþega ef svo er ekki.
Þátttakendur skulu hafa meðferðis fatnað við hæfi sérstaklega skal minnt á góðan skóbúnað.
Gönguferðir okkar leggja mesta áherslu á skemmtun og upplifun. Við gerum engar kröfur um líkamlegt atgervi þátttakenda vegna þátttöku í hjóla- og gönguferðum. Skipulagning er með þeim hætti að ekki eru gerðar kröfur um sérstakar æfingar eða þjálfun fyrir ferðirnar heldur gengið út frá því að þátttakendur séu í þokkalegu formi og stríði ekki við veikindi.
Ef þið eruð í vafa mælum við með heimsókn til heimilislæknis og að fara að hans ráðum. Það er ábyrgð þátttakenda að hafa líkamlegt atgervi til að ljúka ferðinni. Upplýsingar okkar um líkamlega getu þátttakenda eru aðeins til upplýsingar eftir bestu vitneskju og reynslu en frávik eru ekki á okkar ábyrgð. Ef þátttakandi treystir sér ekki til að ljúka ferð sem gengið hefur samkvæmt áætlun er það á hans ábyrgð en ekki okkar.