Gréta Guðjónsdóttir er sannkölluð fjallageit og flakkari, ef hún er ekki að leiða hópa um hálendi Íslands er hún á ferð um framandi og fjarlæg horn heimsins eða á ljúfum siglingum á skemmtiferðaskipum um Miðjarðarhaf, yfir Atlandshafið eða um Karíbahaf. Gréta er ljósmyndari að mennt og hefur linsan dregið hana víða t.d. um Lombok í Indónesíu, um fáfarna staði í Mexíkó, víða um Indókína og Afríku.
Verð og dagsetningar
16. – 22. apríl
7 dagar
| Ferð fyrir 2 fullorðna |
Heildarverð frá
599.800 kr. |
Verð frá
299.900 kr.
per farþega |
Madeira
Beint flug til Madeira er í boði 8. og 16. apríl 2026.
Lega eyjunnar í Atlantshafinu tryggir að veðurfarið er þægilegt, milt og stöðugt árið um kring. Landslagið er ægifagurt, tignarleg fjöll, klettar, djúpir dalir og fjölskrúðugur gróður milli fjalls og fjöru. Sykurreyr, vín- og bananaekrur setja svip sinn á landið auk fjölda skrúðgarða. Gamalt áveitukerfi er enn gulls ígildi og mikil völundarsmíð. Um alla eyju eru afar skemmtilegar gönguleiðir.
Athugið að akstur til og frá flugvelli er ekki í boði á vegum Úrval Útsýn.
Madeira tilheyrir Portúgal en er með sjálfstjórn og eigið þing. Eyjan er um 740 ferkílómetrar að stærð og íbúar um 300 þúsund. Fólkið er einstaklega vingjarnlegt og auk portúgölsku tala mjög margir ensku. Ekki er mikið um stórar sandstrendur á eyjunni, víðast hvar eru klettastrendur og fallegar víkur. Þó má finna manngerðar sandstrendur með gullnum sandi.
Höfuðborgin Funchal
Við suðurströndina er höfuðborgin Funchal, heillandi bær í nýlendustíl með ríka menningarsögu. Gamli bærinn er einstaklega fallegur. Þar eru ódýr og góð portúgölsk veitingahús, fjölbreyttir markaðir, glæsilegar handverksbúðir og fjöldi kaffihúsa. Höfnin er sjarmerandi og gaman að rölta meðfram sjónum og fylgjast m.a. með hinum mörgu skemmtiferðarskipum sem þangað koma. Fallegir garðar prýða bæinn eins og alla eyjuna.
Lido ferðamannasvæðið
Fyrir vestan Funchal hefur byggst upp heilmikið ferðamannasvæði, Lido, þar sem eru fjölmörg hótel, veitingastaðir, verslanir og önnur þjónusta fyrir ferðamenn. Meðfram sjónum er göngustígur og á stöku stað hafa verið búnar til litlar sandstrendur eða önnur baðaðstaða fyrir unnendur sjávar. Einnig er alls konar sjávarsport í boði. Til að komast inn í Funchal, má ganga eftir fallegum stíg eða taka strætó frá hóteli.
Við bjóðum upp á úrval gististaða, 3, 4 og 5 stjörnur, bæði í Lido hverfinu og inni í borg.
Gaman að skoða
Fjölbreyttar kynnisferðir verða í boði, s.s. um höfuðborgina Funchal, í sjávarþorp, bændabýli, upp á Pico do Arieiro sem er hæsti tindur eyjarinnar (1818 m), um gömul eldfjöll og djúpa dali, gönguferðir og náttúruskoðun, þjóðleg kvöldskemmtun og fleira. Möguleikarnir eru óþrjótandi á þessari fallegu eyju með áhugaverða sögu og einstaka náttúru.
Athugið
- Staðfestingargjald er 80.000 kr. og er óafturkræft. Vinsamlegast kannið forfallatryggingar sem fylgja kreditkortum og/eða heimilistryggingum.
- Ferðaskrifstofan/fararstjóri áskilur sér rétt til að breyta áætlun ferðar ef veður, umferð eða aðrar ófyrirsjáanlegar aðstæður gefa tilefni til.
- Mikilvægt er að nöfn á bókunum stemmi nákvæmlega við nöfn í vegabréfi. Það er á ábyrgð farþega ef svo er ekki.
- Vegabréf þurfa að hafa gildistíma fram yfir 6 mánuði áætlaðs heimafarardags.
- Minnum á ferðaskilmála Úrvals-Útsýnar (sjá uu.is) og skilmála göngferða að neðan.
- Vinsamlega lesið neðangreinda skilmála gönguferða okkar. Með greiðslu staðfestingagjalds staðfestir þú að hafa lesið þennan texta og fallist á að hlíta ákvæðum hans í hvívetna.
- Gönguferðir okkar leggja mesta áherslu á skemmtun og upplifun. Við gerum engar beinar kröfur um líkamlegt atgervi þátttakenda vegna þátttöku í gönguferðum. Skipulagning er með þeim hætti að ekki eru gerðar kröfur um sérstakar æfingar eða þjálfun fyrir ferðirnar heldur gengið út frá því að þátttakendur séu í þokkalegu formi, hafi lágmarks reynslu af léttum gönguferðum og stríði ekki við veikindi eða aðra líkamlega kvilla.
- Gönguleiðir í þessari ferð eru allar með erfiðeikastig Auðveld eða Miðlungs-erfið og lengstu göngurnar eru um 11 km. Gera má ráð fyrir að í flestum göngunum sé gengið upp og niður í mót og upp og niður tröppur.
- Ef þið eruð í vafa um líkamlegt atgervi mælum með heimsókn til heimilslæknis og fara að hans ráðum. Það er ábyrgð þátttakenda að hafa líkamlegt atgervi til að ljúka ferðinni. Upplýsingar okkar um líkamlega getu þátttakenda eru aðeins til upplýsingar eftir bestu vitneskju og reynslu en frávik eru ekki á okkar ábyrgð. Ef þátttakandi treystir sér ekki til að ljúka ferð sem gengið hefur samkvæmt áætlun er það á hans ábyrgð en ekki okkar.
- Ábyrgð á þátttöku í ferðunum liggur hjá þátttakendum. Ferðirnar eru lokaðar börnum undir 16 ára aldri en 16-17 ára þátttakendur verða að vera í fylgd með foreldri eða forráðamanni.
- Þátttakendur skulu hafa meðferðis fatnað við hæfi og þau smátæki og tól sem vilji er til. Sérstaklega skal minna á góðan skóbúnað, hlý föt, léttan regn-/vindjakka og myndavél.
- Gönguleiðsögumaður hefur meðferðis fyrstu-hjálpar sett.
- Engin endurgreiðsla ferðakostanaðar kemur til ef þátttakendurr sleppa sumum gönguferðum eða víkja þarf frá skipulagðri dagskrá og leiðum af öryggisástæðum (t.d. vegna veðurlags eða þess að hópurinn hefur ekki getu til að fylgja skipulagðri áætlun).
- Við mælum sterklega með því að þátttakendur hafi góða ferðatryggingu.
- Þátttakendur skulu hafa meðferðis fatnað við hæfi sérstaklega skal minnt á góðan skóbúnað.
- Gönguferðir okkar leggja mesta áherslu á skemmtun og upplifun. Við gerum engar kröfur um líkamlegt atgervi þátttakenda vegna þátttöku í hjóla- og gönguferðum. Skipulagning er með þeim hætti að ekki eru gerðar kröfur um sérstakar æfingar eða þjálfun fyrir ferðirnar heldur gengið út frá því að þátttakendur séu í þokkalegu formi og stríði ekki við veikindi.
- Ef þið eruð í vafa mælum við með heimsókn til heimilislæknis og að fara að hans ráðum. Það er ábyrgð þátttakenda að hafa líkamlegt atgervi til að ljúka ferðinni. Upplýsingar okkar um líkamlega getu þátttakenda eru aðeins til upplýsingar eftir bestu vitneskju og reynslu en frávik eru ekki á okkar ábyrgð. Ef þátttakandi treystir sér ekki til að ljúka ferð sem gengið hefur samkvæmt áætlun er það á hans ábyrgð en ekki okkar.