Pinzolo er fallegt ítalskt þorp sem er staðsett í Val Rendena í Trentino í Norður-ítölsku Ölpunum. Bærinn er þekktur ferðamannastaður en mikið af heimamönnum býr þar líka sem myndar skemmtilega ítalska stemningu.

Í Pinzolo, sem er staðsett aðeins um 10 km. frá Madonna di Campiglio, er úrval hótela, veitingastaða og verslana. Skíðasvæðið í Pinzolo býður upp á 19 brekkur, 5 bláar, 10 rauðar og 4 svartar og ætti því að vera eitthvað fyrir alla en svæðið er þekkt fyrir að vera fjölskylduvænt og tilvalið fyrir byrjendur. Einn kláfur fer frá bænum upp í fjall. Stórfenglegt útsýni er efst á Doss del Sabion sem er í 2100m hæð og um að gera að gefa sér tíma þar til að njóta.

Við mælum með að kaupa skíðapassa sem gildir á báðum svæðunum en með Madonna skíðasvæðinu bætast við 150 km af brekkum og 59 lyftur. Skíðasvæðin í Pinzolo og Madonna tengjast með kláfi sem tekur um 20 mín að fara á milli. Eins gengur rúta á milli bæjanna.

Campiglio SimoneRomina 354

Fararstjórar

helgi dinna

Farþegar sem dvelja í Pinzolo hafa aðgang að fararstjórum sem eru í Madonna og geta tekið þátt í dagskrá sem er í boði þar. Fararstjórar munu líka bjóða upp á viðtalstíma í Pinzolo. Nánari upplýsingar um fararstjóra og dagskrá má sjá hér.

Akstur  

Flogið er til og frá Verona og tekur flugið um 4 klst. Hver farþegi má hafa meðferðis sinn skíðaútbúnað en annars gilda almennar reglur 20 kg innritaður farangur og 5 kg í handfarangur. Akstur milli Verona og Pinzolo er um 3 klst.

Nauðsynlegur búnaður fyrir fjallaferðir

Hjálmur – Sólgleraugu – Skíðagleraugu – Varasalvi – Sólarvörn – Peningar (greiðasölur taka ekki allar greiðslukort) – Farsími – Símanúmer (ef eitthvað skyldi koma upp á, a.m.k.númer fararstjóra, sem er best að setja í minni) – Leiðarlýsing (ef fara á utan alfaraleiða) – Bros

Veitingastaðir

Úrval veitingastaða er bæði í bænum og í brekkunum.

Gistingar í boði á Pinzolo

Sæki gistingar...