Fyrir alla aldurshópa! Engum leiðist á Mallorca! Enda hefur Mallorca sannarlega slegið í gegn hjá farþegum okkar! Mallorca er miklu meira heldur en bara sól, sjór og sandströnd.  Engin furða að þessi eina sanna perla Miðjarðarhafsins sé vinsælasti sólarstaður Evrópubúa.

Ferðatímabil: Beint vikulegt leiguflug til Palma frá og með 3. júní - 5 gúst. Flogið er með ítalska flugfélaginu Neos.

Sól, strendur, gullfalleg og tilkomumikil náttúra, einstök menning, höfuðborgin Palma og margt fleira. Á Mallorca eru frábærar sandstrendur og fjölbreytt afþreying fyrir alla aldurshópa! Þar leiðist engum og endalausir möguleikar á alla kanta.  Mallorca er sígildur sólarstaður þangað sem farþegar okkart sækja aftur og aftur ! Mallorca býður miklu meira heldur en sól, sjó og strönd. Vinsældir þessarar einu sönnu perlu Miðjarðarhafsins eru ennþá í vexti og eyjan virðist endalaust taka við. Mallorca er nefnilega einn vinsælasti áfangastaður sólarlandafara í Evrópu! 

Meira um Mallorca

  • Falleg náttúra
  • Dásamlegar strendur
  • Höfuðborgi Palma
  • Fjölskylduhótelin og 18+ hótelin

  • Flogið beint til Mallorca (PMI)
  • Flugtími +/-4:30 klst.
  • Tungumál: Spænska
  • Gjaldmiðill: Evra 

  • Sumarhiti: 32+°C
  • Sumaráfangastaður
  • Tími: +2 sumar 
  • Landkóði: +34 
iStock 1330224115


TÖFRAEYJAN MALLORCA

Paradísareyjan Mallorca er einn vinsælasti ferðamannastaður Evrópu og kemur sífellt á óvart. Sólríkar strendur, kristaltært hafið, pálmatrén og endalausir afþreyingarmöguleikar. Vart hægt að lofa þessa eyju um of. Hér geta börn og fullorðnir notið sín í botn undir mildri sólinni, börnin bregða á leik á líflegum ströndum og foreldrar koma endurnærðir heim eftir góðar stundir í sólinni.

iStock 576912916

Höfuðborgin Palma

Palma er af mörgum talin ein fallegasta og hreinlegasta borg Miðjarðarhafisins. Í gamla hluta borgarinnar eru þröngar og skemmtilegar aldagamlar götur og fallegar sögufrægar byggingar prýða borgina og minna á forna frægð. Þar má nefna Dómkirkjuna, gömlu kauphöllina og Márahöllina að ógleymdum Bellver kastalanum sem er eini hringlaga kastali á Spánar.

Kastalinn stendur  vörð um borgina og þaðan er stórbrotið útsýni yfir borgarstæðið. Listamaðurinn heimsfrægi, Picasso, bjó um tíma í Palma og í fyrrum híbýlum hans er nú safn þar sem bera má augum úrval listaverka hans

Það er á engan hallað, og síst af öllu Palmaborg, mælum við með að gestir okkar kíki út fyrir borgarmörkin. Það er einstök upplifun að keyra um sveitirnar, sjá bændur að störfum eða drekka nýkreistan ávaxtasafa í litlum kofa á hæsta tindi. Nú eða heimsækja nærliggjandi strendur og njóta lífsins í náttúrunni. Mallorca er stærri og fjölbreyttari en margur heldur og Mallorcafarar ættu að skella sér í hlutverk landakönnuða fyrri tíma!

Verslun  
Á Mallorca er sannarlega hægt að versla. Í höfuðborginni Palma er að finna allar helstu merkjaverslanir á borð við Zara, Mango, Desigual, C&A og að sjálfsögðu H&M. Í verslunarhúsum á borð við El Corte Ingles og verslunarmiðstöðin Porto Pi er að fina yfir 140 verlsanir. Í Alcudia, um 50 mínútna akstur frá Palma, má gera einstaklega góð kaup, t.a.m. á leðurvörum, sækja útimarkaði og kíkja í ferðamannaverslanir. 

Norðurhluti Mallorca: Alcudia og Can Picafort

Alcudia er vinsæll ferðamannastaður á norðurhluta Mallorca sem hentar einstaklega vel fyrir fjölskyldufólk. Svæðið samanstendur af gamla bænum í Alcudia, sandströndinni sem teygir sig um 12 km austur til bæjarins Can Picafort og fallegri smábátahöfn sem segja má að sé miðpunktur svæðisins. Hér er fjörið ögn minna en á suðurströndinni og því tilvalið fyrir barnafólk eða fólk í leit að ró og næði að slaka á. Hér er mikil áhersla lögð á fjölskylduna með hreinni strönd og fjölbreyttri afþreyingu.

Gamli bærinn í Alcudia er um 3 kílómetra frá ströndinni og elstu hlutar hans eru frá 14. öld. Saga búsetu nær þó mun lengra aftur. Alcudia-ströndin er aðgrunn og sjórinn hlýr, sem gerir hana einstaklega hentuga fyrir börn að leik. Gylltur sandurinn og tær sjórinn lokka til sín sólþyrsta Íslendinga sem koma endurnærðir heim eftir fríið. Allur aðbúnaður er eins og best er á kosið og heimamenn passa sig að allt sé í standi. Stutt er í verslun og á veitingastaði ásamt iðandi mannlífinu í miðbæ Alcudia.

Í nágrenni við Alcudia nóg við að vera fyrir börnin. Vatnagarðurinn Hidropark er ógleymanleg skemmtun fyrir alla fjölskylduna þarf sem fjöldi ýmiskonar rennibrauta fyrir stóra sem smáa. Við mælum líka með dagsferð til nálægra þorpa eins og Pollenca þar sem hægt er að þræða þröng stræti og kynnast nánar menningu eyjaskeggja.  

iStock 900677064

Playa de Palma

Við austanverðan Palma-flóann, örskammt frá höfuðborginni Palma, teygir sólarstaðurinn Playa de Palma úr sér til suðurs. Svæðið er sem næst fullkomin umgjörð fyrir ógleymanlegt sólarfrí. Ströndin er sú lengsta á Mallorca og verslanir, veitingahús og kaffihús standa í röðum við strandgötuna og aðalgötu bæjarins. Í boði eru góðir gististaðir þar sem fjölskyldan öll getur virkilega notið þess að vera í fríi, sleikt sólina og slakað á.

Palmanova

Palmanova er fallegur strandbær á vesturströnd Palmaflóann. Hluti Palmanova teygir sig yfir á Terrenovahöfðann sem setur mikinn svip á bæjarbraginn, með földa kaffi- og veitingahúsa og fínni sandströnd sem margir telja eina þá bestu við Palmaflóann með skínandi hvítan sand

Santa Ponsa

Santa Ponsa þekkja margir Íslendingar, Palma Nova og Magaluf eru í 10 mín akstursfjarlægð og 20 km eru til höfuðborgarinnar Palma. Santa Ponsa er eftirsóttur staðu enda u0mhverfið fallegt með góðum hótelum, líflegu götulífi og veitingastaðir og verslanir eru á hverju strái meðfram ströndinni sem er full af lífi og fjöri yfir ferðamannatímann. Hvít sandströndin er notaleg og mjög barnvæn.

Innifalið í verði: Flug, flugvallarskattar, farangur, gisting, íslensk fararstjórn og 24/7 þjónustusími.

Boðið uppá fjölbreyttar skoðunarferðir með fararstjóra. Akstur til og frá flugvelli er valkvæð þjónusta.

iStock 584753416

Gistingar í boði á Mallorca

Sæki gistingar...