Úrvalsfólk til Benidorm 60+

Hinar vinsælu Heldri borgaraferðir (60+) á Gran Hotel Bali hafa svo sannarlega slegið í gegn. Þar njóta menn samvista við jafnaldra, vini og kunningja. Skemmtanastjóri skipuleggur fjölbreytta dagskrá við allra hæfi.

Gran Hotel Bali er glæsilegt hótel á Costa Blanca ströndinni. Hótelið er 4ra stjörnu og bíður upp á flest til að gera sumarleyfið að ómetanlegri upplifun. Hótelið skiptist í tvær byggingar, sem hvor um sig býður upp á stórbrotið útsýni. Það er staðsett í bænum Cala De Finestrat er í næsta nágrenni við Benidorm og í 10 mínútna göngufjarlægð frá einni af fallegustu ströndum svæðisins. Staðsetning hótelsins er mjög góð. Það býður upp á rólegt umhverfi til þess að fjölskyldur geti notið þess að vera saman, en er um leið í seilingarfjarlægð frá veitinga og kaffihúsum og iðandi mannlífi. Skemmtigarðurinn Terra Mitica er í allra næsta nágrenni og einnig verslunarmiðstöðin La Marina og Carrefour.

Gistingin

Herbergin eru með tveimur stórum rúmum, auk sófa sem nýtist vel sem viðbótar gisting fyrir börn eða unglinga. Öll tveggja manna herbergin eru með svölum sem snúa að strönd og jafnframt út að sundlaugargarðinum. Ath. einstaklingsherbergi geta verið án svala. Herbergin eru vel útbúin, öll herbergi eru með loftkælingu, sérhita, sjónvarpi, og öryggishólfi ( öryggishólf þarf að leigja hjá gestamóttöku ). Öllum herbergjum fylgir lítill minibar sem gestir okkar hafa til eigin nota hvort sem er til að kæla drykkjarföng eða annað sem henta þykir. Baðherbergin eru útbúin hárþurrku og öllum hreinlætisvörum sem tilheyra 4 stjörnu hóteli. Herbergin eru þrifin daglega, þannig að allir geta verið í fríi í fríinu sínu á Gran Hotel Bali. Það eru 14 lyftur í hótelinu, þar af tvær utanáliggjandi með ólýsanlegu útsýni. Loftkæling, með köldu lofti er virk frá miðjum júní fram í október eftir það er hægt að setja hita á.

Matur og drykkir

Á hótelinu eru tveir matsalir annar á sömu hæð og gestamóttakan og hinn á hæðinni fyrir neðan gestamóttöku. Farþegar sem eru með hálft fæði eru í morgunmat og kvöldmat en hægt er að skipta út köldverð og fara í hádegismat í staðinn. Hægt er að fá herbergisþjónustu allan sólarhringinn. Innifalið með kvöldverði er léttvín og vatn (Eingöngu í eldriborgaraferð). Frá og með 1. nóvember 2022 verður lokað í heilsulindinni á Hótel Balí og mun hún opna aftur í febrúar 2023. 

Afþreying

Í Heldriborgararaferðum Sumarferða er skemmtanastjóri með í för og  býður upp á fjölbreytt úrval af afþreyingu. Sem dæmi eru gönguferðir, leikfimi, félagsvist, bingó, kvöldvökur og menning. Farið er saman í ýmsar ferðir og út að borða. Hægt er að leigja handklæði til að nota í sundlaugargarðinum og á ströndinni. Hægt er að tengjast interneti á herbergjum gegn gjaldi sem greitt er hjá gestamóttökunni.

Okkar mat

Mjög góður valkostur, fín staðsetning og rólegt umhverfi. Stutt í verslunarmiðstöðina og í gamla bæinn á Benidorm þar sem allt iðar af mannlífi. Tilvalið fyrir pör eða hjón, hvort sem þau eru ein eða með eitt til tvö börn (ef tvö börn, þá eitt ungabarn). Morgunverður og kvöldverður innifalinn í verði, hægt að skipta kvöldverði í hádegismat ef gestir vilja.