Budva, Svartfjallaland

Náttúrufegurð Svartfjallalands er ólýsanleg þar sem háir fjallstindar rísa, strandlengan virðist óendanleg og sjórinn er blár og tær. Bærinn Budva í Svartfjallalandi er ein elsta byggðin á Adríahafsströndinni með sögu sem nær 2500 ár aftur í tímann. Sagan segir að bærinn hafi verið hafi verið stofnaður af Cadmus goðsagnakenndri grískri hetju sem var gerður útlægur frá Þebu. Segja má að Budva sé sköpuð frá ýmsum menningarheimum því bærinn var hluti af Rómaveldinu og má sjá leifar af rómverskri mósaík og mannvirkjum í kringum bæinn. Bærinn var einnig hluti af feneyska lýðveldinu sem skapaði mikið af núverandi sjarma sem býr yfir gamla bænum og má sjá kirkjur og aðrar byggingar undir feneyskum áhrifum. Á 20. öld varð Budva hluti af Júgóslavíu en síðar bær í sjálfstæðu Svartfjallalandi og er í dag einn aðalferðamannastaður landsins. Í bænum má finna úrval af veitingastöðum, fjörugt næturlíf og allir geta fundið sér eitthvað við sitt hæfi. 

Veðurfar í október er milt og þægilegt með hitastigi milli 15 og 20 gráða.

• Vinsælir staðir til að heimsækja eru án efa gamli bærinn í Budva (Stari Grad) sem er hjarta bæjarins með sínum þröngu götum, fornu kirkjum og heillandi torgum.
• Citadel virkið í gamla bænum en þaðan er töfrandi útsýni fyrir Adríahafið og bæinn sjálfan.
• Sveti Stefan er miðaldaeyja á Budva Riviera sem tengd er meginlandinu og þykir ákaflega gaman að skoða.
• Kirkja heilas Jóhannesar er ein elsta kirkjan í Budva með bjölluturni sem býður upp á víðáttumikið útsýni.
• Holy Trinity Church er annar gimsteinn í gamla bænum þekktur fyrir fallegar freskur og kyrrlátt andrúmsloft.
• Budva Marina svæðið er fullkomið fyrir rólega gönguferð, horfa á fólk og dást að snekkjunum.
• Mogren ströndin er ekki bara fyrir sólbað heldur er ganga að þessari stönd í gegnum göng sem skorin eru í klettana ákveðin upplifun í sjálfu sér. Á leið um ströndina er kjörið að stoppa við dansandi stúlkuna, sem er fornsögulegur bronsskúlptúr, og smella af mynd.
• Slovenska ströndin er löng og iðandi strönd þar sem finna má fullt af kaffihúsum, börum og annarri afþreyingu.
• TQ Plaza er aðalverslunarmiðstöð Budva þar sem hægt er að taka sér hlé frá sögulegri skoðun og versla allt frá tískuvörum til raftækja eða skella sér í bíó.
• Í gamla bænum eru hægt að kíkja í litlar sjarmerandi búðir með listaverkum af svæðinu, skartgripum og handverksmunum. Í Budva er einnig fjöldinn allur af mörkuðum.