Sigling um gríska Eyjahafið

Beint flug með Play til Feneyja. Brottför frá Keflavík kl.14:50 með OG684, lending í Feneyjum kl.21:10 að staðartíma. Bátur flytur hópinn á Hotel Cavalletto E Doge Orseolo sem er gott 4 stjörnu hótel frábærlega staðsett í Feneyjum. Gist verður í 2 nætur hér, morgunverður innifalinn.

Að morgunverði loknum verður farið í 2ja tíma skoðunarferð um Feneyjar og gefst síðan frjáls tími til að rölta um og njóta alls hins fagra sem Feneyjar hafa upp á að bjóða.

Morgunverður innifalinn á hóteli. Eftir hádegið flytur bátur hópinn að höfninni Marghera þar sem stigið verður um borð í skemmtiferðaskipið Costa Deliziosa. Lagt er úr höfn kl.17:00 að staðartíma og siglt á vit ævintýranna.

Komið er til Bari á Ítalíu kl.14:00.
Bari er höfuðborg Pugliahéraðsins á Suður-Ítalíu. Upprunalega var Bari grísk nýlenda en varð síðar mikilvægur ítalskur verslunarstaður. Elsti borgarhlutinn (Bari Vecchio) er á höfða milli gömlu og nýju hafnarinnar en í honum er eins tíminn hafi staðið í stað. Þar má finna þröngar litlar götur, börn í fótbolta, eldri menn að reykja og spjalla, eldri konur að hengja upp þvott og 40 kirkjur!
Ekki gleyma að rölta um gömlu höfnina þar sem fiskibátarnir koma að landi með feng dagsins og selja fenginn beint úr bátnum. Í Bari má einnig finna lengsta hafnargarð Ítalíu sem byggður var af Mussolini á sínum tíma, Longomare. Mikilvægt er að vera komin tímanlega tilbaka um borð í skipið. Lagt verður úr höfn kl.20:00.

Siglt áleiðis til grísku eyjanna og tilvalið að nýta daginn til þess að slaka á í sólbaði og/eða sundi en á skipinu má meðal annars finna 7 sundlaugar og heita potta, 5 veitingastaði, íþróttasvæði, hlaupabraut, leikhús, spilavíti og heilsulind.
Allir ættu að finna eitthvað við sitt hæfi.

Komið er til eyjunnar Mykonos kl.08:00 að morgni. Mykonos er hluti af Cyclades eyjaklasanum og er af mörgum talin ein af fegurstu eyjum gríska eyjahafsins. Hér má finna hin fallegu og hefðbundnu hvítu hús með bláskreyttum þökum, þröngar götur og fallegar strendur. Líflegt næturlíf er á eyjunni sem dregur nafn sitt af hetjunni Mykonos sem var sonarsonur guðsins Apollo í grísku goðafræðinni. Skipulagðar skoðunarferðir á vegum Costa Cruise má kaupa um borð í skipinu. Munið að vera komin tímanlega tilbaka, lagt er úr höfn kl.20:00 að staðartíma.

Komið er til eyjunnar Santorini kl.08:00 að morgni en Santorini er ein þekktasta og fallegasta eyjan í eyjahafinu ásamt Mykonos. Útsýni er ægifagurt yfir gíginn, eyjarnar og hafið en margir listamenn hafa fengið innblástur á eyjunni og sest þar að. Fjöldi verslana með fallega listmuni og handverk er að finna á eyjunni og ómissandi er að setjast niður á veitingastað með fallegu útsýni og njóta. Skipulagðar skoðunarferðir á vegum Costa Cruise má kaupa um borð í skipinu. Munið að vera komin tímanlega tilbaka, lagt er úr höfn kl.18:00 að staðartíma.

Kl.12:00 á hádegi er komið til Katakolon. Katakolon hefur verið áfangastaður skemmtiferðaskipa síðan á fimmta áratugnum.
Í aðeins hálftíma fjarlægð frá höfninni er að finna hinar fornu rústir Olympiu, en þaðan er hugmyndin að nútíma Ólympíuleikum sprottin. Í Olympiu fór fram keppni í þrótti og fimi frá árunum 800 f.Kr til ársins 400 e.Kr. Komu aðilar víða að til að etja kappi á leikunum en á þeim tíma var héraðið Olympia helgað guðinum Seifi (Zeus) úr grísku goðafræðinni. Enn má finna leifar af u.þ.b. 70 byggingum og musterum á svæðinu.
Þeir sem vilja sleikja sólina og njóta grískrar matargerðar geta farið í strandbæinn Kyparissia. Skipulagðar skoðunarferðir á vegum Costa Cruise má kaupa um borð í skipinu.
Munið að vera komin tímanlega tilbaka,lagt er úr höfn kl.18:00 að staðartíma.

Dagur til að njóta alls þess sem skipið hefur upp á að bjóða.

Komið er til Port Marghera kl.09:00 og bíður þá rúta eftir hópnum sem flytur okkur til smábæjarins Quarto D´Altino þar sem við innritum okkur á Hotel Crowne Plaza Venice East. Crowne Plaza er gott 4 stjörnu hótel, staðsett rétt hjá lestarstöð bæjarins en þaðan er hægt að taka lest beint yfir til Feneyja fyrir 3,50 eur á mann. Nafn bæjarins er dregið af rómverska bænum Altino (Altinum) frá tímum Rómaveldis, en sagan segir að bærinn hafi verið stofnaður árið 452 af flóttamönnum frá Feneyjum sem voru að flýja undan Atla Húnakonungi.
Hér verður gist síðustu nóttina og slakað á eftir ævintýri síðustu daga.

Að morgunverðir loknum er frjáls dagur til að slaka á eftir ævintýri síðustu daga, en hópurinn hefur hótelherbergin til kl.19:00 þegar tími er kominn til að fara út á flugvöll.
Beint flug frá Feneyjarflugvelli með Play Air, OG685, kl.22:10 að staðartíma, lending kl.00:45 eftir miðnætti að staðartíma í Keflavík.