Japan

Við komum til Tokyo Haneda flugvallar (HND) kl. 13:50. Innlendur leiðsögumaður tekur á móti hópnum á flugvellinum og við förum með rútu á hótelið okkar í Tókýó. Að lokinni innritun gefst frjáls tími til að slaka á eða skoða næsta nágrenni og njóta líflegs borgarlífs. Um kvöldið snæðum við kvöldverð á veitingastað hótelsins.

Við borðum morgunverð á hótelinu og höldum svo í dagsferð um borgina. Fyrst heimsækjum við tískuhverfið Harajuku sem er þekkt fyrir litríkan klæðnað og sérkennilegar verslanir. Næst förum við að Meiji-musteri sem tileinkað er keisara Meiji og keisaraynju Shoken. Eftir það upplifum við hina frægu Shibuya Scramble Crossing gangbraut. Um kvöldið snæðum við hefðbundinn japanskan kvöldverð og gistum áfram í Tókýó.

Eftir morgunverð er farið til Hakone. Þar heimsækjum við Hakone-musterið, sem stendur við Ashi-vatn og býður upp á stórkostlegt útsýni yfir Fuji-fjall ef veður leyfir. Síðan förum við í Owakudani-dalinn þar sem við prófum frægu „svörtu eggin“ sem eru soðin í brennisteinsuppsprettum. Við förum í kláfaferð yfir dalinn og upplifum stórkostlegt útsýni og förum síðan í bátsferð á Ashi-vatni. Seinnipartinn snúum við aftur til Tókýó.

Eftir morgunverð höldum við áfram að kanna borgina. Við förum á útsýnispallinn í Shibuya Scramble Square en þar er víðáttumikið útsýni yfir Tókýó. Þá heimsækjum við Senso-ji musterið í Asakusa og röltum um Nakamise-verslunargötuna. Að því loknu tökum við rúnt í Ginza-hverfinu. Kvöldverðurinn er á Izakaya-veitingastað þar sem við fáum blöndu af japönskum og vestrænum réttum. Gist áfram í Tókýó.

Eftir morgunverð keyrum við til Nikko, sem er á Heimsminjaskrá UNESCO. Þar heimsækjum við musterin Rinnoji og Toshogu, tileinkuð Tokugawa leyasu. Seinna um daginn höldum við áfram til Nagano þar sem við snæðum kvöldverð og gistum.

Við heimsækjum Jigokudani-snjóapagarðinn og sjáum makaka apa baða sig í heitum náttúrulaugum. Síðan förum við í Shirakawa-go, þorp sem er á heimsminjaskrá UNESCO, þekkt fyrir sérstök stráþök. Að því loknu höldum við áfram til Takayama og gist verður á onsen-hóteli þar sem hægt er að njóta japanskra náttúrulauga. Kvöldverður á hóteli eða í bænum.

Við byrjum daginn á Takayama markaðnum og förum svo um gömlu miðborgina og Sanmachi-svæðið með húsum frá Edo-tímabilinu. Við heimsækjum einnig sake-brugghús áður en við höldum áfram til Himeji. Kvöldverður í bænum og gist í Himeji.

Við skoðum Himeji-kastala – einn glæsilegasta kastala Japans – áður en við tökum Shinkansen-hraðlestina til Hiroshima. Í kvöldmat smökkum við hin hefðbundna rétt Hirosmina okonomiyaki. Gist í Hiroshima.

Við tökum ferju til Miyajima-eyjar og skoðum Itsukushima-musterið með fljótandi torii-hliðinu. Síðan förum við í Friðargarðinn og heimsækjum Friðarsafnið og Atomic Dome. Kvöldverður og gisting í Hiroshima.

Við ferðumst með rútu til Kyoto og heimsækjum Kinkaku-ji – Gyllta musteri Zen-búddista. Kvöldverðurinn verður hefðbundinn shabu-shabu, þar sem við eldum kjöt og grænmeti í sjóðandi potti. Gist í Kyoto.

Við byrjum daginn í Arashiyama bambusskóginum og förum síðan í Kiyomizu-dera musterið með útsýni yfir Kyoto. Þá heimsækjum við Nishiki-markaðinn og fáum að taka þátt í hefðbundinni teathöfn. Kvöldverður og gisting í Kyoto.

Við heimsækjum Fushimi Inari-musterið með þúsundum rauðra torii-hliða, síðan förum við til Nara þar sem við sjáum hið stórkostlega Todaiji-hof og Nara-garðinn. Að því loknu höldum við til Osaka og könnum líflega Dotonbori-hverfið. Kvöldverður og gisting í Osaka.

Við förum upp í Umeda Sky Building og njótum útsýnisins. Eftir það er frjáls tími í Shinsaibashi eða Namba. Borðað verður hádegisverð saman og gist í Osaka.

Við tökum Shinkansen hraðlest til Tókýó og förum þaðan með Keikyu-lestinni á Haneda flugvöll. Brottför frá Tókýó Haneda er kl. 21:55.