Upplifðu vorið í Króatíu og komdu með til Zagreb og sjáðu hvernig borgin lifnar við eftir vetrardvala. Röltu um gamla bæinn og sjáðu gömlu fallegu byggingarnar og torgin sem gera borgina svo sjarmerandi. Borgin er umkringd fallegum görðum og grænum svæðu og þar má finna úrval af veitingastöðum og verslunum. Zagreb er lífleg og skemmtileg borg sem býður upp á einstaka blöndu af sögu, menningu og nútíma og er svo sannarlega þess virði að heimsækja.
Innifalið í verði:
Beint flug fram og til baka, flugvallagjöld og skattar, ferðataska og handfarangur, 4 nætur á 3–5 stjörnu gistingu með morgunverði, og íslensk fararstjórn.
Ekki innifalið í verði:
Akstur til og frá flugvelli (valkvæður), skoðunarferðir (valkvæðar), eða máltíðir aðrar en morgunverður, city tax, eða þjórfé.
Ferðalýsing
Zagreb er höfuðborg Króatíu og er óhætt að segja að þar mæti miðaldasjarmi nútíma stemningu. Þetta er lífleg borg sem býður upp á einstaka blöndu af sögu, menningu og nútíma. Borgin er þekkt fyrir töfrandi byggingarlist, heillandi götur og vingjarnlega heimamenn. Zagreb má í raun skipta í þrjá parta. Efri bærinn (Gornji Grad) er þar sem allir miðaldatöfrar gerast og þar sem sjá má steinsteyptar götur, gamlar kirkjur og hina helgu St. Mark´s kirkju með sínu litríka þaki. Neðri bærinn (Donji Grad) er nútímalegri, með breiðum götum, almenningsgörðum og austurrísk-ungverskri byggingarlist. Það má því segja að það sé eins og að stíga í gegnum tímann þegar gengið er frá einum hluta til annars. Nýja Zagreb (Novi Zagreb) liggur sunnan við ána Sava. Þetta er nútímalegra svæði miðað við sögulega miðbæinn, með fullt af íbúðarhúsum, almenningsgörðum og verslunarsvæðum. Meiri hluti íbúa er króatískur en fjöldi fólks af öðru þjóðerni er búsettur í borginni svo samfélagið einkennist af fjölþjóðamenningu sem litar borgarlífið. Zagreb er í raun blanda af gömlu og nýju þar sem hvert svæði býður upp á sinn einstaka sjarma.
Áhugaverðir staðir til að skoða
Dæmi um áhugaverða staði til að heimasækja í Zagreb er dómkirkjan sem er í gotneskum stíl og hæsta bygging í Króatíu og hefur farið í gegnum fjöldan allan af endurbyggingum. Zagreb er einnig þekkt fyrir mörg söfn og gallerí sem sýna ríka sögu og menningu borgarinnar. Sum af vinsælustu söfnunum eru Museum of Broken Relationships, Króatíska safnið um barnaleg list og Samtímalistasafnið. Aðaltorg borgarinnar, Ban Jelačić Square, er staðsett í gamla bænum og er frábær staður til að byrja að skoða borgina. Medvedgrad er miðaldavirki í hlíðum Medvednica-fjallsins. Það býður upp á töfrandi útsýni yfir borgina og innsýn í varnararkitektúr fortíðarinnar. Strossmayer Promenade er nefnt eftir biskupnum Josip Juraj Strossmayer, þetta göngusvæði býður upp á rómantíska gönguferð meðfram sögulegum styttum og frábæru útsýni yfir neðri bæinn. Katrínarkirkjan er falleg barokkkirkja með glæsilegum freskum og ríkri sögu allt aftur til 17. aldar. Grič-göngin frá seinni heimsstyrjöld breyttust í gönguleið þar sem oft eru framkvæmdir listgjörningar og aðrar uppákomum og er mjög gaman að ganga þarna í gegn. Zagreb kláfferjan er einn af stystu kláfum í heimi sem tengir neðri og efri bæinn og er aðeins 66 metra löng og er þetta fljótleg en skemmtileg ferð. Auk menningarlegs aðdráttarafls er Zagreb líka frábær staður til að njóta útiveru. Borgin er umkringd fallegum görðum og grænum svæðum, þar á meðal Maksimir-garðinum og Jarun-vatninu. Á heildina litið er Zagreb yndisleg borg sem býður upp á eitthvað fyrir alla. Hvort sem þú hefur áhuga á sögu, menningu eða vilt bara slaka á og njóta fallegs landslags þá er Zagreb svo sannarlega þess virði að heimsækja.
VEITINGASTAÐIR
Króatísk matargerð er undir áhrifum frá nágrannalöndum eins og Ítalíu, Ungverjalandi og Austurríki. Því má finna mikið af pasta, gúllasi og snitsel á matseðlum. Margir veitingastaðir eru þó að setja hefðbundna rétti í nútímalegri búning, sem gerir matinn spennandi og nýstárlegri. Í Zagreb er mikil kaffimenn og þar má finna fullt af notalegum kaffihúsum þar sem hægt er að sötrað sterkan espresso og horft á fólk. Bakarí eru alls staðar þar sem boðið er upp á ferskt brauð, kökur og hið fræga burek (bragðmikið sætabrauð fyllt með kjöti eða osti). Króatía hefur nokkur frábær vín, sérstaklega frá strandhéruðunum. Ekki missa af því að prófa glas af Plavac Mali eða Malvazija. Handverksbjórar af svæðinu njóta einnig vinsælda, þar sem brugghús eins og Medvedgrad eru í fararbroddi. Helstu staðir til að finna góð veiting- og kaffihús eru:
1. Tkalčićeva Street: Þessi líflega gata er stútfull af kaffihúsum, börum og veitingastöðum. Það er frábær staður fyrir fólk að horfa á og njóta máltíða.
2. Dolac markaðssvæði: Nálægt aðalmarkaðnum finnur þú nokkra hefðbundna matsölustaði og kaffihús sem framreiða ferska rétti af svæðinu.
3. Ban Jelačić torg: Miðtorgið í Zagreb er umkringt fjölmörgum veitingastöðum, allt frá óformlegum stöðum til fínna.
4. Zrinjevac Park: Þetta fallega garðsvæði hefur nokkur yndisleg kaffihús og veitingastaði í nágrenninu, fullkomið fyrir afslappandi máltíð.
5. Ilica Street: Ein af aðalgötunum í Zagreb, þar má finna fjölbreytta veitingastaði, allt frá hefðbundinni til nútíma matargerðar.
6. Evróputorg: Nálægt Ban Jelačić torginu, þetta svæði býður einnig upp á gott úrval af veitingastöðum og kaffihúsum.
VERSLUN
Það er mikið af stöðum þar sem hægt er að versla og má þar helst nefna Ilica götuna sem er aðalverslunargatan í Zagreb. Arena Centar er stór verslunarmiðstöð með öllum helstu alþjóðlegu vörumerkjunum. Centar Cvjetni er nútímaleg verslunarmiðstöð í hjarta borgarinnar og Importanne Galleria er önnur verslunarmiðstöð með allt frá tísku til raftækja. Í Tkalčićeva Street er hægt að finna einstakar verslanir og minjagripabúðir og Müller er þýsk verslunarkeðja með innlendum og alþjóðlegum vörumerkjum. Svo má finna litlar búðir hér og þar um borgina.
HAGNÝTAR UPPLÝSINGAR
Gjaldeyrinn í Króatíu er evra en þar og þá sérstaklega í Zagreb er verðlag nokkuð sanngjarnt miðað við aðrar höfuðborgir í Evrópu.
Dæmi:
Ódýr máltíð um 8-12 EUR – Líter af bjór af svæðinu um 2-2,5 EUR
Miðlungsdýr máltíð um 30-50 EUR – Glas af ágætis víni um 3-5 EUR
Dýr máltíð um 60 EUR eða meira
Kaffi um 1,50-3 EUR
Flestir staðir í Zagreb taka við greiðslukortum en það er alltaf gott að vera með reiðufé til að borga í minni verslunum og mörkuðum. Hraðbankar eru um allt en bent er á að hraðbankar á flugvellinum rukka hærra gjald en aðrir gera. Það er ekki skylda að gefa þjófé en það er vel þegið og þá um 10% af upphæðinni ef viðskiptavinir eru ánægðir. Í Zagreb eru nokkuð góðar almenningssamgöngur og eru sporvagnar helsta leiðin, ferðir eru tíðar og þeir fara um stærstan hluta borgarinnar. Þar sem sporvagnar ganga ekki er hægt að taka strætisvagna. Það er hægt að kaupa miða í þessi faratæki í söluturnum, hjá bílstjórum eða í gegnum síma app. Leigubílar geta verið dýrir og þarf að passa að mælirinn sé í gangi. Uber og Bolt eru oft ódýrari en leigubílar.
