Töfrar Sikileyjar

Beint flug með Neos1952 frá Keflavík kl.09:00 til Palermo á Sikiley. Lending er kl.16:00 að staðartíma.
Rúta flytur hópinn á Hotel Arathena Rocks í Giardini Naxsos, en þangað er tæplega 3 klukkustunda akstur. Hér mun hópurinn dvelja næstu 4 nætur og skoða suðurhluta eyjunnar. Hálft fæði innifalið.

Að morgunverði loknuð leggjum við af stað til Sýrakúsu, einnar af mikilvægustu borgum forn-Grikkja, en Sikiley tilheyrði Grikklandi öldum saman allt frá 8.öld f.Kr þar til Rómverjar náðu yfirráðum þar um 241 f.Kr. Í Sýrakúsu verður farið í skoðunarferð þar sem arfleifð hinnar forngrísku siðmenningar og helstu minnisvarðar verða skoðaðir. Hér verður rölt um þröngar götur og hlykkjótt stræti og smakkað verður á hinu fræga Cannolo Siciliano sem er hefðbundið sætabrauð fyllt með dásamlegri ricottafyllingu. Einnig fáum við að fræðast um „cannolo þerapíuna“ sem er afar skemmtileg hugmyndafræði í kringum þennan fræga eftirrétt. Kvöldverður innifalinn á hóteli.

Morgunferð að eldfjallinu Mount Etna, sem er hæsta virka eldfjall Evrópu.
Gengið verður að Silvestri gígunum og hraunstraumunum sem mynduðust þar í gosum 1983 og 2001.
Stoppað verður meðfram Etna vínveginum en það er vegur sem tengir öll þorp og bæi á Etnasvæðinu en töluvert af þorpum má finna á fjallinu og eruð þau fræg fyrir vínekrur sínar og landbúnaðarafurðir. Stoppað verður á hefðbundnum bóndabæ þar sem smakkað verður á helstu afurðum svæðisins svo sem víni, hunangi, pistasíuhnetum, ólífuolíu og fleiru.
Eftir hádegið heimsækjum við Taormina en frægasta mannvirkið þar er grískt-rómverskt útileikhús en þaðan er stórbrotið útsýni yfir hafið og fjallið Etnu.
Kvöldverður innifalinn á hóteli.

Í dag skoðum við perlu á suðausturhluta eyjunnar, borgina Noto, sem er á heimsminjaskrá UNESCO. Borgin er þekkt fyrir barokkstíl í arkítektúr og er paradís menningar- og söguáhugafólks með glæsilegum höllum, kirkjum og klaustrum. Síðdegis verður bærinn Modica heimsóttur, sem frægur er fyrir Modica súkkulaðið, en það er ólíkt öðru vinsælu súkkulaði og afar vinsælt á svæðinu. Það er gert samkvæmt fornri uppskrift Azteca, en þegar Spánverjar réðust inn á Sikiley á miðöldum, komu þeir með kakóbaunir frá Suður Ameríku og uppskriftin fylgdi með! Við fáum að sjálfsögðu að smakka þetta sérstaka súkkulaði áður en haldið verður tilbaka á hótelið.
Kvöldverður innifalinn á hóteli.

Í dag flytjum við okkur um set og forum yfir á vesturhluta Sikileyjar með viðkomu í Cefalú. Sú yndislega borg er fræg fyrir fallegar strendur en einnig fyrir mannvirkin sem haldist hafa nánast ósnortin frá því að Arabar og Normenn réðu þar ríkjum á 11.öld. Hér verður farið í skemmtilega skoðunarferð sem endar í Madonie þjóðgarðinum þar sem finna má tilkomumikið landslag, litrík blóm, fíngerð fiðrildi, risastór tré, miðaldaþorp og margt fleira! Hér verður snæddur hádegisverður sem samanstendur af ferskum afurðum héraðsins og endað á hinum hefðbundna eftirréttardrykk Granita.
Við komum okkur fyrir á Hotel Terrasini Cittá del Mare í nágrenni Palermo og dveljum hér seinni 4 næturnar. Hálft fæði innifalið.

Í dag er hægt að fara í afar skemmtilega ferð þar sem farið verður í skoðunarferð um Palermo og á Ballaró markaðinn með sikileyskri fjölskyldu, keypt inn og síðan elduð 5 rétta máltíð með ótakmörkuðu vatni og víni. Einstakt og skemmtilegt tækifæri til að öðlast dýpri skilning á hinum sikileysku hefðum og menningu og skemmta sér með heimamönnum! Þessi skoðunarferð/upplifun er keypt sérstaklega í kaupferlinu.

Morgunleiðsögn um hina fögru borg Trapani ásamt fallegu höfninni með sínum fiskibátum og líflegu stemningu. Síðdegis er frjáls tími í miðaldabænum Erice sem gnæfir yfir vesturhluta Sikileyjar í 751 m hæð yfir sjávarmáli og er oft hulinn eigin skýi. Frábærlega varðveittur bær frá miðöldum með stórkostlegu útsýni og áþreifanlega sögu langt aftur í alder. Áður en haldið er tilbaka á hótelið smökkum við á frægum möndlukökum hinnar goðsagnarkenndu Mariu Grammatico. Þessi skoðunarferð er keypt sérstaklega í kaupferlinu.

Í dag er frjáls dagur og tilvalið að njóta þess að slaka á við sundlaugina, synda í sjónum eða skella sér aftur til Palermo með strætó.

Morgunverður og frjáls morgunn.
Rúta sækir hópinn um kl.13:30 og er beint flug með Neos frá Palermo kl.17:10 að staðartíma, lending í Keflavík kl.21:05 að íslenskum tíma.