Vetrarsól í Taílandi

Lent er á hádegi eftir næturflug með Thai Airways og millilendingu í Stokkhólmi. Farþegar eru sóttir út á flugvöll og ekið til strandbæjarins Hua Hin. Við komu er bærinn kynntur í stuttri ferð um helstu staði, svo farþegum gefist kostur á að ná áttum og kynnast því sem í boði er.

Næstu 8 dagar eru í ljúfri sæld við ströndina.

Sökum langrar sögu sem strandstaður og afdrep Bangkokbúa er Hua Hin ólíkur öðrum strandstöðum Taílands.

Þetta er myndarlegur bær með gömlum bæjarkjarna auk dæmigerðar strandgötu þar sem veitingastaðir og barir standa. Sjávarréttarstaðirnir niður við hafnarsvæðið eru jafnt vinsælir af heimamönnum sem ferðafólki. Frá gömlu höfninni hlykkjast götur þar sem barir, næturklúbbar, götusalar, markaðir og veitingastaðir standa hver við annan. Við ströndina er alltaf eitthvað við að vera og boðið upp á úrval afþreyingar s.s. hestaferðir, skútusiglingar og bátaleigu. Margir af bestu golfvöllum landsins eru í næsta nágrenni, inn á milli lítilla fiskibæja og sveitaaþorpa.

Fyrir náttúruunnendur eru tveir spennandi þjóðgarðar skammt undan. Kaeng Krachan þjóðgarðurinn með sitt fjölskrúðuga fuglalíf og Khao Sam Roi Yot sem státar t.d. af glæsilegum kalksteinsklettum.

Þegar vistinni í Hua Hin lýkur er ekið til Bangkok þar sem önnur ævintýri bíða farþega. Þrír drjúgir dagar – tvær nætur – bíða ferðalanga í þessum skrautlegu og skemmtilegu borg þar sem veitingar, skemmtun og verslunarmöguleikar eru óþrjótandi.

Bangkok er algjör andstæða Hua Hin, hér er ys og þys og borgin sefur aldrei enda alvöru asísk megaborg. Maturinn er eitthvað sem enginn má missa af en það er varla þverfótað fyrir litlum götuveitingastöðum þar sem hugsanlega finnast bestu máltíðir ferðarinnar.

Næturflug heim að kvöldi 12. dags ferðar og lent síðdegist daginn eftir á Íslandi. Flogið er með Icelandair og Thai Airways og farþegar bókaðir alla leið til Keflavíkur sem þýðir að ekki þarf að hafa áhyggjur af innritun farangurs við millilendingu.

Á meðan á ferðinni stendur er íslenskur fararstjóri Úrval Útsýn ávallt til taks með ráðleggingar og aðstoð við farþega auk þess sem innlendur leiðsögumaður er til aðstoðar.

Gisting

Gist er á Montien Surawong**** í Bangkok. Hægt er að velja um hótel í Hua Hin.

Ibis Hua Hin***

Ibis hótelið er snyrtilegt og þægilegt 3ja stjörnu hótel skammt frá ströndinni. Stutt er í alla helstu þjónustu svosem Hua Hin næturmarkaðinn og Market Village stórmarkaðinn. Góður veitingastaður þjónustar gesti hótelsins frá morgni til kvölds með morgunverð, hádegismat, kvöldverð og tilfallandi snarl auk þess er góður bar í móttökunni. Sundlaug og sundlaugargarður fyrir hótelgesti.

Amari Hua Hin****

Amari hótelið er vel staðsett rétt við strönd Hua Hin og býður uppá afbragðs þjónustu, glæisleg herbergi og fjölda veitingastaða og víðfema garða og sundlaugarsvæði. Örstutt er í alla frekari þjónustu og skemmtun Hua Hin.

Heilsulind og barnkaklúbbur eru á hótelinu og alls fjórir veitingastaðir og barir.

The Standard*****

The Standard hótelið við strönd Hua Hin er nýtt og vinsælt strandhótel sem býður upp á léttleika í hönnun og klassa í þjónustu og viðmóti.Skemmtilegir veitingastaðir eru á hótelinu þar sem hægt er að njóta morgunverðar eða annara máltíða með útsýni yfir hafið og örstutt er í gamla miðbæinn við höfnina. Öll þjónusta og fjölbreytt afþreying er í boði allt í kringum hótelið.

Heilsulind og þrír veitingastaðir og barir eru á hótelinu.

Montien Surawong****

Þrír góðir veitingastaðir og barir eru á hótelinu.

Montien hótelið við Surawonggötu í Bangkok er gömul og traust drottning borgarinnar svona eins og Hótel Borg í Reykjavík en það er lítið gamalt við þetta frábærlega staðsetta hótel sem nýverið fékk rækilega endurnýjun. Hótelið er ríkulega búið allri mögulegri þjónustu og veitingastaðir margir og rómaðir. Staðsetningin er óviðjafnanleg. Stutt í hressandi næturlíf fjölmargar verslunarmiðstöðvar og næturmarkaði smærri sem stærri sérverslanir og svo eru það hofin og allir hinir frábæru veitingastaðir sem finnast í hverfinu. Einnig er örstutt í jarðlestar- og loftlestarstöðvar sem koma fólki hraðast á milli staða í borginni.