Vestur-Karíbahaf

Flug frá Keflavík til Orlando þar sem lent verður um kvöldmatarbil. Á flugvelli ytra bíður rúta sem ekur hópnum á Florida Hotel & Conference Center, vinsælasta hótel íslenskra ferðalanga í Orlando. Gist verður í eina nótt áður en farið verður um borð í skipið.

Eftir morgunverð ökum við í tæpan klukkutíma til Cape Canaveral hafnarinnar, en flestir tengja höfðann fremur við Apollo-geimförin og arftaka þeirra, geimskutlurnar, sem tóku þar á loft. Farið verður um borð í Harmony of the Seas um hádgsibil en skipið lætur úr höfn kl. 16:30.

Það sannkallaður Karíbahafssjarmi yfir höfuðborg Bahamaeyja Nassau. Hér er að finna hvítustu sandstrendur og tærasta vatn í heimi, sannkölluð paradís. Hér er meðal annars hægt að verja deginum á ströndinni, synda með höfrungum eða fá sér einn Pina Colada. Nassau var hér áður fyrr kölluð „sjóræningja paradís“ og hægt er að skoða á lítríka fortíð hennar meðfram sögulegum götum og virkjum sem liggja við ströndina. Skipið heldur úr höfn kl 18:00.

Þennan dag verðum við á siglingu, kynnumst skipinu og náum áttum. Einnig er tilvalið að njóta allra þeirra dásemda og þjónustu sem skipið hefur upp á að bjóða, eða hreinlega slappa af og hvílast. Þá er hægt að fara í heilsu- eða líkamsrækt, eða taka þátt í eða fylgjast með allskyns uppákomum og skemmtunum, taka slag eða reyna við rúllettuna. Mest er um vert að allir finni sinn sess og láti sé líða vel á einn eða annan hátt. Á meðan undirbúa lista-kokkar margra rétta veislumat sem bíður okkar ásamt uppáklæddum þjónum þegar við göngum til kvöldverðar.

Snemma morguns leggst skipið við höfn á eyjunni Falmouth á Jamaica. Jamaicabúar taka á móti okkur með ekta Jamaica stemningu. Enginn ætti að láta fram hjá sér fara að smakka á kjúklingi og rommkökunum heimamanna. Fyrir áhugasama er hægt að fara í gönguferð umsöguslóðir bæjarins eða heimsækja The Great House, en það er gamalt höfðingjasetur sem reist var á 18. öld af John Tharp sem átti mest af sykurreyrum og þrælasölu í bænum. Skipið heldur úr höfn kl 16:30.

Einungis farþegar Royal Caribbean skipafélagsins komast á þessa fallegu eyju sem hefur að geyma bestu strendur Karíbahafsins. Haitibúar taka á móti okkur með skemmtilegri raggie tónlistinni og einnig á hinum litríka og skemmtilega handverksmarkaði þar sem hægt er að gleyma sér í prúttinu. Starfsmenn skipsins grilla og bjóða upp á máltíð þegar líður á daginn og Labadee iðar af lífi og fjöri. Yndisleg hvít ströndin og ótrýlega blár og hlýr sjórinn dregur alla að sér og engin má sleppa því að dífa tánum í Karíbahafið.
Skipið heldur úr höfn kl.18:00.

Þennan dag þjótum við á öldum Karíbahafsins í átt til Bahamas. Njótum dagsins um borð og öllu því sem skipið hefur upp á að bjóða.

Snemma að morgni kastar skipið akkerum við draumkennda hitabeltiseyju í Bahama-eyjaklasanum þar sem er að fnna risastóran skemmtigarð í einkaeigu skipafélagsins. Meðal þess sem er í boði eru flottar sandstrandir við ylvolgt hafið, fjöldi sundlauga með rennibrautum og tilbúnu brimi, veitingar, barir og skemmtistöðvar, og meira segja má skella sér í loftbelg. 100% skemmtun fyrir alla! Skipið léttir akkerum kl. 17:00.

Skipið leggst að síðasta kajanum kl. 06.00. Þar bíður okkur rúta sem flytur okkur til Florida Hotel & Conference Center hótelsins í Orlando en þar verður gist næstu tvær nætur.
Í Orlando verður frjáls tími, enda af nógu að taka og áhugamálin misjöfn. Fararstjórinn veður að sjálfsöðu til taks.

Farþegar sóttir á hótel seinni partinn og keyrðir upp á flugvöll.