Chervò Golf Hotel Spa

Chevro Golf and Spa Resort er glæsileg hótelgisting sem er staðsett í San Vigilio  í Trentico – Alto Adige héraði aðeins 40 mín frá Verona og  12 mín. akstur frá Gardavatninu. Hótelið er búið allri þeirri þjónustu og þægindum sem golfarar óska sér. Hótelið er búið vönduðum og fallegum innréttingum sem eru byggðar í kringum munka klaustur sem var byggt á svæðinu á 12. öld. 

Völlurinn

Hinn glæsilegi Chevrogolfvöllur var hannaður af Kurt Rossknecht og státar af 36 holum þar af 9 holur par 3 velli og 3×9 holu keppnisvelli: Benaco, Solferino og San Martino. Þægileg uppsetning golfvalla býður upp á mismunandi lykkjur golfs á meðan ferðinni stendur. Eftir golfið er tilvalið að sitja á verönd hótelsins, slaka á og njóta eða ganga um í fallegum garði hótelsins.

Gisting

Vel hönnuð herbergin endurspegla glæsileika hótelsins. Herbergin eru með mismunandi stíl sem tónar við  fegurð fornrar ítalskrar menningar en eru án svala.  Herbergin eru vel útbúin með öryggishólf, minibar, kaffi og te aðstöðu, sjónvarp Sky TV, loftkælingu, síma og þráðlaust net WiFi.  Baðherbergin eru með baðkar/sturtu, baðsloppa og inniskó, hárþurrku og hreinlætisvörur.

VEITINGAR

Veitingastaðir hótelsins bjóða upp á þjóðlega og alþjóðlega matargerð  ásamt staðbundnum fiskréttum. ( local fish specialities) Tveir barir/setustofur eru á hótelinu.

AÐSTAÐA

Útisundlaugar, golfvöllur, sportaðstaða og heilsulind með solarium, sauna og hydro nudd sturtum og hægt að bóka hjá gestamóttöku eða í heilsulindinni  t.d. sport nudd, andlitsmeðferðir og margt fleira (aukagjald)

Í nágrenni Chervo:

• Sanctuary of Madonna del Frassino – 16 mín. akstur
• Zenato Winery – 17 mín. akstur
• Il Leone Shopping Center – 19 mín. akstur
• Desenzano Castle – 19 mín. akstur
• Scaliger Castle – 30 mín. akstur
• Clinica Pederzoli – 18 mín. akstur
• Center Aquaria Spa and Wellness Center – 51 mín. akstur
• Rocca of Lonato – 21 mín. akstur
• Gardaland – 20 mín. akstur
• Golf Club Paradiso del Garda – 21 mín. akstur
• Sigurta Park – 28 mín. akstur

Margir tengja Verona helst við hina óborganlegu sögu af forboðinni ást Rómeó og Júlíu úr smiðju Shakespears og linna ekki látum fyrr en þeir standa við svalirnar þar sem hið ástfangna par kallaðist á. Ekki amaleg tenging þar en Verona býður nú til dags upp á ótalmargt fleira með fjölda skemmtilegra torga, margsnúnar og sniðugar götur, aragrúa stórra og smárra verslana og enn fleiri matstaði og kaffihús. Sagan liggur í hverju skoti en fremst í flokki fer hið stóra rómverska hringleikahús sem varðveist hefur ótrúlega vel í tæp 2000 ár. Þar eru enn sett á svið leikrit og ótal tónleikar. Til viðbótar má nefna fjölmargar kirkjur með ólíkum stílbrögðum og upplagi, magnaðar brýr yfir borgarfljótið Adige, listasöfn og gallerí, gæðavín á hverju strái og ítalska eldhúsið í öndvegi.

Hvað er að sjá?

Verona státar af fjölda skemmtilegra og áhugaverðra staða. Listinn gæti litið svona út:

Versur romae, vae romae

Fyrst skal telja rómverska leikhúsið sem haldið hefur svip sínum um aldir. Stór jarðskjálfti á 12. öld hreyfði vart við húsinu enda er hluti þess byggður úr fyrsta flokks bleiklituðum marmara. Hér er pláss fyrir um 30.000 áhorfendur og hér eru haldnir tónleikar árið um kring.

Giardino giusti

Handan Adige-fljóts er gullfallegur garður sem talinn er einn af gimsteinum Endurreisnarinnar. Garðurinn er nefndur í höfuðið á aðalsættinni sem annast hefur reitinn frá stofnun árið 1591. Þótt garðurinn sé blómlegri yfir sumarmánuðina svífur þar magnaður andi yfir vetrartíma og allan ársins hring er hann athvarf elskenda.

Gamli bærinn

Gamli bærinn er mjög skemmtilegur með þröngum götum og ítalskri matargerð eins og hún gerist best, einna helst líkt og maður detti inn í ítalska bíómynd. Marmara göngugatan Via Mazzini liggur í gegnum hjarta bæjarins að Piazza Erbe torginu sem er gríðarlega fallegt.

Shakespeare

Borgin var mikil hvatning fyrir Shakespeare og notaði hann Verona sem leiksvið í þremur leikritum; Rómeó og Júlíu, Skassið tamið, og Tveir herramenn frá Verona. Hinar sögufrægu svalir þar sem Júlía stóð og hlustaði á ástarjátningar Rómeós er vinsæll skoðunarstaður.

Museo Di Castelvecchio

Þetta einstaka safn geymir fjölda muna og minja frá rómverskum tíma, miðöldum og endurreisninni, auk nýlegri listmuna, í 28 sýningarrýmum. Húsnæðið er sér kapítuli út af fyrir sig. Það var reist sem virkisborg um miðja 14. öld ofan á rómverskum rústum og kirkju sem að hluta til má skoða innandyra.

Galleria D’Arte Moderna Achille Forti

Þetta listasafn geymir mörg djásn frá tímabilinu 1840-1940 með áherslu á málverk og höggmyndir.

Torre Deil Lamberti

Torre dei Lamberti er 84 m hár varðturn sem byggður var á löngu tímabili á 13.-15. öld, mest til að hafa fyrirvara á innrásum frá Feneyingum. Frá turninum er frábært útsýni yfir borgina og nágrenni hennar.

Piazza Dei Signiori

Umhverfis þetta aðaltorg Verona eru raðir af tignarlegum gömlum byggingum. Fyrst skal nefna Palazzo degli Scaligeri frá 14. öld. Þar bjó Cangrande I Dekla Scala, sá er reisti virkisborgina sem fyrr en nefnd. Loggia el Consiglio var reist á 16. öld sem eins konar ráðhús borgarinnar, og Palazzo della Ragione var upphaflega byggt sem bústaður en hefur gegnt mörgum hlutverkum í gegnum tíðina. Á miðju togirnu er hin fræga stytta af skáldinu Dante sem fékk athvarf í Verona eftir útlegðardóm í Flórens.

Flóamarkaðurinn

Loks skal nefna flóamarkaðinn á Piazza San Zeno sem er opinn flesta sunnudaga árið um kring. Þar er að finna mikið úrval antíkmuna, allskyns apparöt og og flíkur.

Verona er alltaf vinaleg heim að sækja og enginn snýr svikinn heim.