Töfrar Comovatnsins

á Ítalíu

Njóttu lífsins við Comovatn. Einstök upplifun við eitt fallegasta vatn í heimi. Comovatn hefur verið vinsæll áfangastaður ferðamanna síðan á dögum Rómaveldis. Blátt vatnið og skógivaxnar hlíðar við vatnið heilla alla sem þangað koma.

Skoða öll verð og bóka

Sæki dagsetningar...

Verð og dagsetningar

Sæki verð...

Innifalið í verði: Beint flug fram og til baka, flugvallagjöld og skattar, ferðataska og handfarangur, 4 nætur á Grand Hotel Cadenabbia 4★ með morgunverði, íslensk fararstjórn, rúta frá Mílanó flugvelli til Cadenabbia með móttökuþjónustu á flugvelli, skoðunarferð um Como með íslenskum og innlendum fararstjóra - heilsdagsferð, hálfsdags skoðunarferð til Bellagio með bát fram og tilbaka ásamt íslenskum og innlendum fararstjóra, rúta á flugvöllinn við brottför, og gisting í standard herbergjum.

Ekki innifalið í verði: Valfrjálst: Þriggja tíma skoðunarferð um Milanó með leiðsögumanni — Verð: 11.900 kr, city tax - greiðist beint á hótel, eða þjórfé.

Ferðalýsing

Dagskrá

Dagur 1, fimmtudagur, 18. maí 2023 — Dagur 1

Brottför kl.08:30 frá Keflavík, lending á Milan Malpensa flugvellinum kl.14:45.

Rúta flytur hópinn sem leið liggur að Comovatninu og við setjum okkur niður í litlum bæ sem heitir Cadenabbia Di Griante. Hópurinn tékkar sig inn á Grand Hotel Cadenabbia, fallegt 4 stjörnu hótel við vatnið sem á sögu að rekja aftur til ársins 1802. Hótelið var allt tekið í gegn árið 2007.

Frjáls tími til að njóta eftir innritun á hótelið.

Dagur 2, föstudagur, 19. maí 2023 — Dagur 2

Skoðunarferð um Como – heilsdagsferð

Bærinn Como, miðpunktur forns silkiiðnaðar, byggður við strendur vatnsins, er fyrsti viðkomustaður ferðinnar. Leiðsögn um heillandi miðbæinn þar sem dómkirkjan verður skoðuð (að utan) ásamt stórkostlegu göngusvæði við vatnið. Síðdegis verður farið í klukkutíma bátsferð á Comoflóa þar sem fallegt og tilkomumikið landslag gefur að líta í allar áttir. Frjáls tími gefst til þess að njóta og kíkja í búðir áður en haldið verður tilbaka á hótelið.

Dagur 3, laugardagur, 20. maí 2023 — Dagur 3

Skoðunarferð um Bellagio – hálfsdagsferð

Hálfdags skoðunarferð til hins undurfagra bæjar Bellagio. Farið verður með bát á Comovatni yfir til Bellagio. Hrífandi landslag með glæsilegum húsum sem sum hver eiga sögu að rekja til Rómaveldis hins forna. Ekki má gleyma húsum hinna frægu og ríku sem oft má sjá á þessum slóðum en stjörnur eins og George Clooney, Madonna, Sylvester Stallone, Gianni Versace og fleiri, eiga heimili á þessum slóðum. Gengið verður um Bellagio og frjáls tími gefst í bænum áður en farið verður með bát tilbaka til hótelsins í hádeginu. Frjáls tími eftir hádegi.

Dagur 4, sunnudagur, 21. maí 2023 — Dagur 4

Frjáls dagur – Hægt er að kaupa heilsdags skoðunarferð til Mílanó eða nota daginn til að skoða fleiri fallega bæi við Comovatn.

Ath, lágmarksfjöldi í skoðunarferðina til Mílanó eru 20 manns, ef ekki næst lágmarksfjöldi þá verður ekki farið í ferðina.

Skoðunarferð til Mílanó. Höfuðborg Lombardy hefur upp á margt að bjóða. Þar er að finna hinu glæsilegu dómkirkju Duomo di Milano og heimsfræga óperuhúsið Scala.
Mílanó er glæsileg og fáguð borg sem er fullkomin fyrir verslunarleiðangur. Galleria Vittorio Emanuele II er verslunarkjarni með glæsilegum verslunum og fjölda kaffihúsa. Eftir leiðsögnina gefst tími til að skoða Mílanó uppá eigin spýtur áður en keyrt verður til baka til Cadenabbia.

Dagur 5, mánudagur, 22. maí 2023 — Dagur 5

Rúta sækir hópinn um hádegisbil og keyrir á Milan Malpensa flugvöllinn. Brottför kl.15:45 með Icelandair, lending í Keflavík kl.18:00

Grand Hotel Cadenabbia ★★★★

Athugið

Staðfestingargjald er 80.000 kr. og er óafturkræft. Vinsamlegast kannið forfallatryggingar sem fylgja kreditkortum og/eða heimilistryggingum.
Ferðaskrifstofan/fararstjóri áskilur sér rétt til að breyta áætlun ferðar ef veður, umferð eða aðrar ófyrirsjáanlegar aðstæður gefa tilefni til.
Mikilvægt er að nöfn á bókunum stemmi nákvæmlega við nöfn í vegabréfi. Það er á ábyrgð farþega ef svo er ekki.