Töfraheimar Istanbúl

Við hefjum ferðina með flugi með Icelandair, FI900, frá Keflavík til Istanbúl kl. 15:25, lent 23:55. Þaðan er farið með rútu á hótelið.

Þessi skoðunarferð mun fara fram í gamla miðbænum sem nefnist Sultanahmet á tyrknesku. Leiðsögumaður mun sýna okkur Topkapi höllina, glæsilega búsetu tyrkneskra sóldána, sem er full af sögu og gersemum. Við munum líka skoða Hagia Sophia sem eitt sinn var kirkja og síðar moska en er nú safn. Grand Bazaar markaðurinn sem iðar af lífi með yfir 4000 verslunum sem selja allt frá skartgripum til krydds verður heimsóttur. Leiðsögumaðurinn mun einnig leiðbeina um Hippodrome svæðið og nágrenni.

Kvöldverður á Galeyan Restaurant

Þetta er annar dagurinn í gamla miðbænum. Við heimsækjum Basilica Cistern sem er dularfullur neðanjarðar vatnsgeymir með töfrandi súlum. Við skoðum Bláu moskuna sem er meistaraverk frá dögum Ottoman veldisins með sínum sláandi fallega arkitektúr og bláum flísum. Eftir það er haldið niður að bryggju og farið í siglingu um Bosporussundið. Fyrir eða eftir siglingu munum við heimsækja kryddmarkaðinn sem er ekki langt þarna frá.

Ferðin dagsins fer fram í elsta hverfi Istanbúl og nær yfir Suleymaniye moskuna, Gullna hornið sem er söguleg vík með kyrrlátu vatni og fallegu umhverfi, Fener & Balat hverfið með sínum litríku húsum og sögulegu kirkjum, Chora moskuna sem er fræg fyrir býsanska mósaík og freskur og Pierre Loti sem er kaffihús á hæð sem býður upp á töfrandi útsýni yfir Gullna hornið. Við skoðum líka grísku rétttrúnaðarkirkjuna sem algjör byggingarlistar gimsteinn í Istanbúl.

Við munum heimsækja nokkra staði í nútímalegri hluta Istanbúl. Við förum til Taksim sem telst vera hjarta nútímabæjarins. Við heimsækjum Istiklal Street sem er lífleg göngugata með verslunum, veitingastöðum og sögulegum byggingum. Við förum í Pera hverfið sem er nýtískulegt svæði með ríka sögu og lifandi menningarlíf og við förum í Galata hverfið þar sem Galata turninn er. Við munum síðan halda deginum áfram með heimsóknum til Karakoy svæðisins sem er hipphverfi þar sem gamaldags sjarmi blandast við nútíma kaffihús og list. Við förum að Galataport sem er nútímalegt svæði við sjávarsíðuna með verslunum, veitingastöðum og skemmtiferðaskipum. Að lokum er farið til Ortakoy sem er fínt úthverfi staðsett við Bosphorussund og er frægt fyrir mosku sína og götumat.

Vıð höldum af stað niður að bryggju og förum til einnar af Prinseyjunum. Þessar eyjar eru bíllausar og því fullkomið að slaka á og skoða þær á hjóli. Þarna er mikil náttúrufegurð og þar má sjá stórhýsi frá Ottomantímabilinu, sögulegar byggingar og yndislegar götur. Ferð aðra leið til eyjunnar tekur um 1,5 klst.

Frjáls dagur eða valfrjáls skoðunarferð um asísku hlið Istanbúl þar sem farið er að Beylerbeyi höllinni sem er glæsileg sumarhöll. Síðan er farið að Camlica Hill sem er hæsti punktur Istanbúl með víðáttumiklu borgarútsýni. Tvö helstu hverfin sem eru Asíu megin í Istanbúl eru Uskudar, sögulegt hverfi með fallegum moskum og kyrrlátri sjávarsíðu, og Kadikoy sem er lifandi svæði með iðandi mörkuðum og töff kaffihúsum – Ferð ekki innifalin í verði ferðar.

Fullkominn dagur til að slappa af og njóta í Istanbúl. Um kvöldið er boðið til kvöldsiglingar á Bosporussundi þar sem snæddur verður kveðjukvöldverður.

Rútan flytur hópinn á flugvöllinn í Istanbúl þar sem flogið er með Icelandair, FI901, kl. 07:05 og lent í Keflavík kl. 10:00