Sigling um Vestur Karíbahafið

Flogið með Icelandair til Orlando kl.17:15 frá Keflavík þann 13.október. Lending er kl.21:00 að staðartíma. Gist eina nótt á Florida Mall Hotel and Conference center og mun rúta flytja hópinn frá flugvellinum á hótelið.

Um hádegisbil sækir rúta hópinn og keyrt er sem leið liggur að Port Canaveral þar sem hópurinn gengur um borð í Mardi Gras skipið. Innritunartími á skipinu er frá kl.13 til 15. Lagt er úr höfn kl.16:00 þann 14.október

Haldið á vit ævintýranna! Allir ættu að finna eitthvað við sitt hæfi og engin ætti að láta sér leiðast. Hægt er að njóta alls þess sem finna má um borð, hvort sem það á við mat og drykk eða aðra afþreyingu sem í boði er. Svifið á öldum Karíbahafsins og tilvalið að njóta allra þeirra dásemda, sem skipið hefur upp á bjóða en þar á meðal eru fjórar sundlaugar, 5 heitir pottar með nuddi, heilsulind með gufubaði og slökun, hlaupabrautir eða vatnsrennibrautir.

Um kl.10 að morgni þann 16.október köstum við akkerum við hina hrífandi hitabeltiseyju Cozumel, skammt undan ströndum Yukatanskagans í Mexíkó. Enda þótt eyjan sé ekki stór (tæpir 500 km2) er hún leikvöllur allra þeirra sem unna strand- og sjósporti. Efnahagur eyjaskeggja stendur og fellur með þjónustu við ferðamenn sem einbeita sér að allskyns vatnasporti svo sem sjósundi, brim- og vindbrettum, snorkli, köfun, sjóstangveiði og siglingum. Cozumel er skógivaxin eyja þar sem fjölmargar fágætar plöntur eiga sér athvarf. Höfuðstaðurinn heitir San Miguel þar sem búa tæplega 80.000 manns. Þetta er skemmtilegur bær þar sem gaman er að rölta um fallegar götur og sólrík torg.
Cozumel gegndi virðingarstöðu í menningu Maya en eyjan var samkvæmt þeirra trú, bústaður mánagyðjunnar Ix Chel. Á Cozumel bjuggu á þeirri tíð um 10.000 Mayar og áttu þeir að mestu friðsöm samskipti við landfundamenn frá Spáni og Portúgal. Á 16. öldinni báru Spánverjar mislingasótt til eyjunnar og plágan varð nær öllum Mayum að aldurtila. Árið 1570 voru því aðeins um 300 Mayar eftir á lífi. Um einni öld síðar gerðu Spánverjar þá Maya sem enn bjuggu á Cozumel, brottræka til meginlandsins.
Í dag er Cozumel sannkölluð sælueyja þar sem hundruð þúsundir ferðamanna njóta fjölbreyttrar skemmtunar og afþreyingar í skógum, á ströndum og í sjónum. Skipið kveður þennan sólbjarta stað kl. 19:00.

Kl.08:00 leggjum við að höfn við Costa Maya í Mexíkó. Boðið er upp á skoðunarferðir í landi sem hægt er að kaupa um borð í bátnum en einnig er hægt að fara á eigin vegum og skoða sig um í rólegheitunum. Staðsett meðfram tæru og bláu Karabíska hafinu, Puerto Costa Maya og nærliggjandi bæir eru staðsettir meðfram ströndinni við tært og blátt Karabíska hafið, milli sjávar og frumskógar. Landfræðilega séð er Costa Maya, Mexíkó staðsett á Yucatan skaganum, nálægt suðurlandamærum Quintana Roo, eins af 32 mexíkóskum ríkjum. Hægt er að skoða pýramída frá tímum Maya, snorkla eða njóta þess að liggja á ströndinni. Skipið leggur úr höfn kl.17:00.

Kl.08:00 er komið að Mahogany Bay á eyjunni Roatan í Hondúras. Eins og áður er hægt að kaupa skoðunarferðir í landi um borð í skipinu en einnig er hægt að fara frá borði á eigin vegum.
Roatán er þekkt fyrir gróskumikla og ósnortna fegurð ásamt fjölbreyttu dýralífi bæði á landi og í sjó. Þegar komið er að höfninni er hægt að taka “fljúgandi sæti” eða “Magical flying beach chair” til að komast að Mahogany Beach. Þetta er eins og stólalyfta í skíðabrekku nema hvað að hún liggur milli hafnarinnar og bæjarins. Kristaltært hafið og hvítur sandur undir fótum ykkar ásamt fallegu landslagi meðan þið líðið rólega gegnum loftið á áfangastað. Verðið er 14 usd fyrir fullorðna og 8 usd fyrir börn.
Einnig er hægt að fara í Kajakferðir sem sameina þá strendur, frumskóga og kóralrif. Annar möguleiki er að snorkla með litríkum fiskum eða heimsækja Gumbalimba garðinn þar sem hægt er að sjá urmull dýra svo sem litríka fugla og fiðrildi, skordýr, Capucxhin apa og Capybaras ásamt fjölskrúðugt jurtalíf og alls kyns plöntur.
Passið að vera komin tímanlega tilbaka um borð í skipið, en farið verður úr höfn kl.18:00.

Frjáls dagur um borð. Svifið á öldum Karíbahafsins og tilvalið að njóta allra þeirra dásemda sem skipið hefur upp á bjóða en þar á meðal eru fjórar sundlaugar, 5 heitir pottar með nuddi, heilsulind með gufubaði og slökun, hlaupabrautir eða vatnsrennibrautir.

Komið er að höfn í Port Canaveral í Flórída kl.07:00 að morgni og farið frá borði. Rúta bíður hópsins og keyrir á The Florida Hotel & Conference Center við Florida Mall í Orlando þar sem gist verður næstu 2 nætur.
Florida Mall hotel er 4 stjörnu hótel vel staðsett í Orlando. Hótelið er staðsett við Florida Mall þar sem finna má fjöldan allan af verslunum og veitingastöðum. Í akstursfjarlægð frá hótelinu eru Universal Studios og SeaWorld og í 17 km fjarlægð er Walt Disney World.
Herbergin eru rúmgóð og búin öllum helstu þægindum svo sem flatskjá, Wi-fi, kaffivél og litlum ísskáp. Gestir hótelsins geta notið þess að slaka á í útisundlauginni eða æft í líkamsræktarstöðinni sem er opin allan sólarhringinn. Á hótelinu er Bistró sem býður upp á klassíska ameríska matargerð ásamt Starbucks- kaffihúsi.

Frjáls dagur um borð.

Hópurinn sóttur um kl.15 á hótelið og keyrður út á flugvöll. Flug frá Orlando kl.18:45, lending í Keflavík kl.06:00 að staðartíma morguninn eftir þann 24.október.