Sigling um Austur Karíbahafið

Flug frá Keflavík til Orlando FI689 kl:17:15, lending á MCO flugvellinum í Orlando kl 21:15.

Á flugvelli ytra bíður rúta sem ekur hópnum á hótelið Rosen Inn at Pointe Orlando. Gist verður í eina nótt áður en farið verður um borð í skipið. Amerískur morgunverður innifalinn.

Ekið verður frá hótelinu um hádegisbil, að höfninni Port Canaveral þar sem farið verður um borð í skemmtiferðaskipið Mardi Gras sem lætur úr höfn kl.16:00.
Haldið á vit ævintýranna! Allir ættu að finna eitthvað við sitt hæfi og enginn ætti að láta sér leiðast. Hægt er að njóta alls þess sem finna má um borð, hvort sem það á við mat og drykk eða afþreyingar sem í boði eru.

Frjáls dagur um borð. Svifið á öldum Karíbahafsins og tilvalið að njóta allra þeirra dásemda sem skipið hefur upp á bjóða en þar á meðal eru fjórar sundlaugar, 5 heitir pottar með nuddi, heilsulind með gufubaði og slökun, hlaupabrautir eða vatnsrennibrautir.

San Juan – Puerto Rico
Mardi Gras leggst að bryggju kl 07:00.
Hér er allt hægt, skipulagðar skoðunarferðir er hægt að kaupa um borð.

Skipið heldur úr höfn kl.16:00

Mardi Gras leggst að höfn í Amber Cove kl 09:00.

Í Amber Cove, Puerto Plata, sem er í Dóminíska Lýðveldinu, er fjölbreytt afþreying í bland við sögu allt frá árinu 1490 þegar eyjan var uppgötvuð af Kristófer Kólumbusi og félögum og gerð að spænskri nýlendu. Í Amber Cove er hægt að kíkja í verslanir hjá heimamönnum, njóta dagsins á ströndinni eða synda með höfrungum. Skipulagðar skoðunarferðir er hægt að kaupa um borð í skipinu.

Mardi Gras fer frá Amber Cove kl.18:00.

Komið er til Grand Turk kl 07:00.

Farþegar verja deginum á eyjunni fögru en hægt er að snorkla í tærum sjónum á kóralarifinu, flatmaga í silkimjúkum gylltum sandinum eða fara á hestbak á ströndinni.
Skipulagðar skoðunarferðir er einnig hægt að kaupa um borð í skipinu.

Mardi Gras fer frá Grand Turk seinnipart dags eða kl 16:00.

Þessum síðasta degi verður varið um borð í Mardi Gras þar sem tækifæri gefst til að prófa alla þá staði og aðstöðu sem eftir á að prófa eða sækja á þau mið sem best hafa gefist.
Kannski horfa yfir fallegt Karíbahafið, sleikja sólskinið á sólardekkinu, freista gæfunnar í spilavítinu, taka slag eða gera gera sér glaðan dag með ferðafélögunum.

Snemma að morgni kl 07:00 kemur skipið í höfn á Cape Canaveral.

Eftir morgunverð tökum við föggur okkar og ökum sem leið liggur til Orlando þar sem við eyðum síðasta degi ferðarinnar. Gist verður á The Florida Hotel & Conference Center við Florida Mall í Orlando. Florida Hotel er gott 4ra stjörnu hótel með rúmgóðum herbergjum, garði með sundlaug og sólbekkjum og einnig góðri heilsurækt. Á hótelinu er fyrirtaks bar og veitingastaður, þar sem hægt er að fá veitingar allan daginn og fram á kvöld.

Fyrir þá sem vilja versla þá er tilvalið að skella sér í Florida Mall sem er ein stærsta verslunarmiðstöð Flórída og staðsett við hliðina á hótelinu.

Farþegar sóttir kl.15 á hótel og keyrðir út á flugvöll.

Beint flug með Icelandair frá Orlando FI688 kl 18:45, lending kl.06:05 að morgni næsta dag í Keflavík.