Fallegri gerast hjólaleiðir tæpast þar sem við þeysum um á rafmagnsfákum um Salzkammergut hérað í austurrísku Ölpunum en héraðið er kennt við ríkar og aldagamlar saltnámur. Héraðið teygir sig frá Salzburg í vestri upp til Dachstein fjallanna í austri. Þessi einstaka hjólaferð er væntanleg í sölu á allra næstu vikum. Hægt er að láta skrá sig á lista og fá tilkynningu þegar að ferðin kemur í sölu. Senda má póst á mailto:info@uu.is eða í síma 585 4000.
    Sæki dagsetningar...

    Ferðalýsing

    Ferðatilhögun

    Verð og dagsetningar

    Innifalið í verði: Beint flug fram og til baka, flugvallagjöld og skattar, ferðataska og handfarangur, 2 nætur á Hotel Föttinger, Attersee ★★★★ með morgunverði, 2 nætur á Gasthaus Zinkenbachmühle ★★★ með morgunverði, 3 nætur á Hotel Agathawirt ★★★ með morgunverði, íslensk fararstjórn, sex hjóladagar með leiðsögumanni, leiga á rafhjóli, flutningur á farangri á milli staða, lestarmiði frá Gmunden til Ebensee, og aðgöngumiði í bátsferðir (sjá ferðalýsingu).
    Ekki innifalið í verði: Annað sem ekki er tekið fram í ferðalýsingu.
    Sæki verð...

    Athugið

    • Með greiðslu staðfestingagjalds staðfestir þú að hafa lesið þennan texta og fallist á að hlíta ákvæðum hans í hvívetna.
    • Hreyfiferðir okkar leggja mesta áherslu á skemmtun. Við gerum engar kröfur um líkamlegt atgervi þátttakenda vegna þátttöku í hjóla- og gönguferðum. Skipulagning er með þeim hætti að ekki eru gerðar kröfur um sérstakar æfingar eða þjálfun fyrir ferðirnar heldur gengið út frá því að þátttakendur séu í þokkalegu formi og stríði ekki við veikindi.
    • Ef þið eruð í vafa mælum við með heimsókn til heimilislæknis og fara að hans ráðum. Það er ábyrgð þátttakenda að hafa líkamlegt atgervi til að ljúka ferðinni. Upplýsingar okkar um líkamlega getu þátttakenda eru aðeins til upplýsingar eftir bestu vitneskju og reynslu en frávik eru ekki á okkar ábyrgð.
    • Ef þátttakandi treystir sér ekki til að ljúka ferð sem gengið hefur samkvæmt áætlun er það á hans ábyrgð en ekki okkar.
    • Ábyrgð á þátttöku í ferðunum liggur hjá þátttakendum. Ferðirnar eru lokaðar börnum undir 16 ára aldri en 16-17 ára þátttakendur verða að vera í fylgd með foreldri eða forráðamanni.
    • Þátttakendur skulu hafa meðferðis fatnað við hæfi og þau smátæki og tól sem vilji er til. Sérstaklega skal minna á góðan skóbúnað.
    • Engin endurgreiðsla ferðakostanaðar kemur til ef víkja þarf frá skipulagðri dagskrá og leiðum af öryggisástæðum (t.d. vegna veðurlags eða þess að hópurinn hefur ekki getu til að fylgja skipulagðri áætlun).
    • Það er ábyrgð þátttakenda að fylgja lögum og reglum á vegum og leiðum. Í hjólaferðum er lögbundin skylda að vera ávallt með hjólahjálm. Athugið að hvorki hjálmar né hjólatöskur eru innifaldar í verði hjólaferða.
    • Þátttakendur munu undirrita leigusaming um reiðhjól og bera ábyrgð á hjólunum skv. skilmálum hans.
    • Ef þátttakandi vill nota eigið rafmagnshjól í ferð okkar er það heimilt á ábyrgð þátttakanda og með þvi skilyrði að hjólið ráði við skipulagða leið og hafi rafgeymi (batterí) sem ræður við 80-100 km dagleið.
    • Við mælum eindregið með mjög góðri og vandaðri ferðatryggingu. Tryggingin skal ná til eðlis þeirrar ferðar sem við á og þeirra tilvika sem upp kunna að koma og a.m.k innhalda ákvæði um ábyrgð gagnvart þriðja aðila, slysa og veikinda. Rétt er að benda þátttakendum á að þeir geta mögulega verið ábyrgir fyrir skemmdum ef slys verða.
    • Lágmarksþátttaka er 20 manns og áskilur Úrval Útsýn sér rétt að fella niður ferðina náist sú þátttaka ekki.