Nýársferð 2024 Úrvalsfólk á Kanarí

Kanarí er full­kom­in eyja til að heimsækja allt árið um kring. Loftslagið er svo milt og gott veður all­an árs­ins hring. Gist verður á hinu vinsæla hóteli BULL Eugenia Victoria & Spa. Öll herbergi, einbýli og tvíbýli eru með svölum og sundlaugarsýn. Herbergin snúa inn í garðinn. Yumbo Centre er í göngufæri frá hótelinu og stutt er niður á Ensku ströndina.

Í fyrstu ferðinni ökum við hraðbrautina til hafnarbæjarins Puerto de Mogán sem er einn fallegasti hafnarbærinn á eyjunni. Þegar við komum í bæinn er farið úr rútunni við hringtorg sem þar er og genginn smá spölur niður að höfninni. Á leiðinni að höfninni skoðum við bæinn sem státar af sérstökum arkitektúr, blómaskreytingum, veitingastöðum og verslunum fyrir utan mjög skemmtilega smábátahöfn.

Það verður boðið upp á skoðunarferð á Casa de Colón (skemmtilegt safn um nýlendutíma og Christopher Colombus og fleiri sægarpa) ásamt því að hafa ferð í gamla miðbæinn og gamla hafnarhverfið í Santa Catalina þar sem á tiltölulega litlum bletti væri hægt að hafa stutt stopp eins og til dæmis Parque del Castillo de laLuz, Mercado del Puerto, Plaza del Pueblo (þar er oft allskonar uppákomur stundum markaður). 

Það koma allir brosandi og fullir af jákvæðri orku úr þessum ferðum og sterk vinabönd myndast eftir samveruna enda margir sem endurtaka á ári hverju. Mikil fjölbreytni af skoðunarferðum er í boði í ferðinn. Dagsferð til Puerto de Mogán, kíkjum í Mogan Mall sem er nýr verslunarkjarni í Puerto Rico. Einnig verður boðið upp á dagsferðina “Dásemdir Gran Canaria”, þar sem við förum í safn, ólífu búgarð og banana búgarð. Í ferðinni fáum að smakka á ýmsu góðgæti, fræðumst um menningu og sögu.  

Áratugum saman hafa íslendingar sótt í dásamlegar strendur Gran Canaria og hefur eyjan verið einn vinsælasti áfangastaður Úrvals Útsýnar. Ungir sem aldnir finna varla betri stað fyrir sólarfrí. Stöðugt hitastig, þægilegt loftslag, hreinar strendur og stórbrotið landslag er eitthvað sem heillar alla! 

Úrval Útsýn býður íslendingum fjölda áfangastaða á Gran Canaria. Gisting er fjölbreytt og úrval er mikið af gæða gistingu á góðu verði.

Enska ströndin (20 mín frá flugvelli)

Playa del Ingles er vinsæll ferðamannastaður en nafnið á bæði við um ströndina og bæinn. Ströndin teygir sig til San Augustin í austri og Maspalomas í vestri. Góð aðstaða er fyrir gönguferðir og hlaup við vitann í Maspalomas og sandöldurnar freista margra. Flestir þekkja verslunarkjarnana Yumbo Center, Kasbah, Cita og Faro 2.

Meloneras svæðið (30 mín frá flugvelli)

Meloneras svæðið er orðið sambyggt Ensku ströndinni að vestan. Mikil uppbygging hefur átt sér stað á Meloneras svæðinu, með áherslu á tengingu við náttúruna. Ströndin á Maspalomas er stór og þekkt fyrir mikla og sérstæða sandhóla sem gerir ströndina sérlega skemmtilega til fjölbreyttrar útiveru. Við vitann Boulevard El Faro er að finna fjöldan allan af veitingastöðum og verslunum. 

Puerto Rico – smábátahöfn (30 mín frá flugvelli)

Puerto Rico er afar sjarmerandi og fallegur bær á suðvesturhluta eyjunnar Gran Canaria. Bærinn hefur að mestu leyti byggst upp í kringum smábáthafnirnar en í  dag eru þær orðnar tvær og við aðra þeirra er að finna ströndina Playa de Puerto Rico. Þar er að finna fallega veitingastaði við sjóinn sem og góða sólbaðsaðstöðu. Bærinn hefur byggst upp í kringum tvær víkur eða tvo dali og rísa hæðirnar í kring tignarlegar yfir svæðið. Í dalbotninum er svo að finna skemmtilegt svæði með verslunum, verslunarmiðstöðum, veitingastöðum og leiksvæðinu „Angry  Bird’s“ sem hentar fyrir ungu kynslóðina. Rétt utan við bæinn er svo hin nýja og fagra strönd „Playa de Amadores“ þar sem hægt er að sóla sig á hvítum sandi allan daginn. Fagurblár sjór, veitingastaðir og verslanir eru við ströndina, en þar er einnig að finna Amadores Beach Club sem býður upp á bekki og veitingar í fallegu umhverfi. Playa de Puerto Rico státar af einu besta loftslagi sem fyrirfinnst á öllum Kanaríeyjunum allt árið um kring. Við mælum með að fólk leigi sér bíl og keyri meðfram strandlengjunni eða taki stræisvagna sem ganga á milli allra bæjanna  á suðurhlutanum, því stutt er yfir til Puerto de Mogan og Playa del Ingles svæðanna.
Við bjóðum upp á 5 ólíkar gistingar á þessu skemmtilega svæði. Sem dæmi er að finna falleg íbúðarhótel við smábátahöfnina sem hafa allt til alls og henta fólki sem kýs meiri “lúxus” og vill vera miðsvæðis. Fyrir þá sem þora og geta erum við einnig með gistingar í hlíðunum fyrir ofan svæðið en þaðan er ótrúlega fallegt útsýni yfir bæinn, smábátahöfnina og Atlantshafið. Þessar gistingar henta ekki þeim sem eiga erfitt með gang. Til að komast niður í bæinn er hægt að taka leigubíl sem tekur um 5 mínútur og  kostar hvor leið um 5 evrur.

Puerto de Mogan — „litlu Feneyjar“ (45 mín frá flugvelli)

Einn af fallegustu bæjum eyjunnar er Puerto de Mogan, sem er staðsettur á suð-vestur hluta Gran Canaria. Puerto de Mogan er stundum kallaður “litlu Feneyjar” enda ekki skrýtið þar sem hafnarsvæðið er allt byggt upp í kringum lítil síki með fallegum veitingastöðum og skemmtilegum gönguleiðum milli húsanna. Þessi einstaki hafnarbær hefur að geyma ótrúlega fallegt og róandi andrúmsloft sem krefst þess að maður slaki á, njóti og nái algerri hvíld. Falleg strönd er við höfnina með veitingastöðum og börum. Þar fyrir ofan eru svo verslanir og útivistarsvæði. Gistingarnar okkar á svæðinu eru glæsilegar og hannaðar til að gefa fólki tækifæri á að slaka á og njóta hverrar sekúndu í fallegum vistarverum og görðum sem umlykja hótelin. Þetta svæði hentar öllum sem vilja “lúxus” og endurnæringu á líkama og sál.

Las Palmas – höfuðborg Gran Canaria (20 mín frá flugvelli)

Las Palmas er höfuðborg Gran Canaria og um leið Austurhéraðs Kanaríeyja, en eyjarnar eru tvö héruð af sautján héruðum Spánar. Í Las Palmas býr um helmingur allra íbúa Austurhéraðs. Þar er að finna fjölbreytilegt menningar- og mannlíf jafnt að nóttu sem degi, sérstaklega í gamla borgarhlutanum. Kaffihús eru þar á hverju strái sem og einstök flóra veitingastaða og öldurhúsa þar sem allir finna eitthvað við sitt hæfi.