Kvennaferð ÚÚ

Í maí er veðrið á Costa Blanca nánast fullkomið til golfs; hlýtt en ekki of heitt, grænir vellir og frábær stemning. Spilað verður á El Plantio Golf Resort, vinsælum og fallegum golfvelli rétt utan við Alicante. Völlurinn er þekktur fyrir breiðar og skemmtilegar brautir, fjölbreyttar holur og sanngjarna áskorun sem hentar kylfingum á öllum getustigum. Umhverfið er friðsælt, þjónustan fyrsta flokks og andrúmsloftið einstaklega vinalegt.

Komdu með í skemmtilega og glæsilega kvennagolfferð með Úrval Útsýn dagana 17.–22. maí 2026 til sólríka Alicante. Þetta er ferð sem sameinar golf, myndar stemningu og gleði og notalega samveru í afslöppuðu umhverfi við Miðjarðarhafið – fullkomið vorfrí fyrir konur sem elska golf og góðan félagsskap. Fararstjóri er engin önnur en Ragnheiður Sigurðardóttir – landsliðsmanneskja í golfi 50+ og fyrrum íslandsmeistari í golfi 50+

Það verður m.a haldið púttmót,  ásamt fyrirlestri þar sem Ragnheiður Sigurðardóttir landsliðsmanneskja í golfi 50+ og fyrrum íslandsmeistari 50+ mun fara yfir allt það helsta.

Ferðin leggur áherslu á skemmtilega golfdaga, hlátur, slökun og góð samskipti, með nægum tíma til að njóta spænskrar matarmenningar, sólarinnar og lífsins í Alicante. Þetta er ekki bara golfferð – heldur upplifun sem skilur eftir sig minningar, ný vináttubönd og endurnærða orku.

Golf, sól og góð stemning í frábærum kvennahópi – með Úrval Útsýn.

EL PLANTIO GOLF RESORT****

El Plantio Golf Resort er vinsælt 4 stjörnu golfhótel staðsett í um 10-15 mínútna fjarlægð frá Alicante flugvelli og stutt í miðborg Alicante. Íbúðirnar eru vel búnar með tveimur svefnherbergjum, sólbaðsaðstöðu og fínum veitingastað sem býður upp á úrval miðjarðarhafsrétta.

Íbúðirnar eru með tveimur svefnherbergjum og eru 104 fermetrar útbúnar öllu því helsta. Þar má finna eldhús, baðherbergi, hárþurrku, stofu, borðstofu, loftkælingu, sjónvarp, þvottavél og þurrkara. Svalir eða verönd fylgja hverri íbúð. Annað svefnherbergið er með hjónarúmi, hitt er með tveimur rúmum.

Allar íbúðir eru búnar tveimur plasma sjónvörpum, hitastýrikerfi, öryggishólfi,  baðherbergi, stofu, borðstofu, góðum svölum eða verönd, fullbúnu eldhúsi og þvottahúsi með þvottavél og þurrkara. Íbúðirnar eru um 500 metra frá klúbbhúsinu.

*Athugið að seinni hringur er pantaður eftir fyrri hring dagsins og er háður umferð vallarins.

Rástímar eru staðfestir við bókun.

Hafðu samband við golf@uu.is varðandi óskir um rástíma.

Skoðaðu verð og dagsetningar í bókunarvélinni okkar hér að ofan. Við getum sérsniðið ferðina að þínum þörfum – hafðu samband við golf@uu.is.

Alicante borgin

Í Alicante er að finna fjölda áhugaverðra safna, sögulegar minjar, skemmtilega markaði að hætti innfæddra og heimsþekktar verslanir. Strendur Alicante eru fallegar og þar er mannlífið litríkt. Næturlíf borgarinnar er alþekkt og geta skemmtanaþyrstir ferðalangar valið á milli fjölda bara og næturklúbba sem er aðeins í 10 mínútna fjarlægð frá El Plantio.

Innifalið í verði er:

• Beint flug til og frá Alicante
• Innritaður farangur og handfarangur
• Flutningur á golfsetti
• Gisting á El Plantio Golf Resort með morgunverði eða hálfu fæði
• Rástímar á golfvelli
• Hægt er að bóka golfhring og golfbíll á komu- eða brottfarardegi sem kostar 14.900.- per mann
• Golfbíll kostar 3.750 kr. á mann m.v 2 saman í bíl – fyrir einn í bíl 7.500kr – *þarf að panta og greiðast fyrirfram.
• Þjónustufulltrúi á staðnum