Þriggja landa ævintýri

Við hefjum ferðina í Keflvík þar sem við fljúgum með Neos, NO5958, kl. 09:00 og lendum í Verona kl. 15:00. Þaðan fer rúta með okkur á hótelið í Padova. Um kvöldið er boðið upp á ókeypis rútu sem fer með farþegana inn í borgina þar sem fólk getur fengið sér að borða.

Dagurinn hefst á morgunverði áður en rútan sem keyrir okkur til miðbæjar Padova kemur og sækir hópinn. Lagt er af stað um kl. 09:00 og farið í skoðunarferð um borgina. Um hádegisbil er frjáls tími til að borða hádegismat. Um kl. 13:00 verður keyrt í átt til Slóveníu en á leiðinni um 15:30 verður stoppað í borginni Trieste sem er ítalskur gimsteinn við Adríahaf. Í borginni má sjá ítölsk, austurríks og slavnesk áhrif sem setja svip sinn á arkitektúr borgarinnar. Við förum í skoðunarferð um borgina en fólk fær einnig frjálsan tíma til að njóta sjálft. Um kl. 18:00 er svo haldið af stað til Portoroz sem er standbær í Slóveníu við Adríahaf. Við gistum þar um kvöldið og kvöldverður er innifalinn í verði.

Dagurinn í dag er tekinn á rólegum nótum. Eftir morgunmat býðst fólki að ganga meðfram stöndum Portoroz eða ganga yfir til Piran sem er bær við enda Piranese skaganans. Bærinn er þekktur fyrir miðaldaarkitektúr með þröngum götum og fallegu útsýni yfir slóvenska Miðjarðarhafið og er einn helsti ferðamannastaður Slóveníu. Frjáls tími seinni partinn og gist í Portoroz og kvöldverður er innifalinn í verði.

Við byrjum daginn á morgunverði en um kl. 8:30 tekur við um klukkutíma akstur til Rovinj í Króatíu sem er ákaflega fallegur strandbær á Istriuskaganum, oft talinn einn fallegasti áfangastaðurinn við Miðjarðarhafið. Gamli bærinn er byggður á litlum skaga með þröngum steinlögðum götum, litríkum byggingum og líflegri höfn fullri af fiskibátum. Við förum í skoðunarferð um bæinn en síðan fær fólk góðan tíma í hádeginu til að vera á eigin vegum. Um kl. 12:30 er keyrt af stað til Pula sem er hafnarborg við Adríahaf og stærsta borg Istriuskagans. Þarna má finna einstaka náttúrufegurð, fallegar strendur og sögulegar minjar. Við förum í um tveggja tíma skoðunarferð um borgina en síðdegis fær fólk frjálsan tíma til að skoða sig um áður en við höldum aftur til Portoroz þar sem gist er um nóttina. Þar verður snæddur kvöldverður sem er innifalinn í verði.

Í dag er frjáls dagur en fyrir þá sem vilja er boðið upp á valfrjálsa skoðunarferð. Við leggjum af stað um kl. 10:00 frá bryggjunni við hótelið. Við siglum fram hjá Piran og förum til Izola sem er strandbær við Adríahafið. Bærinn er ákaflega fallegur með ríka sögu og fallega höfn. Upphaflega var þetta sjávarþorp en hefur þróast í vinsælan ferðamannastað með áherslu á allt sem snýr að hafinu. Izola er einnig þekkt fyrir ólífuolíuframleiðslu sína, víngarða og lifandi menningarlíf, þar á meðal hátíðir og viðburði. Við komum um kl. 11:00 og þá hefur fólk frjálsan tíma í um eina og hálfa klst. Um 12:30 snúum við aftur í bátinn þar sem ostar og prosciutto verður framborið. Um kl. 13:00 siglum við frá Izola og aftur til Portoroz en borðum hádegisverð þar sem fiskur og vín verður borið á borð. Áætlaður komutími til Portoroz er um kl. 15:00. Kvöldverður er borðaður þar og er innifallinn í verðinu.

Eftir morgunverð kemur rúta kl. 09:00 sem keyrir okkur til Istria inland þar sem fyrsti áfangastaður dagsins er hinn töfrandi bær Motovun sem er þekktur fyrir miðalda sjarma og stórkostlegt útsýni yfir nærliggjandi sveitir. Bærinn er staðsettur á 277 metra hárri hæð og er umkringdur fornum borgarmúrum sem bjóða upp á víðáttumikið útsýni yfir frjósama Mirna-dalinn fyrir neðan. Við hittum leiðsögumann sem fer með okkur í gamla bæinn þar sem við fáum rúmlega tveggja tíma leiðsögn um svæðið. Við förum í vínsmökkun rétt fyrir kl. 13:00 en um klukkutíma síðar höldum við af stað til Groznjan sem oft er nefndur bær listamanna og er heimili fjölmargra gallería og vinnustofa sem laða að skapandi aðila frá öllum heimshornum. Í bænum eru þröngar og hlykkjóttar götur með líflegum listarýmum sem gerir hann að griðastað fyrir listunnendur. Saga Groznjan endurspeglast í vel varðveittum steinbyggingum, þar á meðal St. Vitus kirkjunni og fornum veggjum bæjarins, sem bjóða upp á víðáttumikið útsýni yfir landslagið í Istria. Friðsæl, hægfara stemningin í Groznjan, ásamt töfrandi umhverfi þess, gerir bæinn að einstökum og heillandi áfangastað í hjarta Istria. Við förum í skoðunarferð um bæinn og höldum svo síðdegis af stað til Portoroz þar sem er gist og fólk getur notið þess sem eftir er dags á eigin vegum. Kvöldverður er innifalinn í verði.

Frjáls dagur til að njóta. Um kvöldið er kvöldverður sem er innifalinn í verði.

Eftir morgunverð sækir rúta hópinn um kl. 09:30 og keyrir til Postojna en á milli 11:00 og 12:30 munum við skoða hina undursamlegu neðanjarðarhella sem þar eru. Hellakerfið er lengsta hellakerfi Slóveníu og eitt frægasta og mest hrífandi náttúruundur landsins sem teygir sig yfir 24 kílómetra. Hellarnir er þekktir fyrir töfrandi fjölda stalaktíta, stalagmíta og neðanjarðarhólfa, sem hafa myndast í milljónir ára. Gestir fara í heillandi lestarferð djúpt inn í hjarta hellakerfisins og ferðast um stór, upplýst hólf sem sýna óvenjulegar bergmyndanir. Einn af hápunktum hellakerfisins er Galleríið, risastór salur sem inniheldur nokkra af glæsilegustu stalaktítunum og stalagmítunum. Tónleikahúsið, annar stórbrotinn salur, er þekktur fyrir hljóðvist sína og hefur jafnvel hýst klassíska tónlistartónleika. Hádegisverður er snæddur nálægt inngangi hellanna og síðan er haldið til Ljubljana höfuðborgar Slóveníu og er áætlað að þangað sé komið um kl. 15:00. Við fáum skoðunarferð um borgina sem býr yfir blöndu af miðalda og nútíma sjarma. Í gamla bænum fá finna fullt af kaffihúsum meðfram Ljubljanica ánni en þar má einnig finna kastala, gallerí og líflegt mannlíf. Þarna verður gist um nóttina.

Eftir morgunverð sækir rúta hópinn um 09:00 og keyrir hann til Bled sem er heillandi lítill bær staðsettur við stendur Bled vatns í Slóveníu. Þar er stórkostleg fegurð en þó að vatnið sjálft sé aðal aðdráttaraflið er bærinn jafn grípandi með notalegum götum sínum, göngugötu við vatnið og yndislegum kaffihúsum og verslunum. Hápunktur bæjarins er Bled kastalinn sem er staðsettur á kletti fyrir ofan vatnið og veitir víðáttumikið útsýni yfir allt svæðið og innsýn í sögu Bled með safni og miðaldasýningum. Bærinn er einnig þekktur fyrir hefðbundinn slóvenskan arkitektúr með heillandi húsum, gömlum einbýlishúsum og vel hirtum görðum sem bæta við friðsælt andrúmsloft bæjarins. Við fáum um tveggja tíma skoðunarferð um bæinn en svo fær fólk frjálsan tíma til að njóta í hádeginu. Um kl. 14:00 er keyrt aftur til Ljubljana þar sem fólk hefur frjálsan tíma það sem eftir er dagsins.

Eftir morgunverð leggur rúta af stað um kl. 09:00 til Verona borgar ástarinnar og verðum við komin þangað um kl. 14:00. Þá verður farið í skoðunarferð um borgina og er áætlað að það taki um tvær klst. Borgin er þekkt um allan heim fyrir að vera sögusvið Shakespears í leikritinu um Rómó og Júlíu og þúsundir ferðamanna koma á hverju ári til að skoða svalirnar hennar Júlíu. Miðborg Verona er á heimsminjaskrá UNESCO, full af kennileitum frá rómverskum, miðalda- og endurreisnartíma. Eitt þekktasta aðdráttarafl hennar er Arena di Verona ótrúlega vel varðveitt rómverskt hringleikahús sem á rætur sínar að rekja til 1. aldar e.Kr. Í dag hýsir það óperur og tónleika á heimsmælikvarða sem eykur menningarlíf Verona. Verona er einnig þekkt fyrir heillandi þröngar götur, falleg torg og glæsilegar hallir eins og Palazzo del Capitano og Palazzo Barbieri. Ponte Pietra, rómversk brú yfir Adige-ána býður einnig upp á yndislegt útsýni yfir borgina og er fullkominn staður fyrir myndatöku. Milli kl. 16:00 og 17:30 er áætlað að fólk hafi frjálsan tíma til að njóta áður en haldið er út á flugvöllinn í Verona. Flogið er með Neos, NO5958, kl. 20:00 og lent í Keflavík kl. 22:20.