Gönguferð um Amalfi, Sorrento og Cilento á Ítalíu

Við hefjum þessa dásamlegu ferð á beinu flugi með Lufthansa frá Keflavík til Napolí kl.14:10, lent 22:55. Rúta keyrir farþega á hótel.

Við byrjum ferðina á skoðunarferð um smábæinn Sant‘Agata – gengið að fallegum útsýnisstað þar sem tilvalið er að taka myndir yfir Sorrentoskagann.
Eftir það hittum við pizzusnillinginn Antonio sem mun kenna okkur að búa til pizzur sem við borðum. Eftir að hafa notið pizzurnar göngum við áfram til hins fallega Sorrento-bæjar.
Um kl. 17 er áætluð brottför frá Sorrento á hótelið.

Fyrir göngufólk er dagleið dagsins sem draumi líkust; ganga eftir Stíg guðanna (Sentiero deli Dei).
Við veljum að ganga frá austri til vesturs sem er fremur niður á við og því hefst gangan í smábænum Bomerano. Fyrsti hluti göngunnar er að ströndinni en meginhluti leiðarinnar liggur meðfram klettóttri strandlengjunni sem gnæfir hátt yfir haffletinum með ótrúlegu útsýni.
Á göngunni gerum við stopp og fáum okkur snæðing á einum besta útsýnisstað leiðarinnar. Þessi frægi stígur sækir nafn sitt í goðsögn sem segir að hinn gríski konungur Íþöku, Ódysseifur, hafi hér flúið undan Sírenunum (söngmeyjum í fuglslíki sem seiða menn til bana með söng) sem höfðust við á smá-eyjunni Li Galli í hafinu sunnan við Sorrentoskagann.
Formlega lýkur göngunni í bænum Nocelle en við göngum þó áfram til bæjarins Positano.

Eldfjallið Vesúvíus er mógull þessa hluta Suður-Ítalíu og gnæfir yfir Sorrentoskagann og Napólíborg. Skemmst er að minnast ægilegs sprengigoss árið 79 e.Kr. þegar eldskriður eyddu rómversku borgunum Pompeii og Herculaneum. Vesúvíus er í dag þjóðgarður með undurfögrum og áskorandi gönguleiðum. Við munum fara upp á topp og ganga meðfram gígopinu og m.a. fara hjá gufuhverum sem sýna að fjallið er ekki dautt úr öllum æðum. Frá toppi fjallsins gefst enn eitt tækifæri til að njóta frábærs útsýnis. Í dagslok verður komið við hjá vínbónda við rætur fjallsins og bragðað á framleiðslunni.

Frjáls dagur en einnig er hægt að bóka sig aukalega í skoðunarferð til hinnar sólríku og seiðandi eyju Capri. Eftir stutta siglingu frá Sorrento verður farið í land á eyjunni og gengið um fallegasta hluta hennar, suðaustur svæðið. Hér úir allt og grúir af hellum, klettum og dröngum og tilkomumikil sýn er yfir klettahólmann Faraglioni.
Eftir gönguna verður gengið um þröngar og krókóttar götur uns við fáum tækifæri til að njóta hins ljúfa lífs í hjarta Capri, á torgi hinna fínu og ríku, Piazzetta.

Á leiðinni til Cilento er stoppað í bænum Paestum þar sem finna má forngrísk musteri. Þessi þrjú risastóru musteri eru meðal fallegustu og best varðveittu dórísku musteranna í Evrópu. Síðan verður farið í skoðunarferð um vísundabúgarð þar sem framleiddur er hinn upprunalegi mozzarella ostur frá Campania héraði.

Við hefjum gönguna eftir malarvegi sem liggur upp í gegnum fallegan furuskóg og hlykkjast meðfram ströndinni. Við förum framhjá rústum gamalla sveitahúsa og litlu yfirgefnu byggðarlagi á meðan við njótum hins töfrandi útsýnis yfir hafið. Á Punta Tresino sjáum við yfir eyjuna Capri og Amalfiströndina.
Frá hæsta stað gönguleiðarinnar sjáum við Trentova flóann sem er þekktur fyrir sína vinsælu sandströnd. Þaðan sjáum við einnig höfnina í Agropoli sem einkennist af miðaldakastala í gamla bænum.
Eftir rólega göngu upp á við komum við að sögulega gamla bænum Agropoli sem situr uppi á klettum með stórkostlegu útsýni yfir höfnina og allan Salerno-flóa. Við röltum um miðaldagöturnar að kastalanum og förum í stutta skoðunarferð sem lýkur með víðáttumiklu útsýni yfir húsþök gamla bæjarins.
Hér mun rútan okkar bíða eftir að flytja okkur aftur á hótelið.

Í dag bíður okkar göngudagur fullur af stórkostlegu útsýni yfir villtustu strandlengjur Cilento þjóðgarðsins. Gönguferðin hefst á ströndinni á fallega strandstaðnum Marina di Camerota. Gangan er meðfram hellum með þar sem finna má leifar af beinum frá tímum Homo Camarotensis og þaðan er farið upp í gegnum ólífulunda upp á viðáttumikla kalksteinasléttu.
Við förum síðan niður í gegnum kjarrlendi til hins heillandi Pozzallo-flóa sem er umkringdur klettum og með kristaltæru vatni. Leiðin leiðir okkur til baka upp á við í gegnum þéttan gróður og yfir kalksteina og yfir í kjarrlendi. Töfrandi útsýni yfir hið tilkomumikla grýtta landslag, klettana og öldurnar sem hrynja við ströndina fylgir okkur þar til við förum aftur niður að hinni náttúrulegu höfn „Porto degli Infreschi“.
Við snæðum hádegissnarl á bóndabæ með sjávarútsýni þar sem við munum smakka dæmigerðar vörur úr þeirra eigin framleiðslu. Ef þess er óskað er hægt að fara heimferðina með bát (frá € 15 á mann), sem gerir okkur kleift að geta dáðst frá sjó að þessari fallegu strandlengju með allt að 200 metra háum klettum og fjölmörgum hellum.

Akstur frá hóteli til Napolí. Við fljúgum frá Napolí með Lufthansa kl. 06:40 og við lendum í Keflavík kl.13:05.