Golfskóli

Skólinn stendur yfir í 5 daga sem ferðin er. Kennslan fer fram fyrir hádegi og gert er ráð fyrir að nemendur skólans leiki golf saman eftir hádegi. Öll kennslan fer fram á léttan og skemmtilegan hátt þar sem allt er gert til að kylfingnum líði sem best. Að auki er innifalið ótakmarkað golf allan tímann auk golfbíls fyrstu 18 holur hvern spiladag. Golfkerra er innifalin allan tímann.

Markmið skólans er að gera þátttakendur að betri kylfingum með því að bæta færni í grunnatriðum golfsveiflunar og stutta spilsins. Auk þess er farið yfir golfreglurnar, umgengnisreglur og siðareglur þannig að hægt sé að leika golf á góðum hraða og hafa gaman af. Golfskólinn er fyrir alla kylfinga, ekki einungis fyrir byrjendur. Kennsluefni skólans er janfmikilvægt fyrir byrjendur og þá sem eru lengra komnir.

GISTINGIN

Hótelið stendur við glæsilegan 18 holu golfvöll sem er hannaður af Severiano Ballesteros. Við hliðina á golfvellinum og hótelinu er kjarni þar sem finna má skemmitlega bari, kaffihús og matsölustaði. Um helgar er fjörugt diskó/dans líf á torginu. Auk þess er þar apótek. Frá hótelinu er um 10 mínútna akstur til miðborgar Alicante þar sem er að finna fjörugt næturlíf og spennandi og fjölbreytta flóru veitingastaða. Það er um 10 mínútna gangur frá hótelinu á fallega strönd. Á leiðinni á ströndina eru skemmtilegar ekta spánskar verslanir og veitingahús. Í Alicante er fjöldinn allur af spennandi verslunum sem vert er að kíkja í fyrir þá sem vilja gera góð kaup. Stærsti verslunarkjarninn (Mall) Plaza Mar 2 er ekki langt frá Alicante Golf, þar eru allar helstu verslanirnar.  Í Alicante búa um 300.000 manns. Borgin er full af iðandi mannlífi og kemur alltaf skemmtilega á óvart, enda er stundum sagt að Alicante sé eitt best geymda leyndarmál Spánar.