Las Madrigueras er eitt glæsilegasta golfhótel á Tenerife sem er gott fimm stjörnu hótel rétt fyrir ofan Amerísku ströndina. Hótelið er staðsett við vinsælasta golfvöll eyjunnar “Las Americas” með góða rástíma fyrir hádegi.
Innifalið í verði:
Beint flug fram og til baka, flugvallagjöld og skattar, ferðataska og handfarangur, gisting, 5 golfhringir á Las Americas golfvöllurinn, 1 golfbíll á herbergi, ókeypis aðgangur að SPA (líkamsrækt, gufubað og heitur pottur), 1 golfara nudd (25 mínútur), ávextir og vatn við komu á hótelherbergi, og einkaakstur frá flugvelli að hóteli og frá hóteli að flugvelli.
Ekki innifalið í verði:
Athugið að ekki er boðið upp á fararstjórn.
Ferðalýsing
Flogið er í beinu flugi til Tenerife á Tenerife South flugvöllinn sem er staðsettur stutt frá Las Madrigueras hótelinu og golfvellinum. Einkaakstur er til og frá flugvelli. Gist er á fimm stjörn Las Madrigueras hótelinu fyrir ofan Amerísku ströndina sem liggur upp við golfvöllinn með aðgang að góðri heilsulind. Vikuferðirnar bjóða upp á fimm golfhringi á Las Americas vellinum með golfbíl.
Golfvöllurinn
Golf Las Americas er hannaður af John Jacobs árið 1998 og er 18 holu par 72 keppnisvöllur með einstaklega góðar flatir allt árið í kring og hentar öllum getustigum. Lengd vallarins er 5860m af gulum teigum og 5026m á rauðum teigum. Landslag vallarins er gríðarlega fallegt með mikið af vötnum, fossum, trjám og hæðum. Klúbbhúsið er svo einstaklega glæsilegt með strórum svölum með skemmtilegt útsýni yfir völlinn.
Allir gestir hafa frían aðgang að golfbíl og geta tekið lyftu hótelsins niður í kjallara þar sem bílinn bíður ásamt sér geymslu fyrir golfsett (sér geymsla fyrir hvert herbergi). Þaðan aka menn beint út á golfvöll hvort sem þeir eru að fara til að æfa eða spila golf. Hótelgestir geta pantað rástíma í gestamóttöku og ganga fyrir með val á rástímum fyrir hádegi.
Las Madrigueras hótelið
Herbergin eru óvenju rúmgóð og hönnuð í klassískum stíl. Þau eru vel búin með stóru rúmi, baðherbergi með baðkari og sturtu, gervihnattasjónvarpi, hljómflutningsgræjum og þráðlausu interneti. Öll herbergi eru loftkæld og eru með mini-bar, síma og öryggishólfi og boðið er upp á herbergisþjónustu allan sólarhringinn. Á sumum herbergjunum eru svalir eða verönd með útsýni yfir golfvöllinn og eyjuna La Gomera.
Garðurinn er einstaklega fallegur og miðar að því að gestir geta slakað á í rólegheitum, þar er að finna upphitaðar sundlaugar, sundlaugarbar og sólbaðsaðstöðu með sólbekkjum, sólhlífum og handklæðum við sundlaug. Á hótelinu er glæsileg snóker og billjard aðstaða með góðum kokteil bar ásamt góðri heilsulind sem er með saunu, tyrknesku baði, nuddpotti og líkamsræktaraðstöðu. Einnig er gjafavöruverslun og hárgreiðslustofa sem gestir geta nýtt sér.
VEITINGASTAÐIR
Á hótelinu eru tveir góðir fyrsta flokks veitingastaðir. Annar þeirra er „a la carte“ og hinn er alþjóðlegur, staðsettur á efstu hæð hótelsins með útsýni yfir golfvöllinn. Einnig eru tveir barir, sundlaugarbar og píanóbar sem býður upp á lifandi tónlist og fjölbreytta kokteila.
Tenerife
Tenerife hefur allt það að bjóða sem bestu sólarstaðir státa af. Eyjan er þekkt fyrir einstaka veðursæld, hreinar strendur og fjölbreytta afþreyingu. Á suðurhluta Tenerife skín sólin nánast alla daga ársins og þar er vinsælast að vera. Playa de Las Americas er þar sunnalega við hinn svokallaða “Laugaveg” en þar er frábært úrval verslana og veitingastaða á heimsmælikvarða rétt hjá Las Madrigueras hótelinu og golfvellinum Las Americas.
Athugið
Staðfestingargjald er 50.000 kr. og er óafturkræft. Vinsamlegast kannið forfallatryggingar sem fylgja kreditkortum og/eða heimilistryggingum.
Ferðaskrifstofan/fararstjóri áskilur sér rétt til að breyta áætlun ferðar ef veður, umferð eða aðrar ófyrirsjáanlegar aðstæður gefa tilefni til.
Mikilvægt er að nöfn á bókunum stemmi nákvæmlega við nöfn í vegabréfi. Það er á ábyrgð farþega ef svo er ekki.