Sigling um gríska eyjahafið 2024

Flogið verður með Austrian Airlines til Feneyja gegnum Vínarborg.

Brottför frá Keflavík er rétt eftir miðnætti, aðfaranótt 10.maí, svo farið er út á flugvöll að kvöldi 9.maí, brottför er rétt eftir miðnætti, kl.00:10.

Flogið er til Vínarborgar þar sem lent verður kl.06:15 að staðartíma, áfram er haldið kl.09:10 og lent í Feneyjum kl.10:15 að staðartíma.

Hópurinn fer með bát (water taxi) frá flugvellinum yfir á Hótel Cavalleto E Doge Orseolo þar sem gist verður í eina nótt. Frjáls dagur í Feneyjum svo að hægt sé að hvíla sig og slaka á.

Að loknum morgunverði á hótelinu verður farið í 3ja tíma skoðunarferð um Feneyjar og endað á léttum hádegisverði.

Eftir hádegið flytur rúta hópinn að höfninni Marghera þar sem stigið verður um borð í skemmtiferðaskipið Costa Deliziosa.

Lagt er úr höfn kl.17:00 og siglt á vit ævintýranna.

Komið til Bari á Ítalíu kl.14:00.

Bari er höfuðborg Pugliahéraðsins á Suður-Ítalíu. Upprunalega var Bari grísk nýlenda en varð síðar mikilvægur ítalskur verslunarstaður. Elsti borgarhlutinn (Bari Vecchio) er á höfða milli gömlu og nýju hafnarinnar en í honum er eins tíminn hafi staðið í stað. Þar má finna þröngar litlar götur, börn í fótbolta, eldri menn að reykja og spjalla, eldri konur að hengja upp þvott og 40 kirkjur!
Ekki gleyma að rölta um gömlu höfnina þar sem fiskibátarnir koma að landi með feng dagsins og selja fenginn beint úr bátnum. Í Bari má einnig finna lengsta hafnargarð Ítalíu sem byggður var af Mussolini á sínum tíma, Longomare.
Mikilvægt er að vera komin tímanlega tilbaka um borð í skipið!

Lagt verður úr höfn kl.20:00.

Siglt áleiðis til grísku eyjanna og tilvalið að nýta daginn til þess að slaka á í sólbaði og sundi en á skipinu má meðal annars finna 7 sundlaugar og heita potta, 5 veitingastaði, íþróttasvæði, hlaupabraut, leikhús, spilavíti og heilsulind.

Allir ættu að finna eitthvað við sitt hæfi.

Komið er til eyjunnar Mykonos kl.08:00 að morgni. Mykonos er hluti af Cyclades eyjaklasanum og er af mörgum talin ein af fegurstu eyjum gríska eyjahafsins. Hér má finna hin fallegu og hefðbundnu hvítu hús með bláskreyttum þökum, þröngar götur og fallegar strendur.
Líflegt næturlíf er á eyjunni sem dregur nafn sitt af hetjunni Mykonos sem var sonarsonur guðsins Apollo í grísku goðafræðinni. Skipulagðar skoðunarferðir á vegum Costa Cruise má kaupa um borð í skipinu.

Munið að vera komin tímanlega tilbaka, lagt er úr höfn kl.20:00 að staðartíma.

Komið er til eyjunnar Santorini kl.08:00 að morgni en Santorini er ein þekktasta og fallegasta eyjan í eyjahafinu ásamt Mykonos.
Útsýni er ægifagurt yfir gíginn, eyjarnar og hafið en margir listamenn hafa fengið innblástur á eyjunni og sest þar að. Fjöldi verslana með fallega listmuni og handverk er að finna á eyjunni og ómissandi er að setjast niður á veitingastað með fallegu útsýni og njóta. Skipulagðar skoðunarferðir á vegum Costa Cruise má kaupa um borð í skipinu. Munið að vera komin tímanlega tilbaka, lagt er úr höfn kl.18:00 að staðartíma.

Kl.12:00 á hádegi er komið til Katakolon. Katakolon hefur verið áfangastaður skemmtiferðaskipa síðan á fimmta áratugnum.

Í aðeins hálftíma fjarlægð frá höfninni er að finna hinar fornu rústir Olympiu, en þaðan er hugmyndin að nútíma Ólympíuleikum sprottin. Í Olympiu fór fram keppni í þrótti og fimi frá árunum 800 f.Kr til ársins 400 e.Kr.
Komu aðilar víða að til að etja kappi á leikunum en á þeim tíma var héraðið Olympia helgað guðinum Seifi (Zeus) úr grísku goðafræðinni. Enn má finna leifar af u.þ.b. 70 byggingum og musterum á svæðinu.

Þeir sem vilja sleikja sólina og njóta grískrar matargerðar geta farið í strandbæinn Kyparissia. Skipulagðar skoðunarferðir á vegum Costa Cruise má kaupa um borð í skipinu.

Munið að vera komin tímanlega tilbaka,lagt er úr höfn kl.18:00 að staðartíma.

Dagur til að njóta alls þess sem skipið hefur upp á að bjóða.

Kl. 09:00 að morgni leggst skipið að höfn í Port Marghera.

Hópurinn verður fluttur með bát (water taxi) yfir til Feneyja þar sem við tékkum okkur inn á Hotel Cavalletto E Doge, en það er fallegt 4 stjörnu hótel staðsett í hjarta Feneyja, stutt frá Markúsartorginu.

Eftir að fólk hefur komið sér fyrir á hótelinu er tilvalið að rölta um litlu göturnar, sigla á gondóla eða heimsækja Leonardo da Vinci safnið svo eitthvað sé nefnt.

Heilsdagsferð til eyjanna Murano og Burano sem eru tvær af þeim 118 eyjum sem teljast til Feneyja.
Eyjurnar eru þekktar fyrir afar litrík hús og sjarmerandi umhverfi og þykja einstaklega skemmtilegar heim að sækja.

Frjáls dagur til að njóta í Feneyjum.

Um kl.11 förum við aftur með vatnataxa (water taxi) yfir á flugvöllinn í Feneyjum en þaðan fljúgum við kl.14:40 að staðartíma með Austrian Airlines, lending í Vínarborg kl.15:45 að staðartíma.

Áfram höldum við kl.21:00 að staðartíma frá Vínarborg og verður lent í Keflavík kl.23:20 að íslenskum tíma.