Ef golfferð er ofarlega á óskalistanum og þú vilt heimsækja algjöra paradís kylfinga þá skaltu fara til Algarve, þar er að finna golfvelli sem tvímælalaust henta öllum kylfingum. Í þessari ferð erum við með glæsilegt úrval golfvalla en að sjálfsögðu er hægt að óska eftir öðrum golfsvæðum. Annars vegar erum við að bjóða upp á golfvöllinn Pestana Vila Sol í Vilamoura, en hann er alþjóðlega viðurkenndur golfvöllur, hannaður af Donald Steel og vígður árið 1991. Hinsvegar erum við að bjóða upp á golfvellina í Quinta do Lago, en þar er að finna þrjá golfvelli. Norðurvöllurinn var endurhannaður árið 2014 af hinum virta arkitekt Beau Welling, ásamt Paul McGinley. Suðurvöllurinn, krúnudjásn Quinta do Lago var hannaður árið 1974 af William Mitchell og svo Laranjal völlurinn, sem opnaði árið 2009.
Pestana Vila Sol – ef gist er á Pestana Vila Sol & Resort Hotel
Pestana Vila Sol er alþjóðlega viðurkenndur golfvöllur og einn af eftirsóttustu golfvöllum í Algarve, hannaður af Donald Steel og vígður árið 1991. Pestana Vila Sol golfvöllurinn er 27 holur, staðsettur á 150 hektara landi náttúrufegurðar. Strax við fyrsta teig verður ljóst að Pestana Vila Sol golfsvæðið er hannað með varðveislu og verndun náttúrunnar í huga.
Quinta do Lago – ef gist er á Magnolia Hotel
Þrír frábærir golfvellir í boði:
Norðurvöllurinn var algerlega endurhannaður árið 2014, af hinum virta arkitekt Beau Welling, ásamt Paul McGinley fyrrum fyrirliða Ryder Cup í Evrópu. Fjögur sett af teigum til að koma til móts við leikmenn á öllum stigum.
Suðurvöllurinn er krúnudjásn Quinta do Lago, hannaður árið 1974 af William Mitchell, með grænum flötum, teigum og glompur eftir amerískum stöðlum og er eitt af flaggskipum Evrópumótaraðarinnar.
Laranjal völlurinn opnaði árið 2009 og var valinn besti golfvöllurinn á portúgölsku ferðaverðlaununum. Völlurinn er með fimm par 5, átta par 4 og fimm par 3. Bermuda gras á brautum og Penn-A4 á flötum sem tryggir framúrskarandi púttfleti allt árið.
Í Portúgal mætast gamli og nýi tíminn og mynda heillandi veröld. Það er eitthvað ósnortið við Portúgal, landið og þjóðina sem þar býr – eitthvað sem erfitt er að útskýra eða festa hendur á. Portúgal er land andstæðna sem býr yfir óendanlegum tilbrigðum lífs og listar. Það er land skuggsælla skóga, öldusorfinna kletta, sólgylltra stranda og hvítkalkaðra húsa. Land þar sem virðulegir kastalar, þöglar kirkjur og syngjandi vindmyllur standa eins og þær hafi orðið viðskila við nútímann.
Þær eru ekki margar sólarstrendurnar í Suður-Evrópu þar sem sólþyrstir íbúar norðurálfu geta flatmagað innan um geðþekka trillukarla sem dytta að netum sínum og bátum.
Ofan við ströndina blasir við töfrandi ævintýramynd þar sem hvítkalkaðar byggingar, sumar með márísku yfirbragði, tylla sér á klettasyllur meðfram tæru Atlantshafi. Í sólarhéraðinu Algarve er einnig ósnortin náttúra og heillandi menning og hvarvetna mætir ferðamönnum portúgölsk hlýja og gestrisni.
Flogið er í beinu flugi með Icelandair til Faro og þaðan er 40 mín akstur til Albufeira.
Albufeira
Þessi gamli fiskimannabær, er orðinn einn af þekktari ferðamannastöðum í Algarve héraði og ekki að ástæðulausu. Þar sem áður fyrr var lítill og snotur bær þar sem sjómenn réru til fiskjar og dyttuðu að netum sínum, hefur vaxið upp nútímalegur og líflegur ferðamannabær.
Í bænum eru tveir kjarnar, annars vegar gamli bærinn við fiskimannaströndina og hins vegar „Laugavegurinn”
Gamli bærinn er sjarmerandi, státar af kirkjum bæjarins og öllum elstu byggingunum. Bæjartorgið iðar af mannlífi með úrvali af veitingastöðum, kaffihúsum og börum. Í hinum þröngu götum út frá torginu má finna margar skemmtilegar sérverslanir sem taka vel á móti ferðamönnum. Á sumrin koma hljómsveitir og látbragðsleikarar, sem troða upp gestum og gangandi til skemmtunar.
Í hinum enda bæjarins er „Laugavegurinn“ Þar standa í röðum veitingastaðir, ísbúðir, kaffihús, og verslanir af öllu hugsanlegu tagi. Neðst við Laugaveginn, næsta Oura ströndinni eru diskóbarirnir með miklu fjöri, stundum langt fram á nótt.
Næturlífið á Laugaveginum er rífandi skemmtilegt og allir ættu að finna eitthvað við sitt hæfi
Albufeira
Olhos de Água
Olhos de Água er gamalt fiskimannaþorp staðsett í næstu vík við hliðina á Albufeira. Bærinn er sjarmerandi og andrúmsloftið er rólegt og þægilegt, sem er ein helsta ástæða þess að ferðamenn heimsækja bæinn aftur og aftur. Þar má finna silkimjúkar baðstrendur þar sem er dásamlegt að verja degi með fjölskyldunni. Á strandlengjunni eru litlir fiskikofar sem enn eru notaðir í dag af heimamönnum. Í bænum er fjöldinn allur af góðum veitingastöðum og kaffihúsum. En á kvöldin myndast svo notaleg ekta portúgölsk stemming. Í næsta nágrenni má svo finna golfvöllinn Pine Cliffs þar sem hægt er að spila golf.
Fjölbreytt úrval gistimöguleika er að finna í Albufeira. Í boði eru góðar íbúðagistingar og glæsileg hótel. Hægt er að velja um þriggja, fjögurra eða fimm stjörnu gistingar sem og hversu mikið fæði fólk kýs að hafa innifalið. Hægt er að velja um morgunmat, hálft fæði (morgun- og kvöldmatur), fullt fæði (morgun, hádegis- og kvöldmatur), allt innifalið (morgun-, hádegis og kvöldmatur, snarl milli mála og drykkir innifaldir í verði) og svo er að sjálfsögðu hægt að sleppa öllu fæði með gistingu.
Verð og dagsetningar
Innifalið í verði:
Beint flug fram og til baka, flugvallagjöld og skattar, ferðataska og handfarangur, 8 nætur á 5 stjörnu gistingu, íslensk fararstjórn, akstur til og frá flugvelli, með The Magnolia Hotel eru innifaldir 6 golfhringir á Quinta do Lago, með Pestana Vila Sol Golf & Resort Hotel er innifalið ótakmarkað golf og golfbíll á Pestana Vila Sol, val er um morgunmat eða hálft fæði, og með Salgados Golf Course er ótakmarkað golf og golfbíll.
