Sérferð til Ítalíu

Beint flug með Neos kl.10:00 frá Keflavík.
Lending á flugvellinum í Veróna kl.16:00 að staðartíma. Rúta flytur hópinn á hótel NH Bergamo í borginni Bergamo í rúmlega klukkustundar akstursfjarlægð. Bergamo er heillandi borg, staðsett við rætur ítölsku alpanna í Lombardy héraðinu.
Kvöldverður á hótelinu innifalinn fyrsta kvöldið.

Skoðunarferð um Bergamo, 3ja tíma gönguferð á rólegum og þægilegum hraða þar sem helstu gersemar borgarinnar verða skoðaðar, svosem Piazza Vecchia, Palazzo della Ragionie og Basilica Santa Maria Maggiore. Gamli hluti borgarinnar eru umlukinn borgarmúr sem reistur var á 16.öld. Innan múrsins má finna þröngar götur, litlar sérverslanir með fallegu handverki, sælkeravörum og listmunum sem og urmull af kósý veitingastöðum og börum/kaffistöðum.

Eftir skoðunarferðina er dagurinn frjáls og tilvalið að njóta alls þess sem Bergamo hefur að bjóða.

Heilsdags skoðunarferð til Comovatns þar sem meðal annars gengið um bæinn Como og farið í bátsferð frá Cadenabbia til Bellagio og aftur tilbaka. Comovatn er 146 km2 að stærð eða þriðja stærsta vatnið af ítölsku vötnunum. Lago di Como er af mörgum talið fallegasta vatnið og vilja margir jafnvel meina að það sé fallegasta vatn í Evrópu! Comovatn er um 400 m djúpt og er talið að botn þess liggi 200 m undir sjávarmáli.

Um kl.11 tékkar hópurinn sig út af hótelinu og rúta flytur okkur til Genoa. Rútuferðin tekur um 3 klukkustundir og verður stoppað á leiðinni eftir þörfum.
Þegar komið er til Genoa tékkum við okkur inn á Best Western Plus City Hotel sem staðsett er í hjarta borgarinnar. Hópurinn hittist svo í anddyrinu seinni partinn og þá förum við í 3ja klukkustunda skoðunarferð um borgina. Borgin, sem er löng og mjó, liðast í 30 km eftir ítölsku rívíerunni. Þetta er sögufræg hafnarborg við Miðjarðarhafið sem hefur mikla sögu og menningararfleifð. Stór hluti af gamla bænum í Genoa var settur á heimsminjaskrá UNESCO árið 2006 en þetta er sá stærsti borgarhluti í Evrópu sem hefur varðveist frá miðöldum. Hér er svo sannarlega hægt að þræða þröngar litlar göturnar (sem borgarbúar kalla “caruggi”), fylgjast með mannlífinu og njóta alls þess sem finna má í þessari stórmerkilegu borg. Þess má einnig geta að merkir menn eins og Kristófer Columbus og Niccolo Paganini fæddust í Genoa.

Í dag tökum við daginn snemma og skoðum hin frægu þorp sem einu nafni nefnast Cinque Terre, í heilsdags skoðunarferð.
Cinque Terre þýðir bókstaflega fimm þorp og er nafnið samnefnari yfir þorpin Monterosso al Mare, Vernazza, Corniglia, Manarola og Riomaggiore. Þetta einstaka svæði var gert að þjóðgarði árið 1999 og er á heimsminjaskrá UNESCO þar sem þorpin búa yfir einstökum menningarminjum um líf fyrr á öldum. Þorpin eru byggð í bröttum fjallshlíðum og eru bílar ekki leyfilegir í þeim. Hópurinn tekur lest sem gengur á milli allra þorpanna og endar svo á að sigla tilbaka til Genoa í lok dags. Þorpin þykja hvert öðru fallegra og koma milljónir ferðamanna ár hvert að berja fegurðina augum. Á milli þorpanna liggur fjallastígur sem er um 10 km að lengd. Hækkunin á leiðinni er 600 metrar og tekur u.þ.b. 5 klst að ganga leiðina en einnig er hægt að ganga parta af stígnum. Þegar komið er tilbaka eftir dagsferðina er kvöldverður innifalinn á hótelinu.

Strandlengjan sem liggur í austur frá Genóa kallast Riviera di Levante. Það er sérstaklega skemmtilegt að þræða þann hluta og upplifa fallega strandbæi á borð við Camogli, Portofino, Santa Margherita Ligure, Rapallo og Sestri Levante. Í dag förum við í heilsdags skoðunarferð til Camogli, San Fruttuoso og Santa Margherita Ligure.
Camogli er rómantískur og fallegur bær með heillandi smábátahöfn, litríkum og sögulegum byggingum og rústum miðaldakastala. Í fyrri tíð var Camogli mikilvæg flotamiðstöð við Miðjarðarhafið og var þekkt sem “borg hinna þúsund hvítu seglskipa”.
Næst siglum við yfir í San Fruttuoso flóa sem er dásamlegur staður í lítilli vík á Portofino-nesinu. Þessi fallegi og rólegi staður var svo verndaður og svo erfitt að komast til fyrr á öldum, að munkum fannst tilvalið að byggja hér munkaklaustur. Klaustrið stendur enn og var allt endurnýjað 1983 og þá jafnframt opnað almenningi. Héðan siglum við áfram til Santa Margherita Ligure sem er af mörgum er talin vera perla Liguriahérðasins. Saga þessa bæjar nær aftur til Rómaveldis í fornöld. Frá seinni hluta 19.aldar byrjuðu aðalsmenn alls staðar að úr Evrópu að uppgötva hinar dásamlegu strandborgir Liguriahéraðsins og hófst þá uppbygging á þeim fallega strandbæ sem Santa Margherita er í dag.
Kvöldverður innifalinn á hótelinu.

Eftir morgunmat, um kl.10, sækir rúta hópinn og keyrir tilbaka til Veróna. Í Veróna gefst frjáls tími milli kl.14 og 18:30 til að skoða sig um en þar má t.d. finna húsið hennar Júlíu og svalirnar þar sem Rómeo stóð fyrir neðan og játaði henni ást sína, hringleikahúsið Arena di Verona sem var byggt fyrir meira en 2000 árum, Piazza Bra torgið, gröf Júlíu sjálfrar við Via Shakespeare og margt, margt fleira.
Hópurinn þarf að vera mættur aftur í rútuna milli kl.18:30 og 19:00 og verður þá haldið á flugvöllinn.
Brottför kl.21:35, beint flug með Neos frá Veróna til Keflavíkur. Lending í Keflavík er kl.23:55