Skiresort.de, sem er stærsti skíðasvæða-vefur heims, hefur útnefnt Kitzbühel skíðasvæðið í Tírol besta skíðasvæðið árin 2013, 2014, 2015, 2016, og 2017: Best Ski Resort in theWorld. Þetta er einstök viðurkenning og sýnir hversu leiðandi Kitzbühel er og gæðastuðull svæðisins ýtir undir frekari vöxt.

hurn Pass í Kitzbühel er eitt af stærstu skíðasvæðum í Austurríki. Á svæðinu eru 56 togbrautir sem þjóna 179 km af brekkum og 40 km af mótuðum utan-vega og torfærubrautum. Sömuleiðis er á svæðinu “3S Cable Car” kláfferjan sem tengir skíðasvæðin saman og er hún sú sem liggur hæst frá jörðu í heimi. Athugið að enginn fararstjóri er á þessu skíðasvæði á vegum Úrval Útsýn.

ST. JOHANN Í TÍRÓL

St. Johann er einstaklega fallegur og sjarmerandi lítill fjallabær sem staðsettur er í miðjum Leukental-dalnum. Saga St. Johann teygir sig langt aftur en rekja má upphafið aftur til 4. aldar f. Kr. Nú á tímum er bærinn afar vinsæll meðal ferðameanna sem ætla sér að stunda skíðabrekkurnar í Kitzbühel á skíðasvæðunum SkiStar og St. Johann.

SALZBURGER

Salzburger svæðið er án efa eitt það besta til að eyða vetrarfríinu, en svæðið býður upp á endalausa möguleika fyrir skemmtileg skíða- og snjóbrettævintýri. Nær endalaus skíðasvæði í mismunandi stærðum bíða þess að slá í gegn meðal áhugafólks um vetraríþróttir.

Streif er frægasta skíðabraut í heimi og Hahnenkamm brautin er brekkan sem allir skíðamenn vilja takast á við.

21 SKÍÐASVÆÐI MEÐ EINU KORTI

Salzburg Super Ski Card flytur ánægjuna af skíðum upp á annað stig og gefur mesta fjölbreytni af öllum skíðapössum þó víðar væri leitað. Passinn gefur heimild fyrir yfir 2.750 kílómetrum af fallegum brautum og endalausum möguleikum á að velja skemmtilegar skíðaleiðir. Það er hægt að fjárfesta í mismunandi gerðum af pössum, allt frá dagpössum til ákveðins fjölda dagspassa, sem og fyrir allt tímabilið. Þá þarf enginn að hafa áhyggjur af veðurspá því það er hægt að ákveða á síðustu stundu hvert förinni skal heitið og velja nýjar skíða- og snjóbrettaleiðir ef vill. Mjög auðvelt er svo að færa sig yfir á næsta svæði ef hugurinn leitar að enn öðrum leiðum og áskorunum í brekkunum.

HENTAR ÖLLUM

St. Johann bær er vel þekktur fyrir gott skíðasvæði og nægan snjó, og býður bærinn upp á eitthvað fyrir alla. SkiStar er staðsett á norður-hluta fjallsins. Þessi hluti er mjög vinsæll hjá fjölskyldum og óreyndari skíðaköppum. Fyrir reyndari skíðakappa er þar að finna 3,5 km langa svarta skíðabraut með brekku sem fellur niður 1.000 metra en þar er útsýnið hreint út sagt magnað. Stærsta brekkan er Harschbichl sem stendur 1.600 metra yfir sjávarmáli. Á svæðinu er einnig flottur skíðaskóli fyrir börnin.

MIKIÐ ÚRVAL BRAUTA

Salzburger svæðið skiptist upp í 1.142 km af bláum brautum, 1.307 km af rauðum brautum og 301 km af svörtum brautum til að tryggja að allir finni braut við sitt hæfi, braut sem er samkvæmt áskorunum hvers og eins. Þessi breidd í vali á brautum gerir Salzburger svæðið að paradís fyrir alla þá sem leita að spennandi svæði og skemmtun í snjónum. Salzburg SuperSki kortið var kynnt svo allir gætu upplifað svæðið og það sem það hefði upp á að bjóða á mismunandi getustigi hvers og eins.

KITZBÜHLER ALPS ALLSTAR

Það sem gerir svæðið enn skemmtilegra eru Kitzbühler Alps AllStar skíðapassarnir sem sameinast SSSC. Þessir passar bjóða í heild sinni upp á 915 kláfferjur, lyftur og 2.750 km af frábærum brautum og brekkum. Passarnir eru því fullkomið fyrir skíða- og snjóbrettafólk sem kemur á veturna og heimsækir brekkurnar, með möguleikum á allt frá 1-dags passa upp í 14-daga passa eftir því hvað hentar hverju sinni.

iStock 1082953808

HAGNÝTAR UPPLÝSINGAR

Ferðirnar út og heim

Við fljúgum með Icelandair til Munchen og tekur flugið um 4 klst. Útflug kl. 07:20 – 12:05. og heimflug kl. 13:05 – 16:00. Hver og einn má hafa meðferðis sinn skíðaútbúnað, en annars gilda almennar farangursheimildir Icelandair. Aksturstími milli Munchen og St. Johann er um 2 klst.

Skíðaskólar

Úrval-Útsýn er með samning við skíðaskólann St. Johann. Þar fá farþegar okkar 4% afslátt og boðið er upp á afbragðs kennara. Við mælum eindregið með að fólk taki nokkrar kennslustundir og á þetta sérstaklega við um byrjendur.

Aðgengi að svæðinu

St. Johann skíðasvæðið hefur fimm upphafsreiti, sem þó eru allir aðeins fyrir utan bæinn. Hægt er að taka rútu sem fer á morgnana en einnig er hægt að ganga á svæðin. Á skíðasvæðinu eru yfir 50 veitingastaðir.

Næturlíf

St. Johann hefur góðan orðstír fyrir rólegheit og þægindi. Hægt er að snæða á yfir 50 veitingastöðum. Horn Park er klifurgarður sem er fullkominn staður til að kíkja á eftir góðan dag í brekkunum.

Í bænum má einnig finna

  • Sundlaugargarð
  • Klifurgarð
  • Apotek (Apotheke Zum Wilden Kaiser & Johannes Apotheke).
  • Sjúkrahús (Bahnhofstraße 14, 6380 St. Johann in Tirol).

Leigubílar

Eftir skemmtilegan dag í brekkum St. johann eða Kitzbuhel er fólk misþreytt og gætu sumir kosið að taka leigubíl heim á hótelið.

  • Taxi St. Johann in Tirol: 0043 5352 20607
  • Anton Schreder: 0043 664 342 77 68
  • Taxi Schreder: 0043 5352 62 550
  • STAR Taxi: 0043 676 963 04 05

Nauðsynlegt fyrir fjallferðir

Hjálmur – Sólgleraugu – Skíðagleraugu – Varasalvi – Sólarvörn – Peningar (greiðasölur taka ekki allar greiðslukort) – Farsími – Símanúmer (ef eitthvað skyldi koma upp á, a.m.k. númer fararstjóra, sem er best að setja í minni) – Leiðarlýsing (ef fara á utan alfaraleiða)

Skíðaleiga

Farþegar okkar fá 10 % afslátt í skíðaleigu St. Johann ef bókað er hjá Úrval Útsýn.

Veitingstaðir í St Johann

Það eru fjölmargir veitingastaðir á svæðinu og brekkunum:

  • Egger’s
  • Rockbar
  • Max Pub
  • Top Dog
  • The larch yard
  • Dorfstad’l
  • Treasure Bar
  • Fink’s Bar WINE & SPIRITS

Gistingar í boði á Kitzbühel, Austurríki

Sæki gistingar...